= Versi recitati (+ soundtrack): INDEX file n. 246-252!
Visitate (FAQ?) HOME PAGE link >INDEX >LECTOR >CORPUS !
Lucanus: Borgerkrigen [Bellum civile]
= file n. 246 - 16:34 minuti ⬇ Cerca Ctrl + F (find) Prossimo n.24
Marcus Annaeus Lucanus: Borgerkrigen, 1. bog (Budé) # BC1-LUCA.
1 Bella per Emathios plus quam civilia campos, [ ]
2 iusque datum sceleri canimus, populumque potentem [ ]
3 in sua victrici conversum viscera dextra, [ ]
4 cognatasque acies, et rupto foedere regni [ ]
5 certatum totis concussi viribus orbis [ ]
6 in commune nefas, infestisque obvia signis [ ]
7 signa, pares aquilas et pila minantia pilis. [ ]
8 Quis furor, o cives, quae tanta licentia ferri [2]
9 gentibus invisis Latium praebere cruorem! [ ]
10 cumque superba foret Babylon spolianda trophaeis [ ]
11 Ausoniis umbra -que erraret Crassus inulta, [ ]
12 bella geri placuit nullos habitura triumphos? [ ]
13 heu quantum terrae potuit pelagique parari [ ]
14 hoc quem civiles hauserunt sanguine dextrae, [ ]
15 unde venit Titan, et nox ubi sidera condit, [1]
16 quaque dies medius flagrantibus aestuat horis [ ]
Marcus Annaeus Lucanus: Borgerkrigen, 1. bog (Budé)
17 et qua bruma rigens ac nescia vere remitti [1]
18 adstringit Scythico glacialem frigore pontum! [ ]
19 sub iuga iam Seres, iam barbarus isset Araxes, [ ]
20 et gens si qua iacet nascenti conscia Nilo. [ ]
21 tum, si tantus amor belli tibi, Roma, nefandi, [ ]
22 totum sub Latias leges cum miseris orbem, [ ]
23 in te verte manus; nondum tibi defuit hostis. [ ]
24 at nunc semirutis pendent quod moenia tectis [ ]
25 urbibus Italiae lapsisque ingentia muris [ ]
26 saxa iacent nulloque domus custode tenentur [ ]
27 rarus et antiquis habitator in urbibus errat, [ ]?
28 horrida quod dumis multosque inarata per annos [ ]
29 Hesperia est desuntque manus poscentibus arvis, [ ]
30 non tu, Pyrrhe ferox, nec tantis cladibus auctor [ ]
31 Poenus erit; nulli penitus descendere ferro [ ]
32 contigit; alta sedent civilis vulnera dextrae. [ ]
Marcus Annaeus Lucanus: Borgerkrigen, 1. bog (Budé)
33 Quod si non aliam venturo fata Neroni [ ]?
34 invenere viam magnoque aeterna parantur [ ]
35 regna deis caelumque suo servire Tonanti [ ]
36 non nisi saevorum potuit post bella gigantum, [ ]
37 iam nihil, o superi, querimur, scelera ista nefasque [ ]
38 hac mercede placent; diros Pharsalia campos [ ]
39 inpleat et Phoeni saturentur sanguine manes; [ ]
40 ultima funesta concurrant proelia Munda; [ ]
41 his, Caesar, Perusina fames Mutinaeque labores [ ]
42 accedant fatis et quas premit aspera classes [1]
43 Leucas et ardenti servilia bella sub Aetna: [ ]
44 multum Roma tamen debet civilibus armis, [ ]
45 quod tibi res acta est. te, cum statione peracta [ ]
46 astra petes serus, praelati regia caeli [ ]?
47 excipiet gaudente polo; seu sceptra tenere, [ ]
48 seu te flammigeros Phoebi conscendere currus, [ ]
49 telluremque nihil mutato sole timentem [ ]?
50 igne vago lustrare iuvet, tibi numine ab omni [ ]
Marcus Annaeus Lucanus: Borgerkrigen, 1. bog (Budé)
51 cedetur, iurisque tui natura relinquet, [ ]
52 quis deus esse velis, ubi regnum ponere mundi. [ ]
53 sed neque in arctoo sedem tibi legeris orbe, [1]?
54 nec polus aversi calidus qua vergitur austri, [ ]
55 unde tuam videas obliquo sidere Romam. [ ]?
56 aetheris immensi partem si presseris unam, [ ]
57 sentiet axis onus. librati pondera caeli [ ]?
58 orbe tene medio; pars aetheris illa sereni [ ]
59 tota vacet, nullaeque obstent a Caesare nubes. [ ]
60 tum genus humanum positis sibi consulat armis, [2]
61 inque vicem gens omnis amet; pax missa per orbem [ ]
62 ferrea belligeri conpescat limina Iani. [ ]
63 sed mihi iam numen, nec, si te pectore vates [ ]?
64 accipio, Cirrhaea velim secreta moventem [ ]
65 sollicitare deum Bacchumque avertere Nysa: [ ]
66 tu satis ad vires Romana in carmina dandas. [ ]
67 Fert animus causas tantarum expromere rerum, [ ]
68 immensum -que aperitur opus, quid in arma furentem [ ]
Marcus Annaeus Lucanus: Borgerkrigen, 1. bog (Budé)
69 inpulerit populum, quid pacem excusserit orbi: [ ]
70 invida fatorum series summisque negatum [2]
71 stare diu nimioque graves sub pondere lapsus [ ]
72 nec se Roma ferens. Sic cum compage soluta [1]
73 saecula tot mundi suprema coegerit hora, [ ]
74 antiquum repetens iterum chaos, omnia mixtis [ ]
75 sidera sideribus concurrent, ignea pontum [ ]
76 astra petent, tellus extendere litora nolet [ ]
77 excutietque fretum, fratri contraria Phoebe [ ]
78 ibit et obliquum bigas agitare per orbem [1]
79 indignata diem poscet sibi, totaque discors [ ]
80 machina divulsi turbabit foedera mundi. [ ]
81 in se magna ruunt; laetis hunc numina rebus [ ]
82 crescendi posuere modum. nec gentibus ullis [ ]
83 commodat in populum terrae pelagique potentem [ ]
84 invidiam Fortuna suam: tu causa malorum [ ]
85 facta tribus dominis communis, Roma, nec umquam [ ]
Marcus Annaeus Lucanus: Borgerkrigen, 1. bog (Budé)
86 in turbam missi feralia foedera regni. [ ]
87 o male concordes nimiaque cupidine caeci! [ ]
88 quid miscere iuvat vires orbemque tenere [ ]
89 in medio? dum terra fretum terramque levabit [ ]
90 aër et longe volvent Titana labores [ ]
91 noxque diem caelo totidem per signa sequetur, [ ]
92 nulla fides regni sociis, omnisque potestas [ ]
93 inpatiens consortis erit. Nec gentibus ullis [ ]
94 credite, nec longe fatorum exempla petantur: [ ]?
95 fraterno primi maduerunt sanguine muri. [ ]?
96 nec pretium tanti tellus pontusque furoris [ ]
97 tunc erat: exiguum dominos commisit asylum. [ ]
98 Temporis angusti mansit concordia discors, [ ]
99 paxque fuit non sponte ducum; nam sola futuri [ ]
100 Crassus erat belli medius mora. qualiter undas [ ]
101 qui secat et geminum gracilis mare separat Isthmos [ ]
102 nec patitur conferre fretum, si terra recedat, [ ]
103 Ionium Aegaeo franget mare: sic ubi saeva [ ]
Marcus Annaeus Lucanus: Borgerkrigen, 1. bog (Budé)
104 arma ducum dirimens miserando funere Crassus [ ]
105 Assyrias Latio maculavit sanguine Carrhas, [ ]
106 Parthica Romanos solverunt damna furores. [2]
107 plus illa vobis acie quam creditis actum est, [ ]
108 Arsacidae: bellum victis civile dedistis. [ ]
109 dividitur ferro regnum, populique potentis, [ ]
110 quae mare, quae terras, quae totum possidet orbem [ ]
111 non cepit fortuna duos. nam pignora iuncti [ ]
112 sanguinis et diro ferales omine taedas [ ]?
113 abstulit ad manes Parcarum Iulia saeva [ ]
114 intercepta manu. quod si tibi fata dedissent [ ]
115 maiores in luce moras, tu sola furentem [2]
116 inde virum poteras atque hinc retinere parentem [ ]
117 armatasque manus excusso iungere ferro, [ ]
118 ut generos soceris mediae iunxere Sabinae. [ ]
119 morte tua discussa fides, bellumque movere [ ]
120 permissum ducibus. stimulos dedit aemula virtus: [ ]
121 tu, nova ne veteres obscurent acta triumphos [ ]
Marcus Annaeus Lucanus: Borgerkrigen, 1. bog (Budé)
122 et victis cedat piratica laurea Gallis, [1]
123 Magne, times; te iam series ususque laborum [ ]
124 erigit impatiens -que loci fortuna secundi. [ ]
125 nec quemquam iam ferre potest Caesarve priorem [ ]
126 Pompeiusve parem. quis iustius induit arma? [ ]
127 scire nefas; magno se iudice quisque tuetur: [1]?
128 victrix causa deis placuit, sed victa Catoni. [ ]
129 Nec coiere pares. alter vergentibus annis [ ]
130 in senium longoque togae tranquillior usu [ ]
131 dedidicit iam pace ducem, famaeque petitor [ ]
132 multa dare in vulgus, totus popularibus auris [ ]
133 inpelli, plausuque sui gaudere theatri, [ ]
134 nec reparare novas vires, multumque priori [ ]
135 credere fortunae. stat, magni nominis umbra, [ ]
136 qualis frugifero quercus sublimis in agro [ ]
137 exuvias veteris populi sacrataque gestans [ ]
138 dona ducum; nec iam validis radicibus haeret, [ ]
139 pondere fixa suo est, nudosque per aëra ramos [ ]
Marcus Annaeus Lucanus: Borgerkrigen, 1. bog (Budé)
140 effundens, trunco non frondibus efficit umbram; [ ]
141 sed quamvis primo nutet casura sub Euro, [ ]
142 tot circum silvae firmo se robore tollant, [ ]
143 sola tamen colitur. sed non in Caesare tantum [ ]
144 nomen erat nec fama ducis, sed nescia virtus [ ]
145 stare loco, solusque pudor non vincere bello; [2]
146 acer et indomitus, quo spes quoque ira vocasset [ ]
147 ferre manum, et nunquam temerando parcere ferro, [ ]
148 successus urguere suos, instare favori [ ]
149 numinis, inpellens quidquid sibi summa petenti [ ]
150 obstaret, gaudensque viam fecisse ruina. [ ]
151 qualiter expressum ventis per nubila fulmen [ ]
152 aetheris inpulsi sonitu mundique fragore [ ]
153 emicuit rupitque diem populosque paventes [ ]
154 terruit obliqua praestringens lumina flamma; [ ]
155 in sua templa furit, nullaque exire vetante [ ]
156 materia magnamque cadens magnamque revertens [ ]
Marcus Annaeus Lucanus: Borgerkrigen, 1. bog (Budé)
157 dat stragem late sparsosque recolligit ignes. [1]
158 Hae ducibus causae; suberant sed publica belli [ ]
159 semina, quae populos semper mersere potentes. [ ]
160 namque ut opes nimias mundo fortuna subacto [ ]
161 intulit, et rebus mores cessere secundis, [ ]
162 praedaque et hostiles luxum suasere rapinae, [ ]
163 non auro tectisve modus, mensasque priores [ ]
164 aspernata fames; cultus gestare decoros [ ]
165 vix nuribus rapuere mares; fecunda virorum [ ]
166 paupertas fugitur, totoque accersitur orbe [ ]
167 quo gens quaeque perit: tunc longos iungere fines [ ]
168 agrorum, et quondam duro sulcata Camilli [ ]
169 vomere et antiquos Curiorum passa ligones [ ]
170 longa sub ignotis extendere rura colonis. [ ]?
171 non erat is populus quem pax tranquilla iuvaret, [ ]
172 quem sua libertas inmotis pasceret armis. [ ]
173 inde irae faciles et, quod suasisset egestas, [ ]
174 vile nefas magnumque decus ferroque petendum, [ ]
Marcus Annaeus Lucanus: Borgerkrigen, 1. bog (Budé)
175 plus patria potuisse sua, mensuraque iuris [ ]
176 vis erat; hinc leges et plebis scita coactae [ ]
177 et cum consulibus turbantes iura tribuni; [ ]
178 hinc rapti fasces pretio sectorque favoris [ ]
179 ipse sui populus letalisque ambitus Urbi [ ]
180 annua venali referens certamina Campo; [ ]?
181 hinc usura vorax avidumque in tempora faenus [1]
182 et concussa fides et multis utile bellum. [ ]
183 Iam gelidas Caesar cursu superaverat Alpes [ ]
184 ingentisque animo motus bellumque futurum [1]
185 ceperat. Ut ventum est parvi Rubiconis ad undas, [ ]
186 ingens visa duci patriae trepidantis imago [ ]
187 clara per obscuram voltu maestissima noctem, [ ]
188 turrigero canos effundens vertice crines, [2]
189 caesarie lacera nudisque adstare lacertis [1]?
190 et gemitu permixta loqui: 'quo tenditis ultra? [ ]?
191 quo fertis mea signa, viri? si iure venitis, [ ]?
Marcus Annaeus Lucanus: Borgerkrigen, 1. bog (Budé)
192 si cives, huc usque licet'. tunc perculit horror [1]
193 membra ducis, riguere comae, gressumque coercens [ ]
194 languor in extrema tenuit vestigia ripa. [ ]?
195 mox ait: 'o magnae qui moenia prospicis urbis [ ]
196 Tarpeia de rupe, Tonans, Phrygiique penates [3]?
197 gentis Iuleae et rapti secreta Quirini [ ]?
198 et residens celsa Latiaris Iuppiter Alba [ ]
199 Vestalesque foci summique o numinis instar, [ ]?
200 Roma, fave coeptis; non te furialibus armis [ ]
201 persequor; en adsum, victor terraque marique, [ ]
202 Caesar, ubique tuus (liceat modo), nunc quoque, miles. [ ]
203 ille erit, ille nocens, qui me tibi fecerit hostem'. [1]
204 Inde moras solvit belli tumidumque per amnem [ ]
205 signa tulit propere; sic ut squalentibus arvis [1]
206 aestiferae Libyes viso leo comminus hoste [ ]
207 subsedit dubius, totam dum colligit iram; [ ]
208 mox ubi se saevae stimulavit verbere caudae [ ]
209 erexitque iubam et vasto grave murmur hiatu [ ]
Marcus Annaeus Lucanus: Borgerkrigen, 1. bog (Budé)
210 infremuit, tunc, torta levis si lancea Mauri [ ]
211 haereat aut latum subeant venabula pectus, [ ]
212 per ferrum tanti securus volneris exit. [ ]
213 Fonte cadit modico parvisque inpellitur undis [ ]
214 puniceus Rubicon, cum fervida canduit aestas, [ ]
215 perque imas serpit valles et Gallica certus [ ]
216 limes ab Ausoniis disterminat arva colonis. [ ]
217 tum vires praebebat hiemps, atque auxerat undas [ ]
218 tertia iam gravido pluvialis Cynthia cornu [ ]
219 et madidis euri resolutae flatibus Alpes. [ ]
220 primus in obliquum sonipes opponitur amnem [ ]
221 excepturus aquas; molli tum cetera rumpit [ ]
222 turba vado faciles iam fracti fluminis undas. [ ]
= file n. 247 - 17:24 minuti
223 Caesar, ut adversam superato gurgite ripam [2]
224 attigit Hesperiae vetitis et constitit arvis, [ ]
225 'hic', ait 'hic pacem temerataque iura relinquo; [ ]
226 te, Fortuna, sequor: procul hinc iam foedera sunto. [ ]
227 credidimus fatis, utendum est iudice bello'. [ ]?
Marcus Annaeus Lucanus: Borgerkrigen, 1. bog (Budé)
228 sic fatus noctis tenebris rapit agmina ductor [ ]
229 inpiger; it torto Balearis verbere fundae [ ]
230 ocior et missa Parthi post terga sagitta [ ]
231 vicinumque minax invadit Ariminum, et ignes [ ]
232 solis lucifero fugiebant astra relicto. [ ]
233 iamque dies primos belli visura tumultus [ ]?
234 exoritur; seu sponte deum, seu turbidus auster [ ]
235 inpulerat, maestam tenuerunt nubila lucem. [ ]
236 constitit ut capto iussus deponere miles [ ]
237 signa foro, stridor lituum clangorque tubarum [2]
238 non pia concinuit cum rauco classica cornu. [ ]
239 rupta quies populi, stratisque excita iuventus [1]
240 deripuit sacris adfixa penatibus arma [ ]
241 quae pax longa dabat; nuda iam crate fluentis [ ]
242 invadunt clipeos curvataque cuspide pila [ ]
243 et scabros nigrae morsu robiginis enses. [ ]
244 ut notae fulsere aquilae Romanaque signa [ ]
245 et celsus medio conspectus in agmine Caesar, [ ]
Marcus Annaeus Lucanus: Borgerkrigen, 1. bog (Budé)
246 deriguere metu; gelidos pavor occupat artus, [ ]
247 et tacito mutos volvunt in pectore questus: [2]
248 'o male vicinis haec moenia condita Gallis, [2]?
249 o tristi damnata loco! pax alta per omnis [ ]
250 et tranquilla quies populos; nos praeda furentum [ ]
251 primaque castra sumus. melius, Fortuna, dedisses [ ]
252 orbe sub eoo sedem gelidaque sub arcto [u]?
253 errantesque domos, Latii quam claustra tueri. [ ]
254 nos primi Senonum motus Cimbrumque furentem [1]
255 vidimus et Martem Libyes cursumque furoris [ ]
256 Teutonici; quotiens Romam fortuna lacessit, [ ]
257 hac iter est bellis'. gemitu sic quisque latenti, [ ]
258 non ausus timuisse palam; vox nulla dolori [ ]
259 credita; sed quantum, volucres cum bruma coercet, [ ]
260 rura silent mediusque tacet sine murmure pontus, [ ]
261 tanta quies. noctis gelidas lux solverat umbras, [ ]
262 ecce faces belli dubiaeque in proelia menti [ ]
263 urguentes addunt stimulos cunctasque pudoris [ ]
Marcus Annaeus Lucanus: Borgerkrigen, 1. bog (Budé)
264 rumpunt fata moras; iustos fortuna laborat [ ]
265 esse ducis motus et causas invenit armis: [ ]
266 expulit ancipiti discordes Urbe tribunos [ ]
267 victo iure minax iactatis curia Gracchis. [1]
268 hos iam mota ducis vicinaque signa petentes [2]
269 audax venali comitatur Curio lingua, [ ]?
270 vox quondam populi libertatemque tueri [ ]?
271 ausus et armatos plebi miscere potentes. [ ]
272 utque ducem varias volventem pectore curas [ ]
273 conspexit: 'dum voce tuae potuere iuvari, [ ]
274 Caesar,' ait 'partes, quamvis nolente senatu, [ ]
275 traximus imperium, tunc cum mihi rostra tenere [ ]
276 ius erat et dubios in te transferre Quirites. [ ]
277 at postquam leges bello siluere coactae, [ ]
278 pellimur e patriis laribus patimurque volentes [ ]
279 exilium; tua nos faciet victoria cives. [ ]
280 dum trepidant nullo formatae robore partes, [ ]
281 tolle moras; semper nocuit differre paratis. [ ]
Marcus Annaeus Lucanus: Borgerkrigen, 1. bog (Budé)
282 par labor atque metus pretio maiore petuntur: [ ]
283 bellantem geminis tenuit te Gallia lustris, [ ]
284 pars quota terrarum? facili si proelia pauca [1]
285 gesseris eventu, tibi Roma subegerit orbem. [ ]
286 nunc neque te longi remeantem pompa triumphi [ ]
287 excipit, aut sacras poscunt Capitolia laurus; [ ]
288 livor edax tibi cuncta negat, gentesque subactas [ ]
289 vix impune feres. socerum depellere regno [ ]
290 decretum genero est; partiri non potes orbem, [ ]?
291 solus habere potes'. sic postquam fatus, et ipsi [ ]
292 in bellum prono tantum tamen addidit irae [ ]?
293 accenditque ducem, quantum clamore iuvatur [ ]
294 Eleus sonipes, quamvis iam carcere clauso [ ]
295 inmineat foribus pronusque repagula laxet. [ ]
296 Convocat armatos extemplo ad signa maniplos, [ ]
297 utque satis trepidum turba coeunte tumultum [ ]
298 conposuit vultu dextraque silentia iussit: [ ]
Marcus Annaeus Lucanus: Borgerkrigen, 1. bog (Budé)
299 'bellorum o socii, qui mille pericula Martis [ ]?
300 mecum' ait 'experti decimo iam vincitis anno, [ ]
301 hoc cruor arctois meruit diffusus in arvis [ ]
302 vulneraque et mortes hiemesque sub Alpibus actae? [ ]
303 non secus ingenti bellorum Roma tumultu [ ]
304 concutitur quam si Poenus transcenderit Alpes [ ]
305 Hannibal: implentur validae tirone cohortes; [ ]
306 in classem cadit omne nemus; terraque marique [ ]
307 iussus Caesar agi. quid? si mihi signa iacerent [ ]
308 Marte sub adverso ruerentque in terga feroces [ ]
309 Gallorum populi? nunc cum fortuna secundis [ ]
310 mecum rebus agat superique ad summa vocantes, [ ]
311 temptamur. veniat longa dux pace solutus [ ]
312 milite cum subito partesque in bella togatae [ ]
313 Marcellusque loquax et nomina vana, Catones. [ ]
314 scilicet extremi Pompeium emptique clientes [ ]
315 continuo per tot satiabunt tempora regno! [ ]
316 ille reget currus nondum patientibus annis; [ ]
Marcus Annaeus Lucanus: Borgerkrigen, 1. bog (Budé)
317 ille semel raptos nunquam dimittet honores. [ ]
318 quid iam rura querar totum subpressa per orbem [ ]
319 ac iussam servire famem? quis castra timenti [ ]
320 nescit mixta foro, gladii cum triste micantes [ ]
321 iudicium insolita trepidum cinxere corona, [ ]
322 atque auso medias perrumpere milite leges, [ ]
323 Pompeiana reum clauserunt signa Milonem? [ ]
324 nunc quoque ne lassum teneat privata senectus, [ ]
325 bella nefanda parat suetus civilibus armis [ ]
326 et docilis Sullam scelerum vicisse magistrum; [ ]
327 utque ferae tigres nunquam posuere furorem, [ ]
328 quas nemore Hyrcano, matrum dum lustra secuntur, [ ]?
329 altus caesorum pavit cruor armentorum, [ ]
330 sic et Sullanum solito tibi lambere ferrum [ ]
331 durat, Magne, sitis. nullus semel ore receptus [ ]
332 pollutas patitur sanguis mansuescere fauces. [ ]
333 quem tamen inveniet tam longa potentia finem? [ ]
334 quis scelerum modus est? ex hoc iam te, inprobe, regno [ ]
Marcus Annaeus Lucanus: Borgerkrigen, 1. bog (Budé)
335 ille tuus saltem doceat descendere Sulla [ ]
336 post Cilicasne vagos et lassi Pontica regis [ ]
337 proelia barbarico vix consummata veneno [ ]
338 ultima Pompeio dabitur provincia Caesar, [ ]?
339 quod non victrices aquilas deponere iussus [ ]?
340 paruerim? mihi si merces erepta laborum est, [1]?
341 his saltem longi non cum duce praemia belli [ ]
342 reddantur; miles sub quolibet iste triumphet. [ ]
343 conferet exanguis quo se post bella senectus? [ ]
344 quae sedes erit emeritis? quae rura dabuntur, [ ]?
345 quae noster veteranus aret? quae moenia fessis? [ ]
346 an melius fient piratae, Magne, coloni? [ ]
347 tollite iampridem victricia, tollite, signa; [ ]
348 viribus utendum est quas fecimus. arma tenenti [ ]
349 omnia dat qui iusta negat. nec numina derunt; [ ]!
350 nam neque praeda meis neque regnum quaeritur armis: [ ]
351 detrahimus dominos Urbi servire paratae'. [ ]
Marcus Annaeus Lucanus: Borgerkrigen, 1. bog (Budé)
352 Dixerat; at dubium non claro murmure volgus [ ]
353 secum incerta fremit. pietas patriique penates [ ]
354 quamquam caede feras mentes animosque tumentis [ ]
355 frangunt; sed diro ferri revocantur amore [ ]?
356 ductorisque metu. Summi tum munera pili [ ]
357 Laelius emeritis -que gerens insignia doni, [ ]
358 servati civis referentem praemia quercum: [ ]?
359 'si licet', exclamat, 'Romani maxime rector [ ]?
360 nominis, et ius est veras expromere voces: [ ]
361 quod tam lenta tuas tenuit patientia vires, [ ]
362 conquerimur. deratne tibi fiducia nostri? [ ]?
363 dum movet haec calidus spirantia corpora sanguis, [ ]
364 et dum pila valent fortes torquere lacerti, [ ]
365 degenerem patiere togam regnumque senatus? [ ]
366 usque adeo miserum est civili vincere bello? [ ]?
367 duc age per Scythiae populos, per inhospita Syrtis [ ]
368 litora, per calidas Libyae sitientis harenas: [ ]
369 haec manus, ut victum post terga relinqueret orbem, [ ]
Marcus Annaeus Lucanus: Borgerkrigen, 1. bog (Budé)
370 Oceani tumidas remo conpescuit undas, [ ]
371 fregit et arctoo spumantem vertice Rhenum. [ ]?
372 iussa sequi tam posse mihi quam velle necesse est. [ ]
373 nec civis meus est in quem tua classica, Caesar, [ ]
374 audiero. per signa decem felicia castris [ ]
375 perque tuos iuro quocumque ex hoste triumphos: [ ]?
376 pectore si fratris gladium iuguloque parentis [2]
377 condere me iubeas plenaeque in viscera partu [ ]
378 coniugis, invita peragam tamen omnia dextra; [ ]?
379 si spoliare deos ignemque inmittere templis, [ ]
380 numina miscebit castrensis flamma monetae; [ ]
381 castra super Tusci si ponere Thybridis undas, [1]?
382 Hesperios audax veniam metator in agros; [ ]
383 tu quoscumque voles in planum effundere muros, [ ]
384 his aries actus disperget saxa lacertis, [ ]
385 illa licet, penitus tolli quam iusseris urbem, [ ]
386 Roma sit'. his cunctae simul adsensere cohortes [ ]
387 elatasque alte quaecumque ad bella vocaret, [ ]
Marcus Annaeus Lucanus: Borgerkrigen, 1. bog (Budé)
388 promisere manus. it tantus ad aethera clamor [2]
389 quantus, piniferae boreas cum Thracius Ossae [ ]
390 rupibus incubuit, curvato robore pressae [ ]?
391 fit sonus aut rursus redeuntis in aethera silvae. [ ]
392 Caesar, ut acceptum tam prono milite bellum [ ]?
393 fataque ferre videt, ne quo languore moretur [ ]
394 fortunam, sparsas per Gallica rura cohortes [ ]
395 evocat et Romam motis petit undique signis. [ ]
396 deseruere cavo tentoria fixa Lemanno [ ]
397 castraque quae Vosegi curvam super ardua ripam [ ]
398 pugnaces pictis cohibebant Lingones armis. [ ]
399 hi vada liquerunt Isarae, qui gurgite ductus [2]
400 per tam multa suo, famae maioris in amnem [ ]?
401 lapsus, ad aequoreas nomen non pertulit undas. [ ]
402 solvuntur flavi longa statione Ruteni; [ ]?
403 mitis Atax Latias gaudet non ferre carinas [ ]
404 finis et Hesperiae, promoto limite, Varus; [ ]?
405 quaque sub Herculeo sacratus numine portus [ ]
Marcus Annaeus Lucanus: Borgerkrigen, 1. bog (Budé)
406 urget rupe cava pelagus (non corus in illum [ ]
407 ius habet aut zephyrus; solus sua litora turbat [ ]
408 circius et tuta prohibet statione Monoeci); - [ ]?
409 quaque iacet litus dubium quod terra fretumque [ ]
410 vindicat alternis vicibus, cum funditur ingens [ ]
411 Oceanus vel cum refugis se fluctibus aufert. [ ]
412 ventus ab extremo pelagus sic axe volutet [ ]?
413 destituatque ferens, an sidere mota secundo [ ]
414 Tethyos unda vagae lunaribus aestuet horis, [1]
415 flammiger an Titan, ut alentes hauriat undas, [1]
416 erigat Oceanum fluctusque ad sidera ducat, [ ]
417 quaerite, quos agitat mundi labor; at mihi semper [ ]
418 tu, quaecumque moves tam crebros causa meatus, [ ]
419 ut superi voluere, late. tum rura Nemetis [ ]
Marcus Annaeus Lucanus: Borgerkrigen, 1. bog (Budé)
420 qui tenet et ripas Aturi, qua litore curvo [1]?
421 molliter admissum claudit Tarbellicus aequor, [ ]
422 signa movet, gaudet -que amoto Santonus hoste [ ]?
423 et Bituris longisque leves Suessones in armis. [ ]
424 optimus excusso Leucus Remusque lacerto, [ ]
425 optima gens flexis in gyrum Sequana frenis, [ ]
426 et docilis rector monstrati Belga covinni [ ]?
427 Arvernique ausi Latio se fingere fratres [ ]
428 sanguine ab Iliaco populi nimiumque rebellis [ ]
429 Nervius et caesi pollutus foedere Cottae [ ]
430 et qui te laxis imitantur, Sarmata, bracis, [ ]?
