File n. 243 – 5:26 minuti – Vergil pseudo

PgDn n. 243 Appendix Vergiliana: Priapea 1 til 4 [Priapea]
Carmina spuria, extra numerum

⬇ Cerca Ctrl + F (find). Modifica file Audio? è possibile (slow/fast! or minimize/download …)
= archivio n. 54 - APP-ANON                                Prossimo file n. 244
Appendix Vergiliana: Priapea (Oxford C.T.)                                 0:00
1. digt.                                                                      .
  1             Vere rosa, autumno   pomis, aestate frequentor             { }?
  2           spicis: una mihi est   ¨ horrida pestis hiemps;              {2}
  3          nam frigus   metuo et uereor   ne ligneus ignem               { }
  4               hic deus ignauis   ¨ praebeat agricolis.                 { }
2. digt.                                                                      .
  1  Ego haec, ego arte fabricata rustica,                                   ..
  2  ego arida, o uiator, ecce populus,                                      ..
  3  agellulum hunc, sinistra et ante quem uides,                            ..
  4  erique uillulam hortulumque pauperis                                    ..
  5  tuor, malaque furis arceo manu.                                         ..
  6  mihi corolla picta uere ponitur,                                        ..
  7  mihi rubens arista sole feruido,                                        ..
  8  mihi uirente dulcis uua pampino,                                        ..
  9  mihi gelante oliua cocta frigore.                                       ..
 10  meis capella delicata pascuis                                           ..
 11  in urbem adulta lacte portat ubera,                                     ..
 12  meisque pinguis agnus ex ouilibus                                       ..
 13  grauem domum remittit aere dexteram                                     ..
 
Appendix Vergiliana: Priapea (Oxford C.T.)                                 0:+
2. digt.
 14  teneraque matre mugiente uaccula                                        ..
 15  deum profundit ante templa sanguinem.                                   ..
 16  proin, uiator, hunc deum uereberis                                      ..
 17  manumque sursum habebis. hoc tibi expedit,                              ..
 18  parata namque trux stat ecce mentula.                                   ..
 19  'uelim pol' inquis? at pol ecce uilicus                                 ..
 20  uenit, ualente cui reuulsa bracchio                                     ..
 21  fit ista mentula apta claua dexterae.                                   ..
3. digt.                                                                      .
  1     Hunc ego, o iuuenes, locum   uillulamque palustrem                  [] 
  2           tectam uimine iunceo   caricisque maniplis,                   [] 
  3          quercus arida rustica   fomitata securi                        [] 
  4         nutrio: magis et magis   fit beata quotannis.                   [] 
  5        huius nam domini colunt   me, deumque salutant                   [] 
  6          pauperis tuguri pater   filiusque adulescens,                  [] 
  7           alter assidua cauens   diligentia, ut herbae,                 [] 
  8          aspera ut rubus a meo   sit remota sacello,                    [] 
  9        alter parua manu ferens   semper munera larga.                   [] 
 10           florido mihi ponitur   picta uere corolla,                    [] 
 11         primitus tenera uirens   spica mollis arista,                   [] 

Appendix Vergiliana: Priapea (Oxford C.T.)                                 0:++
3. digt.
 12             luteae uiolae mihi   lacteumque papauer                     [] 
 13     pallentesque cucurbitae et   suaue olentia mala,                    [] 
 14            uua pampinea rubens   educata sub umbra;                     [] 
 15       sanguine haec etiam mihi   (sed tacebitis) arma                   [] 
 16        barbatus linit hirculus   cornipesque capella.                   [] 
 17       pro quis omnia honoribus   nunc necesse Priapo est                [] 
 18  praestare, et domini hortulum   uineamque tueri.                       [] 
 19     quare hinc, o pueri, malas   abstinete rapinas:                     [] 
 20        uicinus prope diues est   neglegensque Priapi.                   [] 
 21       inde sumite: semita haec   deinde uos feret ipsa.                 [] 
4. digt.                                                                      .
  1  Quid hoc noui est? quid ira nuntiat deum?                               ..
  2  silente nocte candidus mihi puer                                        ..
  3  tepente cum iaceret abditus sinu,                                       ..
  4  Venus fuit quieta, nec uiriliter                                        ..
  5  iners senile penis extulit caput.                                       ..
  6  placet, Priape, qui sub arboris coma                                    ..
  7  soles, sacrum reuincte pampino caput,                                   ..
  8  ruber sedere cum rubente fascino?                                       ..
 
Appendix Vergiliana: Priapea (Oxford C.T.)                                 4:00    
4. digt.
  9  at, o Triphalle, saepe floribus nouis                                   ..
 10  tuas sine arte deligauimus comas,                                       ..
 11  abegimusque uoce saepe, cum tibi                                        ..
 12  senexue coruus impigerue graculus                                       ..
 13  sacrum feriret ore corneo caput.                                        ..
 14  uale, nefande destitutor inguinum,                                      ..
 15  uale, Priape: debeo tibi nihil.                                         ..
 16  iacebis inter arua pallidus situ,                                       ..
 17  canisque saeua susque ligneo tibi                                       ..
 18  lutosus affricabit oblitum latus.                                       ..
 19  at, o sceleste penis, o meum malum,                                     ..
 20  graui piaque lege noxiam lues.                                          ..
 21  licet querare: nec tibi tener puer                                      ..
 22  patebit ullus, imminente qui toro                                       ..
 23  iuuante uerset arte mobilem natem,                                      ..
 24  puella nec iocosa te leui manu                                          ..
 25  fouebit, adprimetue lucidum femur.                                      ..
 26  bidens amica Romuli senis memor                                         ..
 27  paratur, inter atra cuius inguina                                       ..
 28  latet iacente pantice abditus specus                                    ..
 29  uagaque pelle tectus annuo gelu                                         ..

Appendix Vergiliana: Priapea (Oxford C.T.)                                 4:+
4. digt.
 30  araneosus obsidet forem situs.                                          ..
 31  tibi haec paratur, ut tuum ter aut quater                               ..
 32  uoret profunda fossa lubricum caput.                                    ..
 33  licebit aeger, angue lentior, cubes,                                    ..
 34  tereris usque donec, a, miser, miser                                    ..
 35  triplexque quadruplexque compleas specum.                               ..
 36  superbia ista proderit nihil, simul                                     ..
 37  uagum sonante merseris luto caput.                                      ..
 38  quid est, iners? pigetne lentitudinis?                                  ..
 39  licebit hoc inultus auferas semel:                                      ..
 40  sed ille cum redibit aureus puer,                                       ..
 41  simul sonante senseris iter pede,                                       ..
 42  rigente neruos excubet lubidine,                                        ..
 43  et inquietus inguina arrigat tumor,                                     ..
 44  neque incitare cesset, usque dum mihi                                   ..
 45  Venus iocosa molle ruperit latus.                                       ..
_____________________________________________________________________________..

risultati { } della versificazione© [] extra >>>
Scarica file Word? (> Courier 10) o file PDF è possibile

Prossimo file n. 244
Appendix Vergiliana: Catalepton 1 til 15 [Catalepton]
Ritorna a INDEX o (Nuova!) HOME PAGE 2022 LatinaLectio!

Rhythmus perfectus [polisillabi naturâli y normáles], paucis versibus exceptis
(file n. 244 nullis versibus exceptis)

Data og analyse 2 og 3 og 4 “Romersk fod på daktylisk vers”
(Piede romano sui dattili). Indhold i overbliksbillede

%d blogger hanno fatto clic su Mi Piace per questo: