Visitate (FAQ?) HOME PAGE link >INDEX >LECTOR >CORPUS !
⬇ Cerca Ctrl + F (find). Modifica file Audio? è possibile (slow/fast! or minimize/download …⬆️)
= archivio n. 34 - ARS-OVID + archivio n. 35 - REM-OVID Prossimo file n. 125
Publius Ovidius Naso: Elskovskunsten, 1. bog (Oxford C.T.) 0:00
505 sed tibi nec ferro placeat torquere capillos, [ ]
506 nec tua mordaci ¨ pumice crura teras; [ ]
507 ista iube faciant, quorum Cybeleia mater [ ]
508 concinitur Phrygiis ¨ exululata modis. [ ]
509 forma uiros neglecta decet; Minoida Theseus [ ]
510 abstulit, a nulla ¨ tempora comptus acu; [ ]
511 Hippolytum Phaedra, nec erat bene cultus, amauit; [ ]
512 cura deae siluis ¨ aptus Adonis erat. [ ]
513 munditie placeant, fuscentur corpora Campo; [ ]
514 sit bene conueniens ¨ et sine labe toga. [ ]
515 (?)lingua ne rigeat; careant rubigine dentes; [ ]
516 nec uagus in laxa ¨ pes tibi pelle natet; [ ]
517 nec male deformet rigidos tonsura capillos: [ ]
518 sit coma, sit trita ¨ barba resecta manu. [ ]
Publius Ovidius Naso: Elskovskunsten, 1. bog (Oxford C.T.) 0:+
519 et nihil emineant et sint sine sordibus ungues, [ ]
520 inque caua nullus ¨ stet tibi nare pilus. [ ]
521 nec male odorati sit tristis anhelitus oris, [2]?
522 nec laedat naris ¨ uirque paterque gregis. [ ]
523 cetera lasciuae faciant concede puellae [ ]
524 et si quis male uir ¨ quaerit habere uirum. [ ]
525 ecce, suum uatem Liber uocat: hic quoque amantis [ ]
526 adiuuat et flammae, ¨ qua calet ipse, fauet. [ ]
527 Cnosis in ignotis amens errabat harenis, [ ]?
528 qua breuis aequoreis ¨ Dia feritur aquis; [ ]
529 utque erat e somno, tunica uelata recincta, [1]?
530 nuda pedem, croceas ¨ inreligata comas, [ ]
531 Thesea crudelem surdas clamabat ad undas, [ ]
532 indigno teneras ¨ imbre rigante genas. [ ]
533 clamabat flebatque simul, sed utrumque decebat; [ ]
534 non facta est lacrimis ¨ turpior illa suis. [ ]
535 iamque iterum tundens mollissima pectora palmis [ ]
536 'perfidus ille abiit: ¨ quid mihi fiet?' ait; [ ]
Publius Ovidius Naso: Elskovskunsten, 1. bog (Oxford C.T.) 0:++
537 'quid mihi fiet?' ait; sonuerunt cymbala toto [ ]
538 litore et adtonita ¨ tympana pulsa manu. [ ]
539 excidit illa metu rupitque nouissima uerba; [ ]?
540 nullus in exanimi ¨ corpore sanguis erat. [ ]
541 ecce, Mimallonides sparsis in terga capillis, [ ]
542 ecce, leues Satyri, ¨ praeuia turba dei. [ ]
543 ebrius, ecce, senex pando Silenus asello [ ]?
544 uix sedet et pressas ¨ continet arte iubas. [ ]
545 dum sequitur Bacchas, Bacchae fugiuntque petuntque, [ ]
546 quadrupedem ferula ¨ dum malus urget eques, [ ]
547 in caput aurito cecidit delapsus asello; [ ]?
548 clamarunt Satyri ¨ 'surge age, surge, pater.' [ ]
549 iam deus in curru, quem summum texerat uuis, [ ]
550 tigribus adiunctis ¨ aurea lora dabat; [ ]
551 et color et Theseus et uox abiere puellae, [ ]
552 terque fugam petiit ¨ terque retenta metu est. [ ]
553 horruit, ut steriles agitat quas uentus aristas, [ ]
554 ut leuis in madida ¨ canna palude tremit. [ ]
Publius Ovidius Naso: Elskovskunsten, 1. bog (Oxford C.T.) 4:00
555 cui deus 'en, adsum tibi cura fidelior' inquit; [ ]
556 'pone metum, Bacchi ¨ Cnosias uxor eris. [ ]
557 munus habe caelum: caelo spectabere sidus; [ ]
558 saepe reges dubiam ¨ Cressa Corona ratem.' [ ]
559 dixit et e curru, ne tigres illa timeret, [ ]?
560 desilit (inposito ¨ cessit harena pede) [ ]
561 implicitamque sinu, neque enim pugnare ualebat, [ ]
562 abstulit: in facili est ¨ omnia posse deo. [ ]
563 pars 'Hymenaee' canunt, pars clamant 'Euhion, euhoe'; [ ]
564 sic coeunt sacro ¨ nupta deusque toro. [ ]
565 ergo, ubi contigerint positi tibi munera Bacchi [ ]
566 atque erit in socii ¨ femina parte tori, [ ]
567 Nycteliumque patrem nocturnaque sacra precare [ ]
568 ne iubeant capiti ¨ uina nocere tuo. [ ]
569 hic tibi multa licet sermone latentia tecto [ ]
570 dicere, quae dici ¨ sentiat illa sibi, [ ]
571 blanditiasque leues tenui perscribere uino, [ ]
572 ut dominam in mensa ¨ se legat illa tuam, [ ]
Publius Ovidius Naso: Elskovskunsten, 1. bog (Oxford C.T.) 4:+
573 atque oculos oculis spectare fatentibus ignem: [ ]
574 saepe tacens uocem ¨ uerbaque uultus habet. [ ]
575 fac primus rapias illius tacta labellis [ ]
576 pocula, quaque bibet ¨ parte puella, bibas; [ ]
577 et quemcumque cibum digitis libauerit illa, [ ]
578 tu pete, dumque petes, ¨ sit tibi tacta manus. [ ]
579 sint etiam tua uota uiro placuisse puellae: [ ]
580 utilior uobis ¨ factus amicus erit. [ ]
581 huic, si sorte bibes, sortem concede priorem, [ ]
582 huic detur capiti ¨ missa corona tuo. [ ]
583 siue erit inferior seu par, prior omnia sumat, [ ]
584 nec dubites illi ¨ uerba secunda loqui. [ ]
585 tuta frequensque uia est, per amici fallere nomen; [2]
586 tuta frequensque licet ¨ sit uia, crimen habet. [ ]
587 inde procurator nimium quoque multa procurat [2]
588 et sibi mandatis ¨ plura uidenda putat. [ ]
Publius Ovidius Naso: Elskovskunsten, 1. bog (Oxford C.T.) 8:00
589 certa tibi a nobis dabitur mensura bibendi: [2]
590 officium praestent ¨ mensque pedesque suum. [ ]
591 iurgia praecipue uino stimulata caueto [1]?
592 et nimium faciles ¨ ad fera bella manus. [ ]
593 occidit Eurytion stulte data uina bibendo: [ ]
594 aptior est dulci ¨ mensa merumque ioco. [ ]
595 si uox est, canta; si mollia bracchia, salta; [ ]
596 et, quacumque potes ¨ dote placere, place. [ ]
597 ebrietas ut uera nocet, sic ficta iuuabit: [ ]
598 fac titubet blaeso ¨ subdola lingua sono, [ ]
599 ut, quicquid facias dicasue proteruius aequo, [ ]
600 credatur nimium ¨ causa fuisse merum. [ ]
601 et bene dic dominae, bene, cum quo dormiat illa; [ ]
602 sed male sit tacita ¨ mente precare uiro. [ ]
603 at cum discedet mensa conuiua remota, [ ]
604 ipsa tibi accessus ¨ turba locumque dabit. [ ]
605 insere te turbae leuiterque admotus eunti [ ]
606 uelle latus digitis ¨ et pede tange pedem. [ ]
Publius Ovidius Naso: Elskovskunsten, 1. bog (Oxford C.T.) 8:+
607 conloquii iam tempus adest; fuge rustice longe [ ]
608 hinc pudor: audentem ¨ Forsque Venusque iuuat. [ ]
609 non tua sub nostras ueniat facundia leges; [ ]
610 fac tantum cupias, ¨ sponte disertus eris. [ ]
611 est tibi agendus amans imitandaque uulnera uerbis; [ ]
612 haec tibi quaeratur ¨ qualibet arte fides. [ ]
613 nec credi labor est: sibi quaeque uidetur amanda; [ ]?
614 pessima sit, nulli ¨ non sua forma placet. [ ]
615 saepe tamen uere coepit simulator amare; [ ]?
616 saepe, quod incipiens ¨ finxerat esse, fuit. [ ]
617 (quo magis, o, faciles imitantibus este, puellae: [ ]
618 fiet amor uerus, ¨ qui modo falsus erat.) [ ]
619 blanditiis animum furtim deprendere nunc sit, [ ]
620 ut pendens liquida ¨ ripa subestur aqua. [ ]
621 nec faciem nec te pigeat laudare capillos [ ]
622 et teretes digitos ¨ exiguumque pedem: [ ]
623 delectant etiam castas praeconia formae; [ ]
624 uirginibus curae ¨ grataque forma sua est. [ ]
Publius Ovidius Naso: Elskovskunsten, 1. bog (Oxford C.T.) 8:++
625 nam cur in Phrygiis Iunonem et Pallada siluis [ ]
626 nunc quoque iudicium ¨ non tenuisse pudet? [ ]
627 laudatas ostendit auis Iunonia pinnas; [2]
628 si tacitus spectes, ¨ illa recondit opes. [ ]
629 quadrupedes inter rapidi certamina cursus [ ]
630 depexaeque iubae ¨ plausaque colla iuuant. [ ]
631 nec timide promitte: trahunt promissa puellas; [ ]?
632 pollicito testes ¨ quoslibet adde deos. [ ]
633 Iuppiter ex alto periuria ridet amantum [ ]
634 et iubet Aeolios ¨ inrita ferre Notos. [ ]
635 per Styga Iunoni falsum iurare solebat [2]
636 Iuppiter: exemplo ¨ nunc fauet ipse suo. [ ]
637 expedit esse deos et, ut expedit, esse putemus; [ ]
638 dentur in antiquos ¨ tura merumque focos. [ ]
639 nec secura quies illos similisque sopori [ ]?
640 detinet: innocue ¨ uiuite, numen adest. [ ]
641 reddite depositum; pietas sua foedera seruet; [ ]
642 fraus absit; uacuas ¨ caedis habete manus. [ ]
Publius Ovidius Naso: Elskovskunsten, 1. bog (Oxford C.T.) 12:00
643 ludite, si sapitis, solas impune puellas: [ ]
644 (?)hac magis est una ¨ fraude pudenda fides. [ ]
645 fallite fallentes; ex magna parte profanum [ ]
646 sunt genus: in laqueos, ¨ quos posuere, cadant. [ ]
647 dicitur Aegyptos caruisse iuuantibus arua [ ]
648 imbribus atque annos ¨ sicca fuisse nouem, [ ]
649 cum Thrasius Busirin adit monstratque piari [2]
650 hospitis adfuso ¨ sanguine posse Iouem. [ ]
651 illi Busiris 'fies Iouis hostia primus' [ ]?
652 inquit 'et Aegypto ¨ tu dabis hospes aquam.' [ ]
653 et Phalaris tauro uiolenti membra Perilli [ ]
654 torruit; infelix ¨ inbuit auctor opus. [ ]
655 iustus uterque fuit, neque enim lex aequior ulla est [ ]
656 quam necis artifices ¨ arte perire sua. [ ]
657 ergo, ut periuras merito periuria fallant, [ ]
658 exemplo doleat ¨ femina laesa suo. [ ]
659 et lacrimae prosunt; lacrimis adamanta mouebis: [ ]
660 fac madidas uideat, ¨ si potes, illa genas. [ ]
Publius Ovidius Naso: Elskovskunsten, 1. bog (Oxford C.T.) 12:+
661 si lacrimae, neque enim ueniunt in tempore semper, [ ]
662 deficient, uncta ¨ lumina tange manu. [ ]
663 quis sapiens blandis non misceat oscula uerbis? [ ]
664 illa licet non det, ¨ non data sume tamen. [ ]
665 pugnabit primo fortassis et 'improbe' dicet; [1]
666 pugnando uinci ¨ se tamen illa uolet. [ ]
667 tantum, ne noceant teneris male rapta labellis [ ]
668 neue queri possit ¨ dura fuisse, caue. [ ]
669 oscula qui sumpsit, si non et cetera sumit, [ ]
670 haec quoque, quae data sunt, ¨ perdere dignus erit. [ ]
671 quantum defuerat pleno post oscula uoto? [ ]
672 ei mihi, rusticitas, ¨ non pudor ille fuit. [ ]
673 uim licet appelles: grata est uis ista puellis; [ ]
674 quod iuuat, inuitae ¨ saepe dedisse uolunt. [ ]
675 quaecumque est Veneris subita uiolata rapina, [ ]
676 gaudet, et inprobitas ¨ muneris instar habet. [ ]
677 at quae, cum posset cogi, non tacta recessit, [ ]
678 ut simulet uultu ¨ gaudia, tristis erit. [ ]
Publius Ovidius Naso: Elskovskunsten, 1. bog (Oxford C.T.) 12:++
679 uim passa est Phoebe, uis est allata sorori; [ ]
680 et gratus raptae ¨ raptor uterque fuit. [ ]
681 fabula nota quidem, sed non indigna referri, [ ]
682 Scyrias Haemonio ¨ iuncta puella uiro. [ ]
683 iam dea laudatae dederat mala praemia formae [ ]
684 colle sub Idaeo ¨ uincere digna duas; [ ]
685 iam nurus ad Priamum diuerso uenerat orbe, [ ]
686 Graiaque in Iliacis ¨ moenibus uxor erat; [ ]
687 iurabant omnes in laesi uerba mariti, [ ]
688 nam dolor unius ¨ publica causa fuit. [u]
689 turpe, nisi hoc matris precibus tribuisset, Achilles [ ]
690 ueste uirum longa ¨ dissimulatus erat. [ ]
691 quid facis, Aeacide? non sunt tua munera lanae; [ ]
692 tu titulos alia ¨ Palladis arte petes. [ ]
693 quid tibi cum calathis? clipeo manus apta ferendo est; [ ]
694 pensa quid in dextra, ¨ qua cadet Hector, habes? [ ]
Publius Ovidius Naso: Elskovskunsten, 1. bog (Oxford C.T.) 16:00
695 reice succinctos operoso stamine fusos: [2]?
696 quassanda est ista ¨ Pelias hasta manu. [ ]
697 forte erat in thalamo uirgo regalis eodem; [ ]?
698 haec illum stupro ¨ comperit esse uirum. [ ]
699 uiribus illa quidem uicta est (ita credere oportet), [ ]
700 sed uoluit uinci ¨ uiribus illa tamen. [ ]
701 saepe 'mane' dixit, cum iam properaret Achilles: [ ]
702 fortia nam posito ¨ sumpserat arma colo. [ ]
703 uis ubi nunc illa est? quid blanda uoce moraris [ ]
704 auctorem stupri, ¨ Deidamia, tui? [ ]
705 scilicet, ut pudor est quaedam coepisse priorem, [ ]
706 sic alio gratum est ¨ incipiente pati. [ ]
707 a, nimia est iuueni propriae fiducia formae, [ ]
708 expectat si quis, ¨ dum prior illa roget. [ ]
709 uir prior accedat, uir uerba precantia dicat; [ ]
710 excipiat blandas ¨ comiter illa preces. [ ]
711 ut potiare, roga: tantum cupit illa rogari; [ ]
712 da causam uoti ¨ principiumque tui. [ ]
Publius Ovidius Naso: Elskovskunsten, 1. bog (Oxford C.T.) 16:+
713 Iuppiter ad ueteres supplex heroidas ibat; [ ]
714 corrupit magnum ¨ nulla puella Iouem. [ ]
715 si tamen a precibus tumidos accedere fastus [ ]
716 senseris, incepto ¨ parce referque pedem. [ ]
717 quod refugit, multae cupiunt; odere, quod instat: [ ]
718 lenius instando ¨ taedia tolle tui. [ ]
719 nec semper Veneris spes est profitenda roganti; [ ]
720 intret amicitiae ¨ nomine tectus amor. [ ]
721 hoc aditu uidi tetricae data uerba puellae; [2]
722 qui fuerat cultor, ¨ factus amator erat. [ ]
723 candidus in nauta turpis color: aequoris unda [ ]
724 debet et a radiis ¨ sideris esse niger; [ ]
725 turpis et agricolae, qui uomere semper adunco [1]
726 et grauibus rastris ¨ sub Ioue uersat humum; [ ]
727 et tua, Palladiae petitur cui fama coronae, [ ]
728 candida si fuerint ¨ corpora, turpis eris. [ ]
729 palleat omnis amans: hic est color aptus amanti; [ ]
730 hoc decet, hoc multi ¨ (?)non ualuisse putant. [ ]
Publius Ovidius Naso: Elskovskunsten, 1. bog (Oxford C.T.) 16:++
731 pallidus in Side siluis errabat Orion; [ ]
732 pallidus in lenta ¨ Naide Daphnis erat. [ ]
733 arguat et macies animum, nec turpe putaris [ ]
734 palliolum nitidis ¨ inposuisse comis. [ ]
735 attenuant iuuenum uigilatae corpora noctes [ ]
736 curaque et in magno ¨ qui fit amore dolor. [ ]
737 ut uoto potiare tuo, miserabilis esto, [2]?
738 ut qui te uideat ¨ dicere possit 'amas.' [ ]
739 conquerar an moneam mixtum fas omne nefasque? [ ]
740 nomen amicitia est, ¨ nomen inane fides. [ ]
741 ei mihi, non tutum est, quod ames, laudare sodali: [ ]
742 cum tibi laudanti ¨ credidit, ipse subit. [ ]
743 'at non Actorides lectum temerauit Achillis; [ ]
744 quantum ad Pirithoum, ¨ Phaedra pudica fuit. [ ]
745 Hermionen Pylades, qua Pallada Phoebus, amabat, [ ]
746 quodque tibi geminus, ¨ Tyndari, Castor, erat.' [ ]
747 si quis idem sperat, iacturas poma myricas [ ]
748 speret et e medio ¨ flumine mella petat. [ ]
= archivio n. 35 - REM-OVID
Publius Ovidius Naso: Elskovskunsten, 1. bog (Oxford C.T.) 20:00
749 nil nisi turpe iuuat; curae sua cuique uoluptas; [ ]
750 haec quoque ab alterius ¨ grata dolore uenit. [ ]?
751 heu facinus, non est hostis metuendus amanti; [ ]
752 quos credis fidos ¨ effuge: tutus eris. [ ]
753 cognatum fratremque caue carumque sodalem; [1]
754 praebebit ueros ¨ haec tibi turba metus. [ ]
755 finiturus eram, sed sunt diuersa puellis [1]
756 pectora; mille animos ¨ excipe mille modis. [ ]
757 nec tellus eadem parit omnia: uitibus illa [ ]
758 conuenit, haec oleis; ¨ hic bene farra uirent. [ ]
759 pectoribus mores tot sunt, quot in ore figurae: [ ]
760 qui sapit, innumeris ¨ moribus aptus erit, [ ]
761 utque leues Proteus modo se tenuabit in undas, [ ]
762 nunc leo, nunc arbor, ¨ nunc erit hirtus aper. [ ]
763 hi iaculo pisces, illi capiuntur ab hamis, [ ]
764 hos caua contento ¨ retia fune trahunt: [ ]
765 nec tibi conueniet cunctos modus unus ad annos; [ ]
Publius Ovidius Naso: Elskovskunsten, 1. bog (Oxford C.T.) 20:+
766 longius insidias ¨ cerua uidebit anus. [ ]
767 si doctus uideare rudi petulansue pudenti, [ ]
768 diffidet miserae ¨ protinus illa sibi. [ ]
769 inde fit ut, quae se timuit committere honesto, [ ]
770 uilis ad amplexus ¨ inferioris eat. [ ]
771 Pars superat coepti, pars est exhausta, laboris; [ ]
772 hic teneat nostras ¨ ancora iacta rates. [ ]
_____________________________________________________________________________..
risultati [ ] della versificazione© >>>
Scarica file Word? (> Courier 10) o file PDF è possibile
Prossimo file n. 125
Publius Ovidius Naso: Elskovskunsten 2,1-260 [Ars amandi]
Ritorna a INDEX o (Nuova!) HOME PAGE 2O23 LatinaLectio!
Rhythmus perfectus [polisillabi naturâli y normáles], paucis versibus exceptis
Analyse 2
1. bog.
613 nec credi labor est: sibi quaeque uidetur amanda; [ ]?
705 scilicet, ut pudor est quaedam coepisse priorem, [ ]
1. bog.
619 blanditiis animum furtim deprendere nunc sit, [ ]
1. bog.
524 et si quis male uir ¨ quaerit habere uirum. [ ]
664 illa licet non det, ¨ non data sume tamen. [ ]
670 haec quoque, quae data sunt, ¨ perdere dignus erit. [ ]
708 expectat si quis, ¨ dum prior illa roget. [ ]
Data og analyse 2 og 3 og 4 “Romersk fod på daktylisk vers”
(Piede romano sui dattili). Indhold i overbliksbillede
LatinaLectio 