Visitate (FAQ?) HOME PAGE link >INDEX >LECTOR >CORPUS !
⬇ Cerca Ctrl + F (find). Modifica file Audio? è possibile (slow/fast! or minimize/download …⬆️)
= archivio n. 27 - ANN-ENNI Prossimo file n. 275
Marcus Annaeus Lucanus: Borgerkrigen, 9. bog (Budé) 0:00
619 Cur Libycus tantis exundet pestibus aër [ ]
620 fertilis in mortes, aut quid secreta nocenti [ ]
621 miscuerit natura solo, non cura laborque [2]
622 noster scire valet, nisi quod vulgata per orbem [ ]
623 fabula pro vera decepit saecula causa. [2]?
624 finibus extremis Libyes, ubi fervida tellus [ ]
625 accipit Oceanum demisso sole calentem, [ ]
626 squalebant late Phorcynidos arva Medusae, [ ]?
627 non nemorum protecta coma, non mollia suco, [ ]
628 sed dominae vultu conspectis aspera saxis. [ ]
Marcus Annaeus Lucanus: Borgerkrigen, 9. bog (Budé) 0:+
629 hoc primum natura nocens in corpore saevas [2]
630 eduxit pestes; illis e faucibus angues [ ]
631 stridula fuderunt vibratis sibila linguis, [2]
632 femineae qui more comae per terga soluti [2]
633 ipsa flagellabant gaudentis colla Medusae. [ ]
634 surgunt adversa subrectae fronte colubrae, [ ]
635 vipereumque fluit depexo crine venenum. [ ]
636 hoc habet infelix cunctis inpune Medusa [ ]
637 quod spectare licet. nam rictus oraque monstri [ ]
638 quis timuit? quem, qui recto se lumine vidit, [ ]
639 passa Medusa mori est? rapuit dubitantia fata [ ]
640 praevenitque metus; anima periere retenta [ ]
641 membra, nec emissae riguere sub ossibus umbrae. [ ]
642 Eumenidum crines solos movere furores; [ ]
643 Cerberos Orpheo lenivit sibila cantu; [ ]?
644 Amphitryoniades vidit, cum vinceret, hydram: [ ]
645 hoc monstrum timuit genitor numenque secundum [ ]
Marcus Annaeus Lucanus: Borgerkrigen, 9. bog (Budé) 0:++
646 Phorcys aquis Cetoque parens ipsaeque sorores [1]
647 Gorgones; hoc potuit caelo pelagoque minari [ ]
648 torporem insolitum mundoque obducere terram. [ ]
649 e caelo volucres subito cum pondere lapsae, [ ]
650 in scopulis haesere ferae, vicina colentes [ ]
651 Aethiopum totae riguerunt marmore gentes. [ ]
652 nullum animal visus patiens, ipsique retrorsum [ ]
653 effusi faciem vitabant Gorgones angues. [ ]
654 illa sub Hesperiis stantem Titana columnis [ ]
655 in cautes Atlanta dedit, caeloque timente [ ]
656 olim Phlegraeo stantes serpente gigantas [ ]
657 erexit montes bellumque inmane deorum [ ]
658 Pallados e medio confecit pectore Gorgon. [ ]
659 Quo postquam partu Danaes et divite nimbo [ ]
660 ortum Parrhasiae vexerunt Persea pinnae [ ]
661 Arcados, auctoris citharae liquidaeque palaestrae [ ]
662 et subitus praepes Cyllenida sustulit harpen, [ ]
663 harpen alterius monstri iam caede rubentem [ ]
Marcus Annaeus Lucanus: Borgerkrigen, 9. bog (Budé) 4:00
664 a Iove dilectae fuso custode iuvencae, [ ]
665 auxilium volucri Pallas tulit innuba fratri [ ]
666 pacta caput monstri terraeque in fine Libyssae [ ]
667 Persea Phoebeos converti iussit ad ortus [ ]
668 Gorgonos averso sulcantem regna volatu [ ]
669 et clipeum laevae fulvo dedit aere nitentem, [ ]
670 in quo saxificam iussit spectare Medusam; [ ]
671 quam sopor aeternam tracturus morte quietem [ ]
672 obruit haut totam: vigilat pars magna comarum, [ ]
673 defenduntque caput protenti crinibus hydri; [ ]
674 pars iacet in medios vultus oculique tenebras. [ ]
675 ipsa tegit trepidum Pallas, dextraque trementem [ ]
676 Perseos aversi Cyllenida derigit harpen [ ]
677 lata colubriferi rumpens confinia colli. [ ]
678 quos habuit vultus hamati vulnere ferri [ ]?
679 caesa caput Gorgon! quanto spirare veneno [ ]?
680 ora rear, quantumque oculos effundere mortis! [ ]
681 nec Pallas spectare potes, vultusque gelassent [ ]
Marcus Annaeus Lucanus: Borgerkrigen, 9. bog (Budé) 4:+
682 Perseos aversi, si non Tritonia densos [ ]
683 sparsisset crines texissetque ora colubris. [ ]
684 aliger in caelum sic rapta Gorgone fugit. [ ]
685 ille quidem pensabat iter propiusque secabat [ ]
686 aëra, si medias Europae scinderet urbes: [ ]
687 Pallas frugiferas iussit non laedere terras [ ]
688 et parci populis. quis enim non praepete tanto [ ]
689 aethera respiceret? Zephyro convertitur ales [ ]
690 itque super Libyen, quae nullo consita cultu [ ]
691 sideribus Phoeboque vacat; premit orbita solis [ ]
692 exuritque solum, nec terra celsior ulla [ ]
693 nox cadit in caelum lunaeque meatibus obstat, [ ]
694 si flexus oblita vagi per recta cucurrit [ ]
695 signa nec in borean aut in noton effugit umbram. [ ]
696 illa tamen sterilis tellus fecundaque nulli [ ]
697 arva bono virus stillantis tabe Medusae [2]
Marcus Annaeus Lucanus: Borgerkrigen, 9. bog (Budé) 4:++
698 concipiunt dirosque fero de sanguine rores, [1]
699 quos calor adiuvit putrisque incoxit harenae. [ ]
700 Hic, quae prima caput movit de pulvere, tabes [ ]
701 aspida somniferam tumida cervice levavit. [ ]
702 plenior huic sanguis et crassi gutta veneni [ ]
703 decidit: in nulla plus est serpente coactum. [1]
704 ipsa caloris egens gelidum non transit in orbem [ ]
705 sponte sua Niloque tenus metitur harenas. [1]
706 sed quis erit nobis lucri pudor? inde petuntur [ ]
707 huc Libycae mortes, et fecimus aspida mercem. [ ]
708 at non stare suum miseris passura cruorem [ ]
709 squamiferos ingens haemorrhois explicat orbes, [ ]
710 natus et ambiguae coleret qui Syrtidos arva [ ]
711 chersydros tractique via fumante chelydri [ ]
712 et semper recto lapsurus limite cenchris; [ ]
713 pluribus ille notis variatam tinguitur alvum, [ ]
714 quam parvis pictus maculis Thebanus ophites. [ ]
715 concolor exustis atque indiscretus harenis [ ]
Marcus Annaeus Lucanus: Borgerkrigen, 9. bog (Budé) 4:+++
716 hammodytes spinaque vagi torquente cerastae [1]
717 et scytale sparsis etiamnunc sola pruinis [ ]
718 exuvias positura suas et torrida dipsas [ ]
719 et gravis in geminum vergens caput amphisbaena [ ]
720 et natrix violator aquae iaculique volucres [ ]
721 et contentus iter cauda sulcare parias [ ]
722 oraque distendens avidus fumantia prester, [ ]
723 ossaque dissolvens cum corpore tabificus seps, [ ]
724 sibilaque effundens cunctas terrentia pestes, [ ]
725 ante venena nocens, late sibi sommovet omne [1]
726 vulgus et in vacua regnat basiliscus harena. [ ]
727 vos quoque, qui cunctis innoxia numina terris [ ]
728 serpitis, aurato nitidi fulgore dracones, [ ]?
729 letiferos ardens facit Africa; ducitis altum [ ]
730 aëra cum pinnis armentaque tota secuti [ ]
731 rumpitis ingentes amplexi verbere tauros; [ ]
732 nec tutus spatio est elephans: datis omnia leto, [ ]
Marcus Annaeus Lucanus: Borgerkrigen, 9. bog (Budé) 8:00
733 nec vobis opus est ad noxia fata veneno. [ ]?
734 Has inter pestes duro Cato milite siccum [1]
735 emetitur iter tot tristia fata suorum [1]
736 insolitasque videns parvo cum vulnere mortes. [ ]
737 signiferum iuvenem Tyrrheni sanguinis Aulum [ ]?
738 torta caput retro dipsas calcata momordit. [ ]
739 vix dolor aut sensus dentis fuit, ipsaque leti [ ]
740 frons caret invidia, nec quicquam plaga minatur. [ ]
741 ecce subit virus tacitum, carpitque medullas [ ]
742 ignis edax calida -que incendit viscera tabe; [ ]
743 ebibit humorem circum vitalia fusum [2]
744 pestis et in sicco linguam torrere palato [ ]
745 coepit. defessos iret qui sudor in artus [ ]
746 non fuit, atque oculos lacrimarum vena refugit. [ ]
747 non decus imperii, non maesti iura Catonis [ ]
748 ardentem tenuere virum, ne spargere signa [ ]
749 auderet totisque furens exquireret arvis, [ ]
750 quas poscebat aquas sitiens in corde venenum. [ ]
Marcus Annaeus Lucanus: Borgerkrigen, 9. bog (Budé) 8:+
751 ille vel in Tanain missus Rhodanumque Padumque [ ]
752 arderet Nilumque bibens per rura vagantem. [ ]
753 accessit morti Libye, fatique minorem [ ]
754 famam dipsas habet terris adiuta perustis. [ ]
755 scrutatur venas penitus squalentis harenae; [ ]
756 nunc redit ad Syrtes et fluctus accipit ore, [ ]
757 aequoreusque placet, sed non et sufficit, humor; [ ]
758 nec sentit fatique genus mortemque veneni, [1]
759 sed putat esse sitim, ferroque aperire tumentis [ ]
760 sustinuit venas atque os implere cruore. [ ]
761 Iussit signa rapi propere Cato; discere nulli [ ]
762 permissum est hoc posse sitim. sed tristior illo [ ]
763 mors erat ante oculos, miserique in crure Sabelli [ ]
764 seps stetit exiguus, quem flecto dente tenacem [ ]
765 avulsitque manu piloque adfixit harenis. [1]
766 parva modo serpens, sed qua non ulla cruentae [ ]?
767 tantum mortis habet. nam plagae proxima circum [ ]
768 fugit rupta cutis pallentiaque ossa retexit; [ ]
Marcus Annaeus Lucanus: Borgerkrigen, 9. bog (Budé) 8:++
769 iamque sinu laxo nudum sine corpore vulnus. [ ]?
770 membra natant sanie, surae fluxere, sine ullo [ ]
771 tegmine poples erat, femorum quoque musculus omnis [ ]
772 liquitur, et nigra destillant inguina tabe. [ ]
773 dissiluit stringens uterum membrana, fluuntque [ ]
774 viscera; nec, quantus toto de corpore debet, [ ]?
775 effluit in terras, saevum sed membra venenum [ ]
776 decoquit, in minimum mox contrahit omnia virus. [ ]
777 vincula nervorum et laterum textura cavumque [ ]
778 pectus et abstrusum fibris vitalibus: omne [ ]
779 quidquid homo est aperit pestis. natura profana [ ]
780 morte patet: manant humeri fortesque lacerti, [ ]
781 colla caputque fluunt. calido non ocius austro [1]
782 nix resoluta cadit nec solem cera sequetur. [ ]
783 parva loquor, corpus sanie stillasse perustum: [ ]
784 hoc et flamma potest; sed qui rogus abstulit ossa? [ ]
785 haec quoque discedunt, putrisque secuta medullas [ ]
786 nulla manere sinunt rapidi vestigia fati. [ ]
Marcus Annaeus Lucanus: Borgerkrigen, 9. bog (Budé) 12:00
787 Cinyphias inter pestes tibi palma nocendi est: [ ]
788 eripiunt omnes animam, tu sola cadaver. [ ]
789 Ecce subit facies leto diversa fluenti. [ ]?
790 Nasidium Marsi cultorem torridus agri [ ]
791 percussit prester. illi rubor igneus ora [ ]
792 succendit, tenditque cutem pereunte figura [ ]
793 miscens cuncta tumor toto iam corpore maior, [ ]
794 humanum -que egressa modum super omnia membra [ ]
795 efflatur sanies late pollente veneno; [ ]
796 ipse latet penitus congesto corpore mersus, [ ]
797 nec lorica tenet distente corporis auctum. [1]
798 spumeus accenso non sic exundat aeno [ ]
799 undarum cumulus, nec tantos carbasa coro [ ]
800 curvavere sinus. tumidos iam non capit artus [1]
801 informis globus et confuso pondere truncus. [2]
802 intactum volucrum rostris epulasque daturum [ ]
803 haut impune feris non ausi tradere busto [ ]
804 nondum stante modo crescens fugere cadaver. [ ]
Marcus Annaeus Lucanus: Borgerkrigen, 9. bog (Budé) 12:+
805 Sed maiora parant Libycae spectacula pestes. [1]
806 impressit dentes haemorrhois aspera Tullo, [ ]
807 magnanimo iuveni miratorique Catonis. [ ]?
808 utque solet pariter totis se effundere signis [ ]
809 Corycii pressura croci, sic omnia membra [ ]?
810 emisere simul rutilum pro sanguine virus. [1]
811 sanguis erant lacrimae; quaecumque foramina novit [ ]
812 umor, ab his largus manat cruor: ora redundant [ ]
813 et patulae nares, sudor rubet; omnia plenis [ ]
814 membra fluunt venis, totum est pro vulnere corpus. [ ]
815 At tibi, Laeve miser, fixus praecordia pressit [ ]
816 Niliaca serpente cruor, nulloque dolore [ ]
817 testatus morsus subita caligine mortem [1]
818 accipis et socias somno descendis ad umbras. [ ]
819 non tam veloci corrumpunt pocula leto, [ ]
820 stipite quae diro virgas mentita Sabaeas [ ]
821 toxica fatilegi carpunt matura Saitae. [ ]
822 Ecce procul saevus sterilis se robore trunci [ ]
Marcus Annaeus Lucanus: Borgerkrigen, 9. bog (Budé) 12:++
823 torsit et immisit (iaculum vocat Africa) serpens [ ]
824 perque caput Pauli transactaque tempora fugit. [ ]
825 nil ibi virus agit: rapuit cum vulnere fatum. [ ]
826 deprensum est, quae funda rotat, quam lenta volarent [ ]
827 quam segnis Scythicae strideret harundinis aër. [2]
828 Quid prodest miseri basiliscus cuspide Murri [ ]
829 transactus? velox currit per tela venenum [ ]
830 invaditque manum; quam protinus ille retecto [ ]
831 ense ferit totoque semel demittit ab armo, [1]
832 exemplarque sui spectans miserabile leti [ ]
833 stat tutus pereunte manu. quis fata putavit [ ]
834 scorpion aut vires maturae mortis habere? [ ]
835 ille minax nodis et recto verbere saevus [ ]
836 teste tulit caelo victi decus Orionis. [u]
837 quis calcare tuas metuat, salpuga, latebras? [ ]
838 et tibi dant Stygiae ius in sua fila sorores. [ ]
839 Sic nec clara dies nec nox dabat atra quietem [ ]
840 suspecta miseris in qua tellure iacebant. [ ]
Marcus Annaeus Lucanus: Borgerkrigen, 9. bog (Budé) 16:00
841 nam neque congestae struxere cubilia frondes, [ ]
842 nec culmis crevere tori, sed corpora fatis [2]
843 expositi volvuntur humo calidoque vapore [ ]
844 adliciunt gelidas nocturno frigore pestes [ ]
845 innocuosque diu rictus torpente veneno [ ]
846 inter membra fovent. nec, quae mensura viarum [ ]
847 quisve modus, norunt caelo duce; saepe querentes [ ]
848 'reddite, di,' clamant 'miseris, quae fugimus, arma, [2]
849 reddite Thessaliam. patimur cur segnia fata [ ]
850 in gladios iurata manus? pro Caesare pugnant [2]
851 dipsades et peragunt civilia bella cerastae. [ ]
852 ire libet qua zona rubens atque axis inustus [2]
853 solis equis, iuvat aetheriis adscribere causis [ ]
854 quod peream, caeloque mori. nil, Africa, de te [1]?
Marcus Annaeus Lucanus: Borgerkrigen, 9. bog (Budé) 16:+
855 nec de te, natura, queror: tot monstra ferentem [3]
856 gentibus ablatum dederas serpentibus orbem [ ]
857 inpatiensque solum Cereris cultore negato [ ]
858 damnasti atque homines voluisti desse venenis. [ ]
859 in loca serpentum nos venimus: accipe poenas, [ ]
860 tu, quisquis superum commercia nostra perosus [ ]
861 hinc torrente plaga, dubiis hinc Syrtibus orbem [ ]
862 abrumpens medio posuisti limite mortes. [ ]
863 per secreta tui bellum civile recessus [ ]
864 vadit et arcani miles tibi conscius orbis [ ]?
865 claustra ferit mundi. forsan maiora supersunt [ ]
866 ingressis. coeunt ignes stridentibus undis, [ ]
867 et premitur natura poli. sed longius ista [2]
868 nulla iacet tellus, quam fama cognita nobis [ ]