431 Vangiones, Batavique truces, quos aere recurvo [ ]
432 stridentes acuere tubae; qua Cinga pererrat [ ]
433 gurgite, qua Rhodanus raptum velocibus undis [ ]
434 in mare fert Ararim, qua montibus ardua summis [ ]
435 gens habitat cana pendentes rupe Cebennas. [ ]
436 (Pictones inmunes subigunt sua rura; nec ultra [ ]
437 instabiles Turones circumsita castra coercent. [ ]
Marcus Annaeus Lucanus: Borgerkrigen, 1. bog (Budé)
438 in nebulis, Meduana, tuis marcere perosus [ ]
439 Andus iam placida Ligeris recreatur ab unda. [ ]
440 inclita Caesareis Genabos dissolvitur alis.) [ ]
441 tu quoque laetatus converti proelia, Trevir, [ ]
442 et nunc tonse Ligur, quondam per colla decore [ ]
443 crinibus effusis toti praelate Comatae; [ ]
444 et quibus inmitis placatur sanguine diro [ ]
445 Teutates horrensque feris altaribus Esus [1]
446 et Taranis Scythicae non mitior ara Dianae. [ ]
447 Vos quoque, qui fortes animas belloque peremptas [ ]
448 laudibus in longum vates dimittitis aevum, [ ]
449 plurima securi fudistis carmina, bardi. [2]?
450 et vos barbaricos ritus moremque sinistrum [ ]
451 sacrorum, druidae, positis repetistis ab armis. [ ]
452 solis nosse deos et caeli numina vobis [ ]
453 aut solis nescire datum; nemora alta remotis [ ]
454 incolitis lucis; vobis auctoribus umbrae [ ]
Marcus Annaeus Lucanus: Borgerkrigen, 1. bog (Budé)
455 non tacitas Erebi sedes Ditisque profundi [1]?
456 pallida regna petunt: regit idem spiritus artus [ ]
457 orbe alio; longae, canitis si cognita, vitae [ ]
458 mors media est. certe populi, quos despicit arctos, [ ]
459 felices errore suo, quos ille timorum [ ]?
460 maximus haut urguet, leti metus. inde ruendi [1]
461 in ferrum mens prona viris animaeque capaces [ ]
462 mortis, et ignavum rediturae parcere vitae. [ ]
463 Et vos crinigeros bellis arcere Caycos [ ]
464 oppositi petitis Romam Rhenique feroces [ ]
465 deseritis ripas et apertum gentibus orbem. [1]
= file n. 248 - 17:01 minuti
466 Caesar, ut inmensae conlecto robore vires [ ]
467 audendi maiora fidem fecere, per omnem [2]
468 spargitur Italiam vicinaque moenia conplet. [2]
469 vana quoque ad veros accessit fama timores [ ]
470 inrupitque animos populi clademque futuram [1]
471 intulit et velox properantis nuntia belli [ ]
472 innumeras solvit falsa in praeconia linguas. [ ]
Marcus Annaeus Lucanus: Borgerkrigen, 1. bog (Budé)
473 est qui, tauriferis ubi se Mevania campis [2]?
474 explicat, audacis ruere in certamina turmas [ ]
475 adferat, et qua Nar Tiberino inlabitur amni, [ ]
476 barbaricas saevi discurrere Caesaris alas; [ ]
477 ipsum omnes aquilas conlataque signa ferentem [ ]
478 agmine non uno densisque incedere castris. [2]
479 nec qualem meminere vident: maiorque ferusque [ ]
480 mentibus occurrit victoque inmanior hoste. [ ]
481 hunc inter Rhenum populos Alpemque iacentes, [ ]
482 finibus arctois patriaque a sede revolsos, [1]
483 pone sequi, iussamque feris a gentibus Urbem [1]
484 Romano spectante rapi. sic quisque pavendo [2]
485 dat vires famae, nulloque auctore malorum, [ ]
486 quae finxere timent. nec solum vulgus inani [ ]
487 percussum terrore pavet, sed curia; et ipsi [ ]
488 sedibus exsiluere patres, invisaque belli [ ]!
489 consulibus fugiens mandat decreta senatus. [ ]
490 tunc quae tuta petant et quae metuenda relinquant [ ]
Marcus Annaeus Lucanus: Borgerkrigen, 1. bog (Budé)
491 incerti: quo quemque fugae tulit impetus, urget [ ]
492 praecipitem populum, serieque haerentia longa [ ]
493 agmina prorumpunt; credas aut tecta nefandas [ ]
494 corripuisse faces aut iam quatiente ruina [ ]
495 nutantes pendere domos; sic turba per urbem [ ]
496 praecipiti lymphata gradu, velut unica rebus [ ]
497 spes foret adflictis patrios excedere muros, [ ]
498 inconsulta ruit. qualis, cum turbidus auster [ ]
499 reppulit a Libycis inmensum Syrtibus aequor [ ]
500 fractaque veliferi sonuerunt pondera mali, [ ]
501 desilit in fluctus deserta puppe magister [ ]
502 navitaque, et nondum sparsa conpage carinae [ ]
503 naufragium sibi quisque facit; sic urbe relicta [ ]
504 in bellum fugitur. nullum iam languidus aevo [ ]
505 evaluit revocare parens coniunxve maritum [ ]
506 fletibus, aut patrii, dubiae dum vota salutis [ ]
507 conciperent, tenuere lares; nec limine quisquam [ ]
Marcus Annaeus Lucanus: Borgerkrigen, 1. bog (Budé)
508 haesit, et extremo tunc forsitan urbis amatae [ ]?
509 plenus abit visu; ruit inrevocabile vulgus. [ ]?
510 o faciles dare summa deos eademque tueri [ ]
511 difficiles! urbem populis victisque frequentem [ ]
512 gentibus et generis, coeat si turba, capacem [ ]
513 humani facilem venturo Caesare praedam [1]?
514 ignavae liquere manus. cum pressus ab hoste [2]
515 clauditur externis miles Romanus in oris, [ ]
516 effugit exiguo nocturna pericula vallo, [ ]
517 et subitus rapti munimine caespitis agger [1]?
518 praebet securos intra tentoria somnos: [ ]
519 tu tantum audito bellorum nomine, Roma, [ ]
520 desereris; nox una tuis non credita muris. [ ]
521 danda tamen venia est tantorum, danda, pavorum: [ ]
522 Pompeio fugiente timent. Tum ne qua futuri [ ]
523 spes saltem trepidas mentes levet, addita fati [ ]
524 peioris manifesta fides, superique minaces [ ]
525 prodigiis terras inplerunt, aethera, pontum. [ ]
Marcus Annaeus Lucanus: Borgerkrigen, 1. bog (Budé)
526 ignota obscurae viderunt sidera noctes [ ]
527 ardentemque polum flammis caeloque volantes [ ]
528 obliquas per inane faces crinemque timendi [ ]
529 sideris et terris mutantem regna cometen. [ ]
530 fulgora fallaci micuerunt crebra sereno [ ]?
531 et varias ignis tenso dedit aëre formas: [ ]
532 nunc iaculum longo, nunc sparso lumine lampas [ ]
533 emicuit caelo. tacitum sine nubibus ullis [ ]
534 fulmen et arctois rapiens de partibus ignem [ ]
535 percussit Latiare caput, stellaeque minores [ ]
536 per vacuum solitae noctis decurrere tempus [ ]
537 in medium venere diem, cornuque coacto [ ]
538 iam Phoebe toto fratrem cum redderet orbe, [ ]
539 terrarum subita percussa expalluit umbra. [ ]
540 ipse caput medio Titan cum ferret Olympo, [ ]
541 condidit ardentes atra caligine currus [1]?
542 involvitque orbem tenebris gentesque coegit [ ]
Marcus Annaeus Lucanus: Borgerkrigen, 1. bog (Budé)
543 desperare diem; qualem fugiente per ortus [ ]
544 sole Thyesteae noctem duxere Mycenae. [ ]
545 ora ferox Siculae laxavit Mulciber Aetnae [ ]
546 nec tulit in caelum flammas, sed vertice prono [ ]
547 ignis in Hesperium cecidit latus. atra Charybdis [ ]
548 sanguineum fundo torsit mare. flebile saevi [ ]
549 latravere canes. Vestali raptus ab ara [1]?
550 ignis et ostendens confectas flamma Latinas [ ]
551 scinditur in partes geminoque cacumine surgit [ ]
552 Thebanos imitata rogos. tum cardine tellus [2]?
553 subsedit, veteremque iugis nutantibus Alpes [ ]
554 discussere nivem. Tethys maioribus undis [ ]
555 Hesperiam Calpen summumque inplevit Atlanta. [ ]
556 indigetes flevisse deos Urbisque laborem [ ]
557 testatos sudore lares delapsaque templis [2]
558 dona suis dirasque diem foedasse volucres [ ]
559 accipimus, silvisque feras sub nocte relictis [ ]
560 audaces media posuisse cubilia Roma. [ ]
Marcus Annaeus Lucanus: Borgerkrigen, 1. bog (Budé)
561 tum pecudum faciles humana ad murmura linguae, [ ]?
562 monstrosique hominum partus numeroque modoque [1]
563 membrorum, matremque suus conterruit infans; [ ]
564 diraque per populum Cumanae carmina vatis [ ]
565 vulgantur. tum, quos sectis, Bellona lacertis [ ]
566 saeva movet, cecinere deos, crinemque rotantes [ ]
567 sanguineum populis ulularunt tristia Galli. [ ]
568 conpositis plenae gemuerunt ossibus urnae. [ ]
569 Tunc fragor armorum magnaeque per avia voces [ ]
570 auditae nemorum et venientes comminus umbrae, [ ]
571 quique colunt iunctos extremis moenibus agros, [ ]
572 diffugiunt. ingens urbem cingebat Erinys [ ]
573 excutiens pronam flagranti vertice pinum [ ]
574 stridentisque comas, Thebanam qualis Agaven [ ]
575 impulit aut saevi contorsit tela Lycurgi [ ]
576 Eumenis, aut qualem iussu Iunonis iniquae [ ]?
577 horruit Alcides, viso iam Dite, Megaeram. [ ]
578 insonuere tubae, et quanto clamore cohortes [ ]?
Marcus Annaeus Lucanus: Borgerkrigen, 1. bog (Budé)
579 miscentur, tantum nox atra silentibus auris [ ]
580 edidit. e medio visi consurgere Campo [ ]
581 tristia Sullani cecinere oracula manes, [2]?
582 tollentemque caput gelidas Anienis ad undas [ ]
583 agricolae Marium fracto fugere sepulchro. [ ]?
584 Haec propter placuit Tuscos de more vetusto [ ]
585 acciri vates. quorum qui maximus aevo [ ]
586 Arruns incoluit desertae moenia Lucae, [ ]
587 fulminis edoctus motus venasque calentes [ ]
588 fibrarum et monitus errantis in aëre pinnae, [ ]
589 monstra iubet primum, quae nullo semine discors [ ]
590 protulerat natura, rapi sterilique nefandos [3]
591 ex utero fetus infaustis urere flammis. [2]
592 mox iubet et totam pavidis a civibus urbem [1]
593 ambiri et, festo purgantes moenia lustro, [ ]
594 longa per extremos pomeria congere fines [ ]
Marcus Annaeus Lucanus: Borgerkrigen, 1. bog (Budé)
595 pontifices, sacri quibus est permissa potestas. [ ]
596 turba minor ritu sequitur succincta Gabino, [1]
597 Vestalemque chorum ducit vittata sacerdos, [ ]
598 Troianam soli cui fas vidisse Minervam; [ ]
599 tunc qui fata deum secretaque carmina servant [2]
600 et lotam parvo revocant Almone Cybeben, [ ]
601 et doctus volucres augur servare sinistras [ ]
602 septemvirque epulis festus Titiique sodales [ ]
603 et Salius laeto portans ancilia collo [ ]
604 et tollens apicem generoso vertice flamen. [2]
605 dumque illi effusam longis anfractibus urbem [ ]
606 circumeunt, Arruns dispersos fulminis ignis [ ]
607 colligit et terrae maesto cum murmure condit [ ]
608 datque locis numen; sacris tunc admovet aris [ ]
609 electa cervice marem. iam fundere Bacchum [ ]
Marcus Annaeus Lucanus: Borgerkrigen, 1. bog (Budé)
610 coeperat obliquo -que molas inducere cultro, [1]
611 impatiensque diu non grati victima sacri, [ ]
612 cornua succincti premerent cum torva ministri, [ ]
613 deposito victum praebebat poplite collum. [ ]
614 nec cruor emicuit solitus, sed vulnere largo [ ]
615 diffusum rutilo dirum pro sanguine virus. [1]
616 palluit attonitus sacris feralibus Arruns [ ]
617 atque iram superum raptis quaesivit in extis. [ ]
618 terruit ipse color vatem; nam pallida taetris [ ]
619 viscera tincta notis gelidoque infecta cruore [ ]
620 plurimus asperso variabat sanguine livor. [ ]
621 cernit tabe iecur madidum venasque minaces [ ]
622 hostili de parte videt. pulmonis anheli [2]
623 fibra latet parvusque secat vitalia limes. [ ]
624 cor iacet et saniem per hiantis viscera rimas [ ]
625 emittunt produntque suas omenta latebras. [ ]
626 quodque nefas nullis impune apparuit extis, [ ]
627 ecce videt capiti fibrarum increscere molem [ ]
Marcus Annaeus Lucanus: Borgerkrigen, 1. bog (Budé)
628 alterius capitis; pars aegra et marcida pendet, [ ]
629 pars micat et celeri venas movet improba pulsu. [1]
630 his ubi concepit magnorum fata malorum, [ ]
631 exclamat: 'Vix fas, superi, quaecumque movetis, [ ]
632 prodere me populis; nec enim tibi, summe, litavi, [ ]
633 Iuppiter, hoc sacrum; caesique in pectora tauri [ ]
634 inferni venere dei. non fanda timemus, [ ]
635 sed venient maiora metu. di visa secundent, [2]?
636 et fibris sit nulla fides, sed conditor artis [ ]
637 finxerit ista Tages'. flexa sic omina Tuscus [ ]?
638 involvens multaque tegens ambage canebat. [ ]
639 At Figulus, cui cura deos secretaque caeli [ ]
640 nosse fuit, quem non stellarum Aegyptia Memphis [ ]
641 aequaret visu numerisque moventibus astra, [1]
642 'aut hic errat', ait 'nulla cum lege per aevum [ ]
643 mundus et incerto discurrunt sidera motu, [ ]
Marcus Annaeus Lucanus: Borgerkrigen, 1. bog (Budé)
644 aut, si fata movent, Urbi generique paratur [1]
645 humano matura lues. terraene dehiscent [ ]
646 subsidentque urbes, attollet fervidus aër [ ]
647 temperiem, segetes tellus infida negabit, [ ]
648 omnis an effusis miscebitur unda venenis? [ ]
649 quod cladis genus, o superi, qua peste paratis [1]
650 saevitiam? extremi multorum tempus in unum [ ]
651 convenere dies. summo si frigida caelo [ ]?
652 stella nocens nigros Saturni accenderet ignis, [ ]
653 Deucalioneos fudisset Aquarius imbres, [2]
654 totaque diffuso latuisset in aequore tellus. [ ]?
655 si saevum radiis Nemeaeum, Phoebe, Leonem [ ]
656 nunc premeres, toto fluerent incendia mundo, [ ]
657 succensusque tuis flagrasset curribus aether. [ ]
658 hi cessant ignes. tu qui flagrante minacem [ ]
659 Scorpion incendis cauda chelasque peruris, [ ]?
Marcus Annaeus Lucanus: Borgerkrigen, 1. bog (Budé)
660 quid tantum, Gradive, paras? nam mitis in alto [2]
661 Iuppiter occasu premitur Venerisque salubre [ ]?
662 sidus hebet motuque celer Cyllenius haeret, [1]
663 et caelum Mars solus habet. cur signa meatus [ ]
664 deseruere suos mundoque obscura feruntur, [ ]
665 ensiferi nimium fulget latus Orionis? [u]
666 imminet armorum rabies ferrique potestas [ ]
667 confundet ius omne manu scelerique nefando [ ]
668 nomen erit virtus multosque exibit in annos [ ]
669 hic furor. et superos quid prodest poscere finem? [ ]
670 cum domino pax ista venit. duc, Roma, malorum [ ]
671 continuam seriem clademque in tempora multa [ ]
672 extrahe civili tantum iam libera bello'. [2]
673 Terruerant satis haec pavidam praesagia plebem; [ ]
674 sed maiora premunt. nam qualis vertice Pindi [1]
675 Edonis Ogygio decurrit plena Lyaeo, [ ]?
676 talis et attonitam rapitur matrona per urbem [ ]
677 vocibus his prodens urguentem pectora Phoebum: [ ]
Marcus Annaeus Lucanus: Borgerkrigen, 1. bog (Budé)
678 'quo feror, o Paean? qua me super aethera raptam [1]
679 constituis terra? video Pangaea nivosis [ ]
680 cana iugis latosque Haemi sub rupe Philippos. [ ]
681 quis furor hic, o Phoebe, doce, quae tela? manusque [2]
682 Romanae miscent acies bellumque sine hoste est! [ ]
683 quo diversa feror? primos me ducis in ortus [ ]
684 qua mare Lagaei mutatur gurgite Nili: [ ]?
685 hunc ego, fluminea deformis truncus harena [ ]?
686 qui iacet, agnosco. dubiam super aequora Syrtim [ ]
687 arentemque feror Libyen, quo tristis Enyo [ ]
688 transtulit Emathias acies. nunc desuper Alpis [ ]
689 nubiferae colles atque aëriam Pyrenen [ ]
690 abripimur. patriae sedis remeamus in urbis, [ ]
691 inpiaque in medio peraguntur bella senatu. [ ]
692 consurgunt partes iterum, totumque per orbem [ ]
693 rursus eo. nova da mihi cernere litora ponti [ ]
694 telluremque novam; vidi iam, Phoebe, Philippos'. [ ]
695 haec ait et lasso iacuit deserta furore. [ ]
_____________________________________________________________________________..
= file n. 249 - 17:13 minuti
Marcus Annaeus Lucanus: Borgerkrigen, 2. bog (Budé) .
1 Iamque irae patuere deum, manifestaque belli [ ]
2 signa dedit mundus, legesque et foedera rerum [ ]
3 praescia monstrifero vertit natura tumultu [ ]
4 indixitque nefas. cur hanc tibi, rector Olympi, [ ]
5 sollicitis visum mortalibus addere curam, [ ]
6 noscant venturas ut dira per omina clades? [ ]
7 sive parens rerum, cum primum informia regna [ ]
8 materiamque rudem flamma cedente recepit, [ ]?
9 fixit in aeternum causas qua cuncta coercet, [ ]
10 se quoque lege tenens, et saecula iussa ferentem [ ]
11 fatorum inmoto divisit limite mundum; [ ]
12 sive nihil positum est, sed fors incerta vagatur, [ ]
13 fertque refertque vices, et habet mortalia casus: [ ]
14 sit subitum quodcumque paras; sit caeca futuri [ ]
15 mens hominum fati; liceat sperare timenti. [ ]
16 Ergo ubi concipiunt quantis sit cladibus orbi [ ]
Marcus Annaeus Lucanus: Borgerkrigen, 2. bog (Budé)
17 constatura fides superum, ferale per urbem [1]
18 iustitium, latuit plebeio tectus amictu [ ]?
19 omnis honos, nullos comitata est purpura fasces. [ ]
20 tum questus tenuere suos, magnusque per omnis [ ]
21 erravit sine voce dolor. sic funere primo [ ]
22 attonitae tacuere domus, cum corpora nondum [ ]
23 conclamata iacent, nec mater crine soluto [1]
24 exigit ad saevos famularum bracchia planctus, [ ]
25 sed cum membra premit fugiente rigentia vita [ ]
26 voltusque exanimes oculosque in morte minaces; [ ]
27 necdum est ille dolor, nec iam metus: incubat amens [ ]
28 miraturque malum. cultus matrona priores [ ]
29 deposuit maestaeque tenet delubra catervae. [ ]
30 hae lacrimis sparsere deos, hae pectora duro [ ]
31 adfixere solo lacerasque in limine sacro [ ]
32 attonitae fudere comas votisque vocari [2]
33 adsuetas crebris feriunt ululatibus aures. [ ]
34 nec cunctae summi templo iacuere Tonantis: [ ]
Marcus Annaeus Lucanus: Borgerkrigen, 2. bog (Budé)
35 divisere deos, et nullis defuit aris [ ]
36 invidiam factura parens, quarum una madentis [ ]
37 scissa genas, planctu liventis atra lacertos: [ ]?
38 'nunc', ait, 'o miserae, contundite pectora, matres, [ ]
39 nunc laniate comas neve hunc differte dolorem [ ]
40 et summis servate malis; nunc flere potestas, [ ]
41 dum pendet fortuna ducum; cum vicerit alter, [ ]
42 gaudendum est'. his se stimulis dolor ipse lacessit. [ ]
43 Nec non bella viri diversaque castra petentes [ ]?
44 effundunt iustas in numina saeva querellas: [ ]
45 'o miserae sortis, quod non in Punica nati [ ]
46 tempora Cannarum fuimus Trebiaeque iuventus! [ ]
47 non pacem petimus, superi; date gentibus iras, [ ]
48 nunc urbes excite feras, coniuret in arma [ ]
49 mundus, Achaemeniis decurrant Medica Susis [ ]
50 agmina, Massageten Scythicus non adliget Hister, [ ]
Marcus Annaeus Lucanus: Borgerkrigen, 2. bog (Budé)
51 fundat ab extremo flavos aquilone Suevos [1]?
52 Albis et indomitum Rheni caput; omnibus hostis [1]
53 reddite nos populis: civile avertite bellum; [ ]?
54 hinc Dacus, premat inde Getes; occurrat Hiberis [ ]
55 alter, ad eoas hic vertat signa pharetras; [u]
56 nulla vacet tibi, Roma, manus. vel perdere nomen [ ]
57 si placet Hesperium, superi, conlatus in ignes [ ]
58 plurimus ad terram per fulmina decidat aether. [ ]
59 saeve parens, utrasque simul partesque ducesque, [ ]
60 dum nondum meruere, feri. tantone novorum [ ]
61 proventu scelerum quaerunt uter imperet Urbi? [ ]
62 vix tanti fuerat civilia bella movere [ ]
63 ut neuter'. talis pietas peritura querellas [ ]
64 egerit. at miseros angit sua cura parentes, [ ]
65 oderuntque gravis vivacia fata senectae [ ]
66 servatosque iterum bellis civilibus annos; [ ]
67 atque aliquis magno quaerens exempla timori: [ ]
68 'non alios' inquit 'motus tunc fata parabant, [ ]
Marcus Annaeus Lucanus: Borgerkrigen, 2. bog (Budé)
69 cum post Teutonicos victor Libycosque triumphos [ ]
70 exul limosa Marius caput abdidit ulva. [ ]?
71 stagna avidi texere soli laxaeque paludes [ ]
72 depositum, Fortuna, tuum; mox vincula ferri [ ]
73 exedere senem longusque in carcere paedor: [1]
74 consul et eversa felix moriturus in Urbe [ ]?
75 poenas ante dabat scelerum. mors ipsa refugit [ ]
76 saepe virum, frustraque hosti concessa potestas [ ]
77 sanguinis invisi. primo qui caedis in actu [1]?
78 deriguit ferrumque manu torpente remisit: [ ]
79 viderat inmensam tenebroso in carcere lucem [ ]
80 terribilesque deos scelerum Mariumque futurum [ ]
81 audieratque pavens: 'fas haec contingere non est [ ]
82 colla tibi; debet multas hic legibus aevi [2]
83 ante suam mortes; vanum depone furorem. [ ]
84 si libet ulcisci deletae funera gentis, [ ]?
85 hunc, Cimbri, servate senem. non ille favore [ ]
86 numinis, ingenti superum protectus ab ira [ ]
Marcus Annaeus Lucanus: Borgerkrigen, 2. bog (Budé)
87 vir ferus et Romam cupienti perdere fato [ ]
88 sufficiens'. idem pelago delatus iniquo [1]
89 hostilem in terram vacuisque mapalibus actus [ ]
90 nuda triumphati iacuit per regna Iugurthae [ ]?
91 et Poenos pressit cineres. solacia fati [ ]
92 Carthago Mariusque tulit, pariterque iacentes [ ]
93 ignovere deis. Libycas ibi colligit iras: [ ]
94 ut primum fortuna redit, servilia solvit [ ]
95 agmina; conflato saevas ergastula ferro [ ]
96 exeruere manus. nulli gestanda dabantur [ ]
97 signa ducis, nisi qui scelerum iam fecerat usum [ ]
98 adtulerat -que in castra nefas. pro fata! quis ille, [ ]
99 quis fuit ille dies, Marius quo moenia victor [ ]
100 corripuit, quantoque gradu mors saeva cucurrit! [ ]
101 nobilitas cum plebe perit, lateque vagatus [ ]
102 ensis, et a nullo revocatum pectore ferrum. [ ]
103 stat cruor in templis, multaque rubentia caede [ ]
104 lubrica saxa madent. nulli sua profuit aetas: [ ]
Marcus Annaeus Lucanus: Borgerkrigen, 2. bog (Budé)
105 non senis extremum piguit vergentibus annis [ ]
106 praecepisse diem, nec primo in limine vitae [ ]
107 infantis miseri nascentia rumpere fata. [ ]
108 crimine quo parvi caedem potuere mereri? [ ]
109 sed satis est iam posse mori. trahit ipse furoris [ ]
110 impetus, et visum lenti quaesisse nocentem. [ ]
111 in numerum pars magna perit, rapuitque cruentus [ ]
112 victor ab ignota voltus cervice recisos, [ ]
113 dum vacua pudet ire manu. spes una salutis [2]?
114 oscula pollutae fixisse trementia dextrae. [ ]
115 mille licet gladii mortis nova signa sequantur, [ ]
116 degener o populus, vix saecula longa decorum [ ]
117 sic meruisse viris, nedum breve dedecus aevi [ ]
118 et vitam, dum Sulla redit. cui funera volgi [ ]
119 flere vacet? vix te sparsum per viscera, Baebi, [ ]
120 innumeras inter carpentis membra coronae [ ]
121 discessisse manus; aut te, praesage malorum [ ]
122 Antoni, cuius laceris pendentia canis [ ]?
Marcus Annaeus Lucanus: Borgerkrigen, 2. bog (Budé)
123 ora ferens miles festae rorantia mensae [ ]
124 imposuit. truncos laceravit Fimbria Crassos; [ ]
125 saeva tribunicio maduerunt robora tabo; [ ]
126 te quoque neclectum violatae, Scaevola, dextrae [ ]
127 ante ipsum penetrale deae semperque calentis [ ]
128 mactavere focos; parvum sed fessa senectus [1]
129 sanguinis effudit iugulo flammisque pepercit. [ ]
130 septimus haec sequitur repetitis fascibus annus. [ ]
131 ille fuit vitae Mario modus omnia passo [ ]
132 quae peior fortuna potest, atque omnibus uso [ ]
133 quae melior, mensoque hominis quid fata paterent. [ ]
134 Iam quot apud Sacri cecidere cadavera portum, [ ]
135 aut Collina tulit stratas quot porta catervas, [ ]
136 tum cum paene caput mundi rerumque potestas [ ]?
137 mutavit translata locum, Romanaque Samnis [ ]
138 ultra Caudinas speravit volnera Furcas! [ ]
139 Sulla quoque inmensis accessit cladibus ultor. [ ]
140 ille quod exiguum restabat sanguinis Urbi [ ]
Marcus Annaeus Lucanus: Borgerkrigen, 2. bog (Budé)
141 hausit; dumque nimis iam putria membra recidit, [ ]
142 excessit medicina modum, nimiumque secuta est, [ ]
143 qua morbi duxere, manus. periere nocentes, [ ]
144 sed cum iam soli possent superesse nocentes. [ ]?
145 tunc data libertas odiis, resolutaque legum [ ]
146 frenis ira ruit. non uni cuncta dabantur, [ ]?
147 sed fecit sibi quisque nefas. semel omnia victor [ ]
148 iusserat. infandum domini per viscera ferrum [ ]
149 exegit famulus; nati maduere paterno [ ]
150 sanguine; certatum est cui cervix caesa parentis [ ]
151 cederet; in fratrum ceciderunt praemia fratres. [ ]
152 busta repleta fuga, permixtaque viva sepultis [ ]
153 corpora, nec populum latebrae cepere ferarum. [ ]
154 hic laqueo fauces elisaque guttura fregit, [2]?
155 hic se praecipiti iaculatus pondere dura [ ]
156 dissiluit percussus humo, mortisque cruento [ ]
Marcus Annaeus Lucanus: Borgerkrigen, 2. bog (Budé)
157 victori rapuere suas; hic robora busti [ ]?
158 extruit ipse sui necdum omni sanguine fuso [ ]
159 desilit in flammas et dum licet occupat ignes. [ ]
160 colla ducum pilo trepidam gestata per urbem [1]
161 et medio congesta foro; cognoscitur illic [ ]
162 quicquid ubique iacet. scelerum non Thracia tantum [ ]
163 vidit Bistonii stabulis pendere tyranni, [ ]
164 postibus Antaei Libye, nec Graecia maerens [ ]
165 tam laceros artus Pisaea flevit in aula. [ ]
166 cum iam tabe fluunt confusaque tempore multo [ ]
167 amisere notas, miserorum dextra parentum [1]
168 colligit et pavido subducit cognita furto. [ ]
169 meque ipsum memini caesi deformia fratris [ ]?
170 ora rogo cupidum vetitisque inponere flammis [ ]
171 omnia Sullanae lustrasse cadavera pacis, [ ]
172 perque omnis truncos cum qua cervice recisum [ ]
173 conveniat quaesisse caput. quid sanguine manes [ ]
174 placatos Catuli referam? cum victima tristis [ ]
Marcus Annaeus Lucanus: Borgerkrigen, 2. bog (Budé)
175 inferias Marius forsan nolentibus umbris [ ]
176 pendit, inexpleto non fanda piacula busto, [ ]
177 cum laceros artus aequataque vulnera membris [ ]
178 vidimus, et toto quamvis in corpore caeso [ ]
179 nil animae letale datum moremque nefandae [2]
180 dirum saevitiae, pereuntis parcere morti. [ ]
181 avolsae cecidere manus, exsectaque lingua [ ]
182 palpitat et muto vacuum ferit aëra motu. [ ]?
183 hic aures, alius spiramina naris aduncae [1]
184 amputat; ille cavis evolvit sedibus orbes, [ ]?
185 ultimaque effudit spectatis lumina membris. [ ]
186 vix erit ulla fides tam saevi criminis unum [ ]
187 tot poenas cepisse caput. sic mole ruinae [ ]
188 fracta sub ingenti miscentur pondere membra, [ ]
189 nec magis informes veniunt ad littora trunci, [ ]
190 qui medio periere freto. quid perdere fructum [ ]
191 iuvit et ut vilem Marii confundere vultum? [ ]
192 ut scelus hoc Sullae caedesque ostensa placeret, [ ]
Marcus Annaeus Lucanus: Borgerkrigen, 2. bog (Budé)
193 agnoscendus erat. vidit Fortuna colonos [ ]
194 Praenestina suos cunctos simul ense recepto [ ]
195 unius populum pereuntem tempore mortis. [ ]
196 tunc flos Hesperiae, Latii iam sola iuventus [ ]
197 concidit et miserae maculavit ovilia Romae. [ ]
198 tot simul infesto iuvenes occumbere leto [ ]
199 saepe fames pelagique furor subitaeque ruinae [ ]
200 aut terrae caelique lues aut bellica clades, [ ]
201 numquam poena fuit. densi vix agmina volgi [ ]
202 inter et exsangues immissa morte catervas [ ]
203 victores movere manum. vix caede peracta [2]
204 procumbunt dubiaque labant cervice; sed illos [ ]
205 magna premit strages, peraguntque cadavera partem [ ]
206 caedis: viva graves elidunt corpora trunci. [ ]?
207 intrepidus tanti sedit securus ab alto [ ]?
208 spectator sceleris; miseri tot milia volgi [ ]
209 non timuit iussisse mori. congesta recepit [ ]
210 omnia Tyrrhenus Sullana cadavera gurges; [ ]
Marcus Annaeus Lucanus: Borgerkrigen, 2. bog (Budé)
211 in fluvium primi cecidere, in corpora summi. [ ]?
212 praecipites haesere rates, et strage cruenta [ ]
213 interruptus aquae fluxit prior amnis in aequor, [ ]
214 ad molem stetit unda sequens. iam sanguinis alti [ ]
215 vis sibi fecit iter, campumque effusa per omnem [ ]
216 praecipitique ruens Tiberina in flumina rivo [ ]
217 haerentis adiuvit aquas, nec iam alveus amnem [ ]
218 nec retinent ripae, redditque cadavera campo. [ ]
219 tandem Tyrrhenas vix eluctatus in undas [ ]
220 sanguine caeruleum torrenti dividit aequor. [ ]
221 hisne salus rerum, felix his Sulla vocari, [ ]
222 his meruit tumulum medio sibi tollere Campo? [ ]
223 haec rursus patienda manent, hoc ordine belli [ ]
224 ibitur, hic stabit civilibus exitus armis. [1]
225 quamquam agitant graviora metus multumque coitur [ ]
226 humani generis maiore in proelia damno. [1]
227 exulibus Mariis bellorum maxima merces [ ]
228 Roma recepta fuit, nec plus victoria Sullae [ ]
Marcus Annaeus Lucanus: Borgerkrigen, 2. bog (Budé)
229 praestitit, invisas penitus quam tollere partes. [ ]
230 hos alio, Fortuna, vocas, olimque potentes [ ]?
231 concurrunt. neuter civilia bella moveret, [ ]
232 contentus quod Sulla fuit'. sic maesta senectus [ ]
233 praeteritique memor flebat metuensque futuri. [ ]
= file n. 250 - 17:47 minuti
234 At non magnanimi percussit pectora Bruti [ ]
235 terror, et in tanta pavidi formidine motus [ ]
236 pars populi lugentis erat; sed nocte sopora, [ ]?
237 Parrhasis obliquos Helice cum verteret axes, [ ]?
238 atria cognati pulsat non ampla Catonis. [ ]
239 invenit insomni volventem publica cura [ ]
240 fata virum casusque urbis cunctisque timentem [ ]
241 securumque sui, farique his vocibus orsus: [ ]
242 'Omnibus expulsae terris olimque fugatae [ ]?
243 virtutis iam sola fides, quam turbine nullo [ ]
244 excutiet fortuna tibi, tu mente labantem [ ]?
245 derige me, dubium certo tu robore firma. [ ]?
246 namque alii Magnum vel Caesaris arma sequantur: [ ]
Marcus Annaeus Lucanus: Borgerkrigen, 2. bog (Budé)
247 dux Bruto Cato solus erit. pacemne tueris [2]?
248 inconcussa tenens dubio vestigia mundo? [ ]
249 an placuit ducibus scelerum populique furentis [ ]
250 cladibus inmixtum civile absolvere bellum? [ ]
251 quemque suae rapiunt scelerata in proelia causae: [ ]
252 hos polluta domus legesque in pace timendae, [ ]
253 hos ferro fugienda fames mundique ruinae [ ]
254 permiscenda fides. nullum furor egit in arma: [ ]
255 castra petunt magna victi mercede; tibi uni [ ]
256 per se bella placent? quid tot durare per annos [ ]
257 profuit inmunem corrupti moribus aevi? [ ]
258 hoc solum longae pretium virtutis habebis? [ ]
259 accipient alios, facient te bella nocentem. [ ]
260 ne tantum, o superi, liceat feralibus armis, [ ]
261 has etiam movisse manus, nec pila lacertis [ ]
262 missa tuis caeca telorum in nube ferantur, [ ]?
263 nec tanta incassum virtus eat. ingeret omnis [ ]
264 se belli fortuna tibi. quis nollet in isto [ ]
Marcus Annaeus Lucanus: Borgerkrigen, 2. bog (Budé)
265 ense mori, quamvis alieno volnere labens, [ ]?
266 et scelus esse tuum? melius tranquilla sine armis [ ]
267 otia solus ages; sicut caelestia semper [ ]
268 inconcussa suo volvuntur sidera lapsu, [ ]
269 fulminibus propior terrae succenditur aër; [ ]
270 imaque telluris ventos tractusque coruscos [ ]
271 flammarum accipiunt, nubes excedit Olympus. [ ]
272 lege deum minimas rerum discordia turbat, [ ]
273 pacem magna tenent. quam latae Caesaris aures [ ]
274 accipient tantum venisse in proelia civem! [ ]
275 nam praelata suis numquam diversa dolebit [ ]
276 castra ducis Magni. nimium placet ipse Catoni, [ ]
277 si bellum civile placet. pars magna senatus [2]
278 et duce privato gesturus proelia consul [2]
279 sollicitant proceresque alii; quibus adde Catonem [ ]
280 sub iuga Pompei, toto iam liber in orbe [1]
281 solus Caesar erit. quod si pro legibus arma [ ]?
282 ferre iuvat patriis libertatemque tueri, [ ]
Marcus Annaeus Lucanus: Borgerkrigen, 2. bog (Budé)
283 nunc neque Pompei Brutum neque Caesaris hostem, [1]?
284 post bellum victoris habes'. sic fatur, at illi [ ]
285 arcano sacras reddit Cato pectore voces: [ ]?
286 'summum, Brute, nefas civilia bella fatemur; [ ]
287 sed quo fata trahunt, virtus secura sequetur; [1]
288 crimen erit superis et me fecisse nocentem. [ ]?
289 sidera quis mundum -que velit spectare cadentem [ ]
290 expers ipse metus? quis, cum ruat arduus aether, [ ]
291 terra labet mixto coeuntis pondere mundi, [ ]
292 compressas tenuisse manus? gentesne furorem [ ]
293 Hesperium ignotae Romanaque bella sequentur [2]
294 diducti fretis alio sub sidere reges, [ ]
295 otia solus agam? procul hunc arcete furorem, [ ]
296 o superi, motura Dahas ut clade Getasque [2]?
Marcus Annaeus Lucanus: Borgerkrigen, 2. bog (Budé)
297 securo me Roma cadat. ceu morte parentem [3]
298 natorum orbatum longum producere funus [ ]
299 ad tumulos iubet ipse dolor, iuvat ignibus atris [ ]
300 inseruisse manus constructoque aggere busti [ ]
301 ipsum atras tenuisse faces: non ante revellar [ ]
302 exanimem quam te complectar, Roma, tuumque [ ]
303 nomen, Libertas, et inanem prosequar umbram. [ ]
304 sic eat: inmites Romana piacula divi [ ]
305 plena ferant, nullo fraudemus sanguine bellum. [ ]
306 o utinam caelique deis Erebique liceret [ ]
307 hoc caput in cunctas damnatum exponere poenas! [ ]
308 devotum hostiles Decium pressere catervae: [ ]
309 me geminae figant acies, me barbara telis [ ]
310 Rheni turba petat, cunctis ego pervius hastis [ ]
311 excipiam medius totius vulnera belli. [ ]
312 hic redimat sanguis populos, hac caede luatur [ ]
313 quidquid Romani meruerunt pendere mores. [ ]?
314 ad iuga cur faciles populi, cur saeva volentes [ ]
Marcus Annaeus Lucanus: Borgerkrigen, 2. bog (Budé)
315 regna pati pereunt? me solum invadite ferro, [ ]
316 me frustra leges et inania iura tuentem. [1]
317 hic dabit, hic pacem iugulus finemque malorum [ ]
318 gentibus Hesperiis: post me regnare volenti [ ]
319 non opus est bello. quin publica signa ducemque [ ]
320 Pompeium sequimur? nec, si fortuna favebit, [ ]
321 hunc quoque totius sibi ius promittere mundi [u]
322 non bene compertum est: ideo me milite vincat, [ ]
323 ne sibi se vicisse putet'. sic fatur et acris [2]
324 irarum movit stimulos iuvenisque calorem [ ]
325 excitat in nimios belli civilis amores. [ ]?
326 Interea Phoebo gelidas pellente tenebras [ ]
327 pulsatae sonuere fores quas sancta relicto [ ]
328 Hortensi maerens inrupit Marcia busto; [ ]
329 quondam virgo toris melioris iuncta mariti, [ ]
330 mox ubi conubii pretium mercesque soluta est [ ]
331 tertia iam soboles, alios fecunda penates [ ]
Marcus Annaeus Lucanus: Borgerkrigen, 2. bog (Budé)
332 inpletura datur geminas et sanguine matris [1]
333 permixtura domos. sed postquam condidit urna [ ]
334 supremos cineres, miserando concita voltu, [ ]
335 effusas laniata comas contusaque pectus [ ]
336 verberibus crebris cineresque ingesta sepulchri, [ ]
337 non aliter placitura viro, sic maesta profatur: [ ]
338 'dum sanguis inerat, dum vis materna, peregi [ ]
339 iussa, Cato, et geminos excepi feta maritos; [ ]?
340 visceribus lassis partuque exhausta revertor [ ]
341 iam nulli tradenda viro. da foedera prisci [ ]?
342 inlibata tori, da tantum nomen inane [1]?
343 conubii, liceat tumulo scripsisse: "Catonis [ ]
344 Marcia"; nec dubium longo quaeratur in aevo, [ ]
345 mutarim primas, expulsa an tradita, taedas. [ ]
346 non me laetorum sociam rebusque secundis [ ]
347 accipis: in curas venio partemque laborum. [ ]
348 da mihi castra sequi. cur tuta in pace relinquor [ ]
349 et sit civili propior Cornelia bello?' [ ]?
Marcus Annaeus Lucanus: Borgerkrigen, 2. bog (Budé)
350 Hae flexere virum voces, et tempora quamquam [ ]
351 sint aliena toris, iam fato in bella vocante, [ ]
352 foedera sola tamen vanaque carentia pompa [1]
353 iura placent sacrisque deos admittere testes. [ ]
354 festa coronato non pendent limine serta, [2]
355 infulaque in geminos discurrit candida postes, [ ]
356 legitimaeque faces, gradibusque adclinis eburnis [ ]
357 stat torus, et picto vestes discriminat auro, [ ]
358 turritaque premens frontem matrona corona [1]
359 translata vita contingere limina planta; [ ]?
360 non timidum nuptae leviter tectura pudorem [ ]
361 lutea demissos velarunt flammea vultus, [ ]
362 balteus aut fluxos gemmis astrinxit amictus, [ ]
363 colla monile decens, umerisque haerentia primis [ ]
364 suppara nudatos cingunt angusta lacertos. [2]
365 sicut erat, maesti servat lugubria cultus [ ]
Marcus Annaeus Lucanus: Borgerkrigen, 2. bog (Budé)
366 quoque modo natos, hoc est amplexa maritum. [2]?
367 obsita funerea celatur purpura lana. [ ]?
368 non soliti lusere sales, nec more Sabino [2]?
369 excepit tristis convicia festa maritus. [ ]
370 pignora nulla domus, nulli coiere propinqui: [ ]
371 iunguntur taciti contentique auspice Bruto. [ ]
372 ille nec horrificam sancto dimovit ab ore [ ]?
373 caesariem duro -que admisit gaudia vultu, [ ]
374 (ut primum tolli feralia viderat arma, [ ]
375 intonsos rigidam in frontem descendere canos [ ]
376 passus erat maestamque genis increscere barbam: [ ]
377 uni quippe vacat studiis odiisque carenti [ ]
378 humanum lugere genus). nec foedera prisci [2]
379 sunt temptata tori; iusto quoque robur amori [ ]
380 restitit. hi mores, haec duri inmota Catonis [2]
381 secta fuit, servare modum finesque tenere [ ]
382 naturamque sequi patriaeque inpendere vitam [ ]
Marcus Annaeus Lucanus: Borgerkrigen, 2. bog (Budé)
383 nec sibi, sed toti genitum se credere mundo. [1]
384 huic epulae vicisse famem; magnique penates [ ]
385 sommovisse hiemem tecto; pretiosaque vestis [ ]
386 hirtam membra super Romani more Quiritis [ ]?
387 induxisse togam; Venerisque hic maximus usus [ ]
388 progenies; Urbi pater est Urbique maritus, [ ]
389 iustitiae cultor, rigidi servator honesti, [ ]
390 in commune bonus; nullosque Catonis in actus [ ]
391 subrepsit partemque tulit sibi nata voluptas. [ ]
392 Interea trepido discedens agmine Magnus [ ]
393 moenia Dardanii tenuit Campana coloni. [ ]
394 haec placuit belli sedes, hinc summa moventem [ ]?
395 hostis in occursum sparsas extendere partis, [ ]
396 umbrosis mediam qua collibus Appenninus [ ]
397 erigit Italiam, nulloque a vertice tellus [ ]?
398 altius intumuit propiusque accessit Olympo. [ ]
399 mons inter geminas medius se porrigit undas [ ]
400 inferni superique maris, collesque coercent [ ]
Marcus Annaeus Lucanus: Borgerkrigen, 2. bog (Budé)
401 hinc Tyrrhena vado frangentes aequora Pisae, [ ]
402 illinc Dalmaticis obnoxia fluctibus Ancon. [ ]
403 fontibus hic vastis inmensos concipit amnes [ ]
404 fluminaque in gemini spargit divortia ponti. [ ]
405 in laevum cecidere latus veloxque Metaurus [ ]
406 Crustumiumque rapax et iuncto Sapis Isauro [ ]
407 Senaque et Adriacas qui verberat Aufidus undas, [ ]
408 quoque magis nullum tellus se solvit in amnem, [ ]
409 Eridanus fractas devolvit in aequora silvas [ ]
410 Hesperiam -que exhaurit aquas. hunc fabula primum [ ]
411 populea fluvium ripas umbrasse corona, [ ]
412 cumque diem pronum transverso limite ducens [ ]
413 succendit Phaeton flagrantibus aethera loris, [ ]
414 gurgitibus raptis penitus tellure perusta, [ ]
415 hunc habuisse pares Phoebeis ignibus undas. [ ]?
416 non minor hic Nilo si non per plana iacentis [1]
417 Aegypti Libycis Nilus stagnaret harenis; [ ]
418 non minor hic Histro, nisi quod dum permeat orbem [ ]
Marcus Annaeus Lucanus: Borgerkrigen, 2. bog (Budé)
419 Hister casuros in quaelibet aequora fontes [ ]?
420 accipit et Scythicas exit non solus in undas. [ ]
421 dexteriora petens montis declivia Thybrim [ ]
422 unda facit Rutubamque cavum. delabitur inde [ ]
423 Vulturnusque celer nocturnaeque editor aurae [ ]
424 Sarnus et umbrosae Liris per regna Maricae [ ]
425 Vestinis inpulsus aquis radensque Salerni [2]
426 tecta Siler, nullasque vado qui Macra moratus [1]
427 alnos vicinae procurrit in aequora Lunae. [ ]
428 longior educto qua surgit in aëra dorso, [ ]?
429 Gallica rura videt devexasque excipit Alpis. [ ]
430 tunc Umbris Marsisque ferax domitusque Sabello [ ]
431 vomere, piniferis amplexus rupibus omnis [ ]
432 indigenas Latii populos, non deserit ante [ ]
433 Hesperiam quam cum Scyllaeis clauditur undis [ ]
434 extenditque suas in templa Lacinia rupes, [ ]
Marcus Annaeus Lucanus: Borgerkrigen, 2. bog (Budé)
435 longior Italia, donec confinia pontus [ ]?
436 solveret incumbens terrasque repelleret aequor. [ ]
437 at postquam gemino tellus elisa profundo est, [ ]?
438 extremi colles Siculo cessere Peloro. [ ]?
439 Caesar in arma furens nullas nisi sanguine fuso [ ]
440 gaudet habere vias, quod non terat hoste vacantis [ ]
441 Hesperiae fines vacuosque inrumpat in agros [ ]
442 atque ipsum non perdat iter consertaque bellis [ ]
443 bella gerat. non tam portas intrare patentis [ ]
444 quam fregisse iuvat, nec tam patiente colono [ ]
445 arva premi quam si ferro populetur et igni; [ ]
446 concessa pudet ire via civemque videri. [ ]?
447 tunc urbes Latii dubiae varioque favore [ ]
448 ancipites, quamquam primo terrore ruentis [ ]
449 cessurae belli, denso tamen aggere firmant [ ]
450 moenia et abrupto circumdant undique vallo [ ]
451 saxorumque orbes, et quae super eminus hostem [ ]
452 tela petant altis murorum turribus aptant. [ ]
Marcus Annaeus Lucanus: Borgerkrigen, 2. bog (Budé)
453 pronior in Magnum populus, pugnatque minaci [ ]
454 cum terrore fides: ut cum mare possidet auster [ ]
455 flatibus horrisonis, hunc aequora tota secuntur; [ ]
456 si rursus tellus pulsu laxata tridentis [ ]
457 Aeolii tumidis inmittat fluctibus eurum, [ ]
458 quamvis icta novo, ventum tenuere priorem [ ]
459 aequora, nubifero -que polus cum cesserit euro, [ ]
460 vindicat unda notum. facilis sed vertere mentes [ ]
461 terror erat dubiamque fidem fortuna ferebat. [ ]
462 gens Etrusca fuga trepidi nudata Libonis, [1]?
463 iusque sui pulso iam perdidit Umbria Thermo. [ ]
464 nec gerit auspiciis civilia bella paternis [ ]
465 Caesaris audito conversus nomine Sulla. [ ]
466 Varus, ut admotae pulsarunt Auximon alae, [ ]
467 per diversa ruens neclecto moenia tergo, [ ]
468 qua silvae, qua saxa, fugit. depellitur arce [ ]
469 Lentulus Asculea; victor cedentibus instat [ ]
470 devertitque acies, solusque ex agmine tanto [ ]
Marcus Annaeus Lucanus: Borgerkrigen, 2. bog (Budé)
471 dux fugit et nullas ducentia signa cohortes. [ ]
472 tu quoque nudatam commissae deseris arcem, [2]
473 Scipio, Luceriae, quamquam firmissima pubes [ ]
474 his sedeat castris, iampridem Caesaris armis [ ]
475 Parthorum seducta metu, qua Gallica damna [ ]?
476 supplevit Magnus dumque ipse ad bella vacaret, [ ]
477 donavit socero Romani sanguinis usum. [ ]?
= file n. 251 - 19:56 minuti
478 At te Corfini validis circumdata muris [ ]?
479 tecta tenent, pugnax Domiti; tua classica servat [ ]
480 oppositus quondam polluto tiro Miloni. [ ]?
481 ut procul inmensam campo consurgere nubem [ ]
482 ardentisque acies percussis sole corusco [ ]
483 conspexit telis, 'socii, decurrite', dixit, [ ]
484 'fluminis ad ripas undaeque immergite pontem. [ ]
485 et tu montanis totus nunc fontibus exi [ ]
486 atque omnis trahe, gurges, aquas, ut spumeus alnos [ ]
487 discussa compage feras. hoc limite bellum [ ]
488 haereat, hac hostis lentus terat otia ripa. [ ]
Marcus Annaeus Lucanus: Borgerkrigen, 2. bog (Budé)
489 praecipitem cohibete ducem; victoria nobis [ ]
490 hic primum stans Caesar erit'. nec plura locutus [ ]
491 devolvit rapidum nequiquam moenibus agmen. [ ]
492 nam prior e campis ut conspicit amne soluto [ ]
493 rumpi Caesar iter, calida prolatus ab ira: [1]
494 'non satis est muris latebras quaesisse pavori? [ ]
495 obstruitis campos fluviisque arcere paratis, [ ]
496 ignavi! non si tumido me gurgite Ganges [1]?
497 summoveat, stabit iam flumine Caesar in ullo [ ]
498 post Rubiconis aquas. equitum properate catervae, [ ]
499 ite simul pedites, ruiturum ascendite pontem'. [ ]
500 haec ubi dicta, levis totas accepit habenas [ ]
501 in campum sonipes, crebroque simillima nimbo [1]
502 trans ripam validi torserunt tela lacerti. [ ]
503 ingreditur pulsa fluvium statione vacantem [ ]
504 Caesar et ad tutas hostis conpellitur arces. [ ]
505 et iam moturas ingentia pondera turris [ ]?
506 erigit, et mediis subrepit vinea muris: [ ]
Marcus Annaeus Lucanus: Borgerkrigen, 2. bog (Budé)
507 ecce, nefas belli! reseratis agmina portis [2]?
508 captivum traxere ducem, civisque superbi [ ]
509 constitit ante pedes; vultu tamen alta minaci [ ]
510 nobilitas recta ferrum cervice poposcit. [ ]
511 scit Caesar poenamque peti veniamque timeri: [ ]
512 'vive, licet nolis, et nostro munere' dixit [ ]
513 'cerne diem. victis iam spes bona partibus esto [ ]
514 exemplumque mei; vel, si libet, arma retempta, [ ]
515 et nihil hac venia, si viceris ipse, paciscor'. [1]?
516 fatur et astrictis laxari vincula palmis [ ]?
517 imperat. heu quanto melius vel caede peracta [ ]
518 parcere Romano potuit fortuna pudori! [2]?
519 poenarum extremum civi, quod castra secutus [ ]
520 sit patriae Magnumque ducem totumque senatum, [ ]
521 ignosci. premit ille gravis interritus iras [ ]
522 et secum: 'Romamne petes pacisque recessus [ ]
523 degener? in medios belli non ire furores [ ]?
524 iam dudum moriture paras? rue certus et omnis [ ]
Marcus Annaeus Lucanus: Borgerkrigen, 2. bog (Budé)
525 lucis rumpe moras et Caesaris effuge munus'. [ ]
526 Nescius interea capti ducis arma parabat [ ]
527 Magnus, ut inmixto firmaret robore partis. [ ]
528 iamque secuturo iussurus classica Phoebo [2]
529 temptandasque ratus moturi militis iras [ ]?
530 adloquitur tacitas veneranda voce cohortes: [ ]
531 'o scelerum ultores melioraque signa secuti, [ ]
532 o vere Romana manus, quibus arma senatus [3]?
533 non privata dedit, votis deposcite pugnam. [1]
534 ardent Hesperii saevis populatibus agri, [ ]
535 Gallica per gelidas rabies effunditur Alpes, [ ]
536 iam tetigit sanguis pollutos Caesaris enses. [ ]
537 di melius, belli tulimus quod damna priores: [ ]
538 coeperit inde nefas. iamiam me praeside Roma [ ]
539 supplicium poenamque petat. neque enim ista vocari [ ]
540 proelia iusta decet, patriae sed vindicis iram; [ ]
541 nec magis hoc bellum est quam quod Catilina paravit [ ]
Marcus Annaeus Lucanus: Borgerkrigen, 2. bog (Budé)
542 arsuras in tecta faces sociusque furoris [2]
543 Lentulus exerti -que manus vesana Cethegi. [ ]
544 o rabies miseranda ducis! cum fata Camillis [ ]
545 te, Caesar, magnisque velint miscere Metellis, [ ]
546 ad Cinnas Mariosque venis. sternere profecto, [ ]
547 ut Catulo iacuit Lepidus, nostrasque securis [ ]
548 passus, Sicanio tegitur qui Carbo sepulchro, [ ]
549 quique feros movit Sertorius exul Hiberos. [ ]
550 quamquam, si qua fides, his te quoque iungere, Caesar. [ ]
551 invideo nostrasque manus quod Roma furenti [ ]
552 opposuit. Parthorum utinam post proelia sospes [ ]
553 et Scythicis Crassus victor remeasset ab oris, [ ]
554 ut simili causa caderes qua Spartacus hostis. [ ]
555 te quoque si superi titulis accedere nostris [ ]
556 iusserunt, valet en torquendo dextera pilo, [ ]
557 fervidus haec iterum circa praecordia sanguis [ ]
558 incaluit; disces non esse ad bella fugaces, [ ]
559 qui pacem potuere pati. licet ille solutum [ ]
Marcus Annaeus Lucanus: Borgerkrigen, 2. bog (Budé)
560 defectumque vocet, ne vos mea terreat aetas: [ ]
561 dux sit in his castris senior, dum miles in illis. [ ]
562 quo potuit civem populus perducere liber, [ ]
563 ascendi supraque nihil nisi regna reliqui. [ ]
564 non privata cupis, Romana quisquis in urbe [1]?
565 Pompeium transire paras. hinc consul uterque, [ ]
566 hinc acies statura ducum est. Caesarne senatus [2]
567 victor erit? non tam caeco trahis omnia cursu, [ ]
568 teque nihil, Fortuna, pudet. multisne rebellis [ ]
569 Gallia iam lustris aetasque inpensa labori [ ]
570 dant animos? Rheni gelidis quod fugit ab undis [1]
571 Oceanumque vocans incerti stagna profundi [ ]
572 territa quaesitis ostendit terga Britannis? [ ]
573 an vanae tumuere minae, quod fama furoris [ ]
574 expulit armatam patriis e sedibus urbem? [ ]
575 heu demens! non te fugiunt, me cuncta secuntur. [ ]
576 qui cum signa tuli toto fulgentia ponto, [ ]?
577 ante bis exactum quam Cynthia conderet orbem, [ ]
Marcus Annaeus Lucanus: Borgerkrigen, 2. bog (Budé)
578 omne fretum metuens pelagi pirata reliquit [1]
579 angustaque domum terrarum in sede poposcit. [ ]
580 idem per Scythici profugum divortia ponti [ ]
581 indomitum regem Romanaque fata morantem [2]
582 ad mortem Sulla felicior ire coegi. [ ]
583 pars mundi mihi nulla vacat; sed tota tenetur [ ]
584 terra meis, quocumque iacet sub sole, trophaeis: [ ]
585 hinc me victorem gelidas ad Phasidos undas [ ]
586 Arctos habet; calida medius mihi cognitus axis [ ]
587 Aegypto atque umbras numquam flectente Syene; [ ]
588 occasus mea iura timent Tethynque fugacem [ ]
589 qui ferit Hesperius post omnia flumina Baetis. [ ]
590 me domitus cognovit Arabs, me Marte feroces [ ]
591 Heniochi noti -que erepto vellere Colchi. [ ]?
592 Cappadoces mea signa timent et dedita sacris [ ]
593 incerti Iudaea dei mollisque Sophene. [ ]
594 Armenios Cilicasque feros Taurosque subegi. [ ]
595 quod socero bellum praeter civile reliqui?' [ ]
Marcus Annaeus Lucanus: Borgerkrigen, 2. bog (Budé)
596 Verba ducis nullo partes clamore secuntur [ ]
597 nec matura petunt promissae classica pugnae. [1]
598 sensit et ipse metum Magnus, placuitque referri [ ]
599 signa nec in tantae discrimina mittere pugnae [ ]
600 iam victum fama non visi Caesaris agmen. [ ]
601 pulsus ut armentis primo certamine taurus [ ]
602 silvarum secreta petit vacuosque per agros [2]
603 exul in adversis explorat cornua truncis [ ]
604 nec redit in pastus, nisi cum cervice recepta [ ]
605 excussi placuere tori; mox reddita victor [ ]
606 quoslibet in saltus comitantibus agmina tauris [ ]
607 invito pastore trahit: sic viribus impar [2]
608 tradidit Hesperiam profugusque per Apula rura [ ]
609 Brundisii tutas concessit Magnus in arces. [ ]
610 Urbs est Dictaeis olim possessa colonis, [ ]
611 quos Creta profugos vexere per aequora puppes [1]
612 Cecropiae, victum mentitis Thesea velis. [ ]
Marcus Annaeus Lucanus: Borgerkrigen, 2. bog (Budé)
613 hanc latus angustum iam se cogentis in artum [ ]?
614 Hesperiae tenuem producit in aequora linguam, [2]
615 Hadriacas flexis claudit quae cornibus undas. [ ]
616 nec tamen hoc artis inmissum faucibus aequor [ ]
617 portus erat, si non violentos insula coros [ ]
618 exciperet saxis lassasque refunderet undas. [ ]
619 hinc illinc montes scopulosae rupis aperto [ ]
620 opposuit natura mari flatusque removit, [2]?
621 ut tremulo starent contentae fune carinae. [2]
622 hinc late patet omne fretum, seu vela ferantur [ ]?
623 in portus, Corcyra, tuos, seu laeva petatur [ ]
624 Illyris Ionias vergens Epidamnos in undas. [ ]
625 huc fuga nautarum, cum totas Adria vires [ ]?
626 movit et in nubes abiere Ceraunia cumque [1]?
627 spumoso Calaber perfunditur aequore Sason. [1]
628 Ergo ubi nulla fides rebus post terga relictis [ ]
629 nec licet ad duros Martem convertere Hiberos, [ ]
630 cum mediae iaceant inmensis tractibus Alpes, [ ]
Marcus Annaeus Lucanus: Borgerkrigen, 2. bog (Budé)
631 tunc sobole e tanta natum, cui firmior aetas, [ ]?
632 adfatur: 'mundi iubeo temptare recessus [ ]
633 Euphraten Nilumque move, quo nominis usque [1]
634 nostri fama venit, qua est vulgata per urbes [1]
635 post me Roma ducem; sparsos per rura colonos [1]
636 redde mari Cilicas; Pharios hinc concute reges [ ]
637 Tigranemque meum. nec Pharnacis arma relinquas, [ ]
638 admoneo, nec tu populos utraque vagantis [ ]
639 Armenia Pontique feras per littora gentis [ ]
640 Riphaeasque manus et quas tenet aequore denso [ ]
641 pigra palus Scythici patiens Maeotia plaustri, [ ]
642 et ... quid plura moror? totos mea, nate, per ortus [ ]
643 bella feres totoque urbes agitabis in orbe [ ]?
644 perdomitas; omnes redeant in castra triumphi. [ ]
645 et vos, qui Latio signatis nomine fastus, [ ]
646 primus in Epirum boreas agat; inde per arva [2]
647 Graiorum Macetumque novas adquirite vires, [ ]
Marcus Annaeus Lucanus: Borgerkrigen, 2. bog (Budé)
648 dum paci dat tempus hiemps'. sic fatur et omnes [ ]
649 iussa gerunt solvuntque cavas a litore puppes. [1]
650 At numquam patiens segnis longaeque quietis [ ]
651 armorum, ne quid fatis mutare liceret, [ ]
652 adsequitur generique premit vestigia Caesar. [ ]
653 sufficerent aliis primo tot moenia cursu [ ]
654 rapta, tot oppressae depulsis hostibus arces, [ ]
655 ipsa caput mundi, bellorum maxima merces, [ ]
656 Roma capi facilis; sed Caesar in omnia praeceps, [ ]
657 nil actum credens, cum quid superesset agendum, [ ]
658 instat atrox et adhuc, quamvis possederit omnem [ ]
659 Italiam, extremo sedeat quod litore Magnus, [ ]?
660 communem tamen esse dolet nec rursus aperto [ ]
661 vult hostes errare freto sed molibus undas [ ]
662 obstruit et latum deiectis rupibus aequor. [ ]
663 cedit in inmensum cassus labor: omnia pontus [ ]
664 haurit saxa vorax montesque inmiscet harenis: [ ]
665 ut maris Aegaei medias si celsus in undas [ ]
Marcus Annaeus Lucanus: Borgerkrigen, 2. bog (Budé)
666 depellatur Eryx, nullae tamen aequore rupes [ ]
667 emineant, vel si convulso vertice Gaurus [ ]
668 decidat in fundum penitus stagnantis Averni. [ ]
669 ergo ubi nulla vado tenuit sua pondera moles, [ ]
670 tunc placuit caesis innectere vincula silvis [ ]
671 roboraque inmensis late religare catenis. [1]
672 talis fama canit tumidum super aequora Xersen [ ]
673 construxisse vias, multum cum pontibus ausus [ ]
674 Europamque Asiae Sestonque admovit Abydo [ ]
675 incessitque fretum rapidi super Hellesponti [ ]
676 non eurum zephyrumque timens, cum vela ratisque [ ]
677 in medium deferret Athon. sic ora profundi [ ]
678 artantur casu nemorum; tunc aggere multo [1]
679 surgit opus, longaeque tremunt super aequora turres. [ ]
680 Pompeius tellure nova compresa profundi [ ]
681 ora videns curis animum mordacibus angit, [1]
682 ut reseret pelagus spargatque per aequora bellum. [ ]
Marcus Annaeus Lucanus: Borgerkrigen, 2. bog (Budé)
683 saepe noto plenae tensisque rudentibus actae [2]
684 ipsa maris per claustra rates fastigia molis [ ]
685 discussere salo spatiumque dedere carinis [ ]
686 tortaque per tenebras validis ballista lacertis [ ]
687 multifidas iaculata faces. ut tempora tandem [ ]
688 furtivae placuere fugae, ne litora clamor [ ]
689 nauticus exagitet, ne bucina dividat horas, [1]
690 ne tuba praemonitos perducat ad aequora nautas, [ ]
691 praecepit sociis. iam coeperat ultima Virgo [ ]
692 Phoebum laturas ortu praecedere Chelas, [ ]
693 cum tacitas solvere rates. non anchora voces [ ]
694 movit, dum spissis avellitur uncus harenis; [ ]
695 dum iuga curvantur mali dumque ardua pinus [ ]
696 erigitur, pavidi classis siluere magistri, [ ]
697 strictaque pendentes deducunt carbasa nautae [ ]
698 nec quatiunt validos, ne sibilet aura, rudentis. [1]
699 dux etiam votis hoc te, Fortuna, precatur, [ ]
700 quam retinere vetas, liceat sibi perdere saltem [ ]
Marcus Annaeus Lucanus: Borgerkrigen, 2. bog (Budé)
701 Italiam. vix fata sinunt; nam murmure vasto [ ]
702 inpulsum rostris sonuit mare, fluctuat unda [ ]
703 totque carinarum permixtis aequora sulcis. [2]
704 ergo hostes portis, quas omnis solverat urbis [ ]
705 cum fato conversa fides, murisque recepti [2]
706 praecipiti cursu flexi per cornua portus [ ]
707 ora petunt pelagusque dolent contingere classi. [ ]
708 heu pudor! exigua est fugiens victoria Magnus. [ ]
709 Angustus puppis mittebat in aequora limes [ ]
710 artior Euboica, quae Chalcida verberat, unda. [ ]
711 hic haesere rates geminae classique paratas [ ]
712 excepere manus, tractoque in litora bello [1]
713 hic primum rubuit civili sanguine Nereus. [ ]?
714 cetera classis abit summis spoliata carinis: [ ]
715 ut, Pagasaea ratis peteret cum Phasidos undas, [ ]
716 Cyaneas tellus emisit in aequora cautes, [2]?
717 rapta puppe minor subducta est montibus Argo, [ ]
718 vanaque percussit pontum Symplegas inanem [ ]
Marcus Annaeus Lucanus: Borgerkrigen, 2. bog (Budé)
719 et statura redit. iam Phoebum urgere monebat [1]
720 non idem eoi color aetheris, albaque nondum [1]?
721 lux rubet et flammas propioribus eripit astris, [ ]
722 et iam Plias hebet, flexi iam plaustra Bootae [ ]
723 in faciem puri redeunt languentia caeli, [ ]
724 maioresque latent stellae, calidumque refugit [ ]
725 Lucifer ipse diem; pelagus iam, Magne, tenebas, [ ]
726 non ea fata ferens, quae, cum super aequora toto [ ]
727 praedonem sequerere mari: lassata triumphis [ ]
728 descivit fortuna tuis. cum coniuge pulsus [ ]
729 et natis totosque trahens in bella penates [ ]
730 vadis adhuc ingens populis comitantibus exul. [ ]
731 quaeritur indignae sedes longinqua ruinae. [ ]
732 non quia te superi patrio privare sepulchro [ ]?
733 maluerint, Phariae busto damnantur harenae: [ ]
734 parcitur Hesperiae; procul hoc et in orbe remoto [ ]
735 abscondat Fortuna nefas, Romanaque tellus [ ]
736 inmaculata sui servetur sanguine Magni. [ ]
_____________________________________________________________________________..
= file n. 252 - 22:14 minuti
Marcus Annaeus Lucanus: Borgerkrigen, 3. bog (Budé) .
1 Propulit ut classem velis cedentibus auster [ ]
2 incumbens mediumque rates movere profundum, [ ]
3 omnis in Ionios spectabat navita fluctus; [ ]
4 solus ab Hesperia non flexit lumina terra [ ]
5 Magnus, dum patrios portus, dum litora numquam [ ]
6 ad visus reditura suos tectumque cacumen [ ]
7 nubibus et dubios cernit vanescere montis. [ ]
8 inde soporifero cesserunt languida somno [ ]
9 membra ducis; diri tum plena horroris imago [ ]
10 visa caput maestum per hiantes Iulia terras [ ]
11 tollere et accenso furialis stare sepulchro. [ ]
12 'sedibus Elysiis campoque expulsa piorum [ ]
13 ad Stygias' inquit 'tenebras manesque nocentes [ ]
14 post bellum civile trahor; vidi ipsa tenentis [2]
15 Eumenidas, quaterent quas vestris lampadas armis; [ ]
16 praeparat innumeras puppis Acherontis adusti [ ]
17 portitor; in multas laxantur Tartara poenas, [ ]
Marcus Annaeus Lucanus: Borgerkrigen, 3. bog (Budé)
18 vix operi cunctae dextra properante sorores [ ]
19 sufficiunt, lassant rumpentis stamina Parcas. [ ]
20 coniuge me laetos duxisti, Magne, triumphos: [ ]
21 fortuna est mutata toris semperque potentis [2]
22 detrahere in cladem fato damnata maritos [ ]
23 innupsit tepido paelex Cornelia busto. [ ]
24 haereat illa tuis per bella, per aequora signis, [ ]
25 dum non securos liceat mihi rumpere somnos [ ]
26 et nullum vestro vacuum sit tempus amori, [ ]
27 sed teneat Caesarque dies et Iulia noctes. [ ]
28 me non Lethaeae, coniunx, oblivia ripae [ ]
29 inmemorem fecere tui, regesque silentum [ ]?
30 permisere sequi. veniam te bella gerente [1]
31 in medias acies; numquam tibi, Magne, per umbras [ ]
32 perque meos manes genero non esse licebit. [1]
33 abscidis frustra ferro tua pignora: bellum [ ]
Marcus Annaeus Lucanus: Borgerkrigen, 3. bog (Budé)
34 te faciet civile meum.' sic fata refugit [ ]
35 umbra per amplexus trepidi dilapsa mariti. [1]
36 Ille, dei quamvis cladem manesque minentur, [ ]
37 maior in arma ruit certa cum mente malorum [ ]
38 et 'quid' ait 'vani terremur imagine visus? [1]
39 aut nihil est sensus animis a morte relictum [1]?
40 aut mors ipsa nihil'. Titan iam pronus in undas [ ]
41 ibat et igniferi tantum demerserat orbis, [ ]
42 quantum desse solet lunae, seu plena futura est, [ ]
43 seu iam plena fuit: tunc optulit hospita tellus [ ]
44 puppibus accessus faciles; legere rudentis [ ]
45 et posito remis petierunt litora malo. [2]
46 Caesar, ut emissas venti rapuere carinas, [ ]
47 absconditque fretum classes, et litore solus [ ]
48 dux stetit Hesperio, non illum gloria pulsi [ ]?
49 laetificat Magni; queritur quod tuta per aequor [ ]
50 terga ferant hostes. neque enim iam sufficit ulla [ ]
51 praecipiti fortuna viro, nec vincere tanti, [ ]
Marcus Annaeus Lucanus: Borgerkrigen, 3. bog (Budé)
52 ut bellum differret, erat. tum pectore curas [ ]
53 expulit armorum pacique intentus agebat, [ ]
54 quoque modo vanos populi conciret amores [2]
55 gnarus et irarum causas et summa favoris [2]
56 annona momenta trahi. namque adserit urbis [2]
57 sola fames emiturque metus, cum segne potentes [ ]
58 vulgus alunt: nescit plebes ieiuna timere. [ ]
59 Curio Sicanias transcendere iussus in urbes, [ ]
60 qua mare tellurem subitis aut obruit undis [ ]
61 aut scidit et medias fecit sibi litora terras; [ ]
62 vis illic ingens pelagi, semperque laborant [ ]
63 aequora ne rupti repetant confinia montes, [ ]
64 bellaque Sardoas etiam sparguntur in oras. [ ]?
65 utraque frugiferis est insula nobilis arvis; [ ]
66 nec prius Hesperiam longinquis messibus ullae [ ]
67 nec Romana magis conplerunt horrea terrae. [1]
68 Ubere vix glaebae superat cessantibus austris, [ ]
Marcus Annaeus Lucanus: Borgerkrigen, 3. bog (Budé)
69 cum medium nubes borea cogente sub axem [ ]
70 effusis magnum Libye tulit imbribus annum. [ ]
71 Haec ubi sunt provisa duci, tunc agmina victor [2]
72 non armata trahens, sed pacis habentia vultum, [ ]
73 tecta petit patriae. pro, si remeasset in urbem, [ ]
74 Gallorum tantum populis arctoque subacta [ ]
75 quam seriem rerum longa praemittere pompa, [ ]
76 quas potuit belli facies! ut vincula Rheno [ ]
77 Oceanoque daret, celsos ut Gallia currus [ ]
78 nobilis et flavis sequeretur mixta Britannis! [ ]
79 perdidit o qualem vincendo plura triumphum! [2]
80 non illum laetis vadentem coetibus urbes, [ ]
81 sed tacitae videre metu, nec constitit usquam [2]
82 obvia turba duci. gaudet tamen esse timori [ ]
83 tam magno populis et se non mallet amari. [ ]
84 Iamque et praecipitis superaverat Anxuris arces, [ ]
85 et qua Pomptinas via dividit uda paludes, [ ]
Marcus Annaeus Lucanus: Borgerkrigen, 3. bog (Budé)
86 qua sublime nemus, Scythicae qua regna Dianae, [ ]
87 quaque iter est Latiis ad summam fascibus Albam; [ ]
88 excelsa de rupe procul iam conspicit urbem [2]
89 arctoi toto non visam tempore belli [ ]
90 miratusque suae sic fatur moenia Romae: [ ]
91 'tene, deum sedes, non ullo Marte coacti [ ]
92 deseruere viri? pro qua pugnabitur urbe? [ ]?
93 di melius, quod non Latias eous in oras [1]
94 nunc furor incubuit nec iuncto Sarmata velox [ ]
95 Pannonio Dacisque Getes admixtus: habenti [ ]
96 tam pavidum tibi, Roma ducem fortuna pepercit, [ ]
97 quod bellum civile fuit'. sic fatur et urbem [ ]
98 attonitam terrore subit. namque ignibus atris [ ]
99 creditur ut captae rapturus moenia Romae [ ]
100 sparsurumque deos. fuit haec mensura timoris: [ ]
101 velle putant quodcumque potest. non omina festa, [ ]
102 non fictas laeto voces simulare tumultu, [ ]
103 vix odisse vacat. Phoebea palatia conplet [ ]
Marcus Annaeus Lucanus: Borgerkrigen, 3. bog (Budé)
104 turba patrum nullo cogendi iure senatus [ ]?
105 e latebris educta suis; non consule sacrae [ ]?
106 fulserunt sedes, non proxima lege potestas, [ ]
107 praetor adest, vacuaeque loco cessere curules: [ ]
108 omnia Caesar erat; privatae curia vocis [ ]
109 testis adest. sedere patres censere parati, [2]
110 si regnum, si templa sibi iugulumque senatus [ ]
111 exiliumque petat. melius, quod plura iubere [ ]
112 erubuit quam Roma pati. tamen exit in iram: [ ]
113 viribus an possint obsistere iura, per unum [ ]
114 libertas experta virum. pugnaxque Metellus, [ ]
115 ut videt ingenti Saturnia templa revelli [ ]?
116 mole, rapit gressus et Caesaris agmina rumpens [ ]
117 ante fores nondum reseratae constitit aedis, [ ]
118 (usque adeo solus ferrum mortemque timere [ ]
119 auri nescit amor. pereunt discrimine nullo [ ]
120 amissae leges; sed, pars vilissima rerum, [ ]
121 certamen movistis, opes) prohibensque rapina [ ]
Marcus Annaeus Lucanus: Borgerkrigen, 3. bog (Budé)
122 victorem clara testatur voce tribunus: [ ]
123 'non nisi per nostrum vobis percussa patebunt [ ]
124 templa latus, nullasque feres, nisi sanguine sacro [ ]
125 sparsas, raptor, opes. certe violata potestas [ ]
126 invenit ista deos, Crassumque in bella secutae [ ]
127 saeva tribuniciae voverunt proelia dirae. [ ]
128 detege iam ferrum; neque enim tibi turba verenda est [ ]
129 spectatrix scelerum: deserta stamus in urbe. [ ]
130 non feret e nostro sceleratus praemia miles. [ ]
131 sunt quos prosternas populi, quae moenia dones. [ ]
132 pacis ad exhaustae spolium non cogit egestas: [ ]
133 bellum, Caesar, habes'. his magnam victor in iram [ ]
134 vocibus accensus: 'vanam spem mortis honestae [ ]
135 concipis: haud' inquit 'iugulo se polluet isto [1]
136 nostra, Metelle, manus. dignum te Caesaris ira [ ]
137 nullus honor faciet. te vindice tuta relicta est [ ]
138 libertas? non usque adeo permiscuit imis [ ]
139 longus summa dies, ut non, si voce Metelli [ ]
Marcus Annaeus Lucanus: Borgerkrigen, 3. bog (Budé)
140 serventur leges, malint a Caesare tolli'. [ ]
141 Dixerat, et nondum foribus cedente tribuno [ ]
142 acrior ira subit: saevos circumspicit enses [ ]
143 oblitus simulare togam. tum Cotta Metellum [ ]
144 conpulit audaci nimium desistere coepto. [ ]?
145 'libertas' inquit 'populi quem regna coercent, [ ]
146 libertate perit, cuius servaveris umbram, [ ]
147 si quidquid iubeare velis. tot rebus iniquis [ ]
148 paruimus vincti; venia est haec sola pudoris [ ]
149 degenerisque metus, non iam potuisse negari. [ ]
150 ocius avertat diri mala semina belli. [1]
151 damna movent populos, si quos sua iura tuentur. [ ]
152 non sibi, sed domino gravis est, quae servit, egestas'. [ ]
153 protinus abducto patuerunt templa Metello. [ ]
154 tunc rupes Tarpeia sonat magnoque reclusas [ ]
155 testatur stridore fores; tunc conditus imo [2]
156 eruitur templo multis non tactus ab annis [ ]
157 Romani census populi, quem Punica bella, [ ]?
Marcus Annaeus Lucanus: Borgerkrigen, 3. bog (Budé)
158 quem dederat Perses, quem victi praeda Philippi, [ ]
159 quod tibi, Roma, fuga Pyrrhus trepidante reliquit [ ]
160 (quo te Fabricius regi non vendidit auro), [ ]
161 quidquid parcorum mores servastis avorum, [ ]
162 quod dites Asiae populi misere tributum, [1]
163 victorique dedit Minoia Creta Metello, [1]
164 quod Cato longinqua vexit super aequora Cypro. [ ]
165 tunc Orientis opes captorumque ultima regum [ ]
166 quae Pompeianis praelata est gaza triumphis, [ ]
167 egeritur; tristi spoliantur templa rapina, [ ]
168 pauperiorque fuit tunc primum Caesare Roma. [ ]
169 Interea totum Magni fortuna per orbem [ ]
170 secum casuras in proelia moverat urbes. [ ]
171 proxima vicino vires dat Graecia bello. [2]
172 Phocaicas Amphisa manus scopulosaque Cirrha [ ]
173 Parnasosque iugo misit desertus utroque. [1]
Marcus Annaeus Lucanus: Borgerkrigen, 3. bog (Budé)
174 Boeoti coiere duces, quos inpiger ambit [ ]?
175 fatidica Cephisos aqua Cadmeaque Dirce, [2]?
176 Pisaeaeque manus populisque per aequora mittens [ ]
177 Sicaniis Alpheos aquas. tunc Maenala liquit [ ]
178 Arcas et Herculeam miles Trachinius Oeten. [ ]
179 Thesproti Dryopesque ruunt, quercusque silentis [ ]
180 Chaonio veteres liquerunt vertice Selloe. [ ]
181 exhausit totas quamvis delectus Athenas, [ ]
182 exiguae Phoebea tenent navalia puppes, [ ]
183 tresque petunt veram credi Salamina carinae. [1]
184 iam dilecta Iovi centenis venit in arma [ ]
185 Creta vetus populis Gnososque agitare pharetras [ ]
186 docta nec eois peior Gortyna sagittis. [u]
187 tunc qui Dardaniam tenet Oricon et vagus altis [ ]
188 dispersus silvis Athamas et nomine prisco [ ]
189 Encheliae versi testantes funera Cadmi, [ ]
190 Colchis et Adriacas spumans Absyrtos in undas; [ ]
Marcus Annaeus Lucanus: Borgerkrigen, 3. bog (Budé)
191 Penei qui rura colunt, quorumque labore [u]
192 Thessalus Haemoniam vomer proscindit Iolcon. [ ]
193 (inde lacessitum primo mare, cum rudis Argo [1]
194 miscuit ignotas temerato litore gentes [2]
195 primaque cum ventis pelagique furentibus undis [ ]
196 conposuit mortale genus, fatisque per illam [ ]
197 accessit mors una ratem). tunc linquitur Haemus [ ]
198 Thracius et populum Pholoe mentita biformem. [ ]
199 deseritur Strymon tepido committere Nilo [ ]
200 Bistonias consuetus aves et barbara Cone, [ ]
201 Sarmaticas ubi perdit aquas sparsamque profundo [ ]
202 multifidi Peucen unum caput adluit Histri, [ ]?
203 Mysiaque et gelido tellus perfusa Caico [ ]
204 Idalis et nimium glebis exilis Arisbe; [ ]
205 quique colunt Pitanen et quae tua munera, Pallas, [ ]
206 lugent damnatae Phoebo victore Celaenae, [ ]
207 qua celer et rectis descendens Marsya ripis [ ]
208 errantem Maeandron adit mixtusque refertur, [ ]
Marcus Annaeus Lucanus: Borgerkrigen, 3. bog (Budé)
209 passaque ab auriferis tellus exire metallis [ ]
210 Pactolon, qua culta secat non vilior Hermus. [ ]
211 Iliacae quoque signa manus perituraque castra [ ]
212 ominibus petiere suis, nec fabula Troiae [ ]
213 continuit Phrygiique ferens se Caesar Iuli. [ ]
214 accedunt Syriae populi, desertus Orontes [1]
215 et felix, sic fama, Ninos, ventosa Damascos [ ]
216 Gazaque et arbusto palmarum dives Idume [ ]
217 et Tyros instabilis pretiosaque murice Sidon. [ ]
218 has ad bella rates non flexo limite ponti [ ]
219 certior haud ullis duxit Cynosura carinis. [ ]
220 (Phoenices primi, famae si creditur, ausi [ ]
221 mansuram rudibus vocem signare figuris: [ ]
222 nondum flumineas Memphis contexere biblos [ ]
223 noverat et saxis tantum volucresque feraeque [ ]
224 sculptaque servabant magicas animalia linguas). [ ]
225 deseritur Taurique nemus Perseaque Tarsos [ ]
226 Coryciumque patens exesis rupibus antrum, [ ]
Marcus Annaeus Lucanus: Borgerkrigen, 3. bog (Budé)
227 Mallos et extremae resonant navalibus Aegae, [ ]
228 itque Cilix iusta, iam non pirata, carina. [ ]
229 Movit et eoos bellorum fama recessus, [u]
230 qua colitur Ganges, toto qui solus in orbe [ ]?
231 ostia nascenti contraria solvere Phoebo [ ]
232 audet et adversum fluctus inpellit in eurum: [ ]
233 hic ubi Pellaeus post Tethyos aequora ductor [ ]
234 constitit et magno vinci se fassus ab orbe est. [ ]?
235 quaque ferens rapidum diviso gurgite fontem [ ]?
236 vastis Indus aquis mixtum non sentit Hydaspen; [ ]
237 quique bibunt tenera dulcis ab harundine sucos, [ ]
238 et qui tinguentes croceo medicamine crinem [ ]
239 fluxa coloratis astringunt carbasa gemmis, [2]
240 quique suas struxere pyras vivique calentis [ ]
241 conscendere rogos. pro! quanta est gloria genti [ ]
242 iniecisse manum fatis, vitaque repletos [ ]
243 quod superest donasse deis! venere feroces [ ]
Marcus Annaeus Lucanus: Borgerkrigen, 3. bog (Budé)
244 Cappadoces duri populus non cultor Amani, [1]
245 Armeniusque tenens volventem saxa Niphaten. [ ]
246 aethera tangentis silvas liquere Choatrae. [ ]
247 ignotum vobis, Arabes, venistis in orbem [1]
248 umbras mirati nemorum non ire sinistras. [ ]?
249 tum furor extremos movit Romanus Orestas [ ]
250 Carmanosque duces (quorum iam flexus in austrum [ ]
251 aether non totam mergi tamen aspicit Arcton; [ ]
252 lucet et exigua velox ibi nocte Bootes) [ ]?
253 Aethiopumque solum, quod non premeretur ab ulla [ ]
254 signiferi regione poli, nisi poplite lapso [ ]
255 ultima curvati procederet ungula Tauri. [1]?
256 quaque caput rapido tollit cum Tigride magnus [ ]
257 Euphrates, quos non diversis fontibus edit [ ]
258 Persis, et incertum, tellus si misceat amnes, [ ]
259 quod potius sit nomen aquis; sed sparsus in agros [ ]
260 fertilis Euphrates Phariae vice fungitur undae; [ ]
261 at Tigrim subito tellus absorbet hiatu [ ]
Marcus Annaeus Lucanus: Borgerkrigen, 3. bog (Budé)
262 occultosque tegit cursus rursusque renatum [ ]
263 fonte novo flumen pelagi non abnegat undis. [2]
264 inter Caesareas acies diversaque signa [ ]
265 pugnaces dubium Parthi tenuere favorem [ ]
266 contenti fecisse duos. tinxere sagittas [ ]
267 errantes Scythiae populi, quos gurgite Bactros [ ]
268 includit gelido vastisque Hyrcania silvis. [ ]
269 hinc Lacedaemonii, moto gens aspera freno, [ ]?
270 Heniochi saevis -que adfinis Sarmata Moschis, [ ]
271 Colchorum qua rura secat ditissima Phasis, [2]
272 qua Croeso fatalis Halys, qua vertice lapsus [2]
273 Riphaeo Tanais diversi nomina mundi [ ]
274 inposuit ripis Asiaeque et terminus idem [ ]
275 Europae mediae dirimens confinia terrae [ ]
276 nunc huc nunc illuc, qua flectitur, ampliat orbem; [ ]
277 quaque, fretum torrens, Maeotidos egerit undas [ ]
278 pontus, et Herculeis aufertur gloria metis, [ ]
279 Oceanumque negant solas admittere Gades. [ ]
Marcus Annaeus Lucanus: Borgerkrigen, 3. bog (Budé)
280 hinc Essedoniae gentes auroque ligatas [ ]
281 substringens Arimaspe comas; hinc fortis Arius [ ]
282 longaque Sarmatici solvens ieiunia belli [ ]
283 Massagetes, quo fugit, equo volucresque Geloni. [3]
284 non, cum Memnoniis deducens agmina regnis [ ]
285 Cyrus et effusis numerato milite telis [2]
286 descendit Perses fraternique ultor amoris [ ]
287 aequora cum tantis percussit classibus, unum [ ]
288 tot reges habuere ducem, coiere nec umquam [2]?
289 tam variae cultu gentes, tam dissona vulgi [ ]
290 ora. tot inmensae comites missura ruinae [ ]
291 excivit populos et dignas funere Magni [ ]
292 exsequias fortuna dedit. non corniger Hammon [ ]
293 mittere Marmaricas cessavit in arma catervas, [ ]
294 quidquid ab occiduis Libye patet arida Mauris [ ]
295 usque Paraetonias eoa ad litora Syrtis. [ ]?
296 acciperet felix ne non semel omnia Caesar, [ ]
297 vincendum pariter Pharsalia praestitit orbem. [ ]
/felt 100 er altid tomt/ risultati [ ] della versificazione© >>>
Scarica file Word? (> Courier 10) o file PDF è possibile
Prossimo archivio n. 24 – BC2-LUCA
Marcus Annaeus Lucanus: Borgerkrigen 3,298 [Bellum civile]
Ritorna a CORPUS o (Nuova!) HOME PAGE 2O23 LatinaLectio!
LatinaLectio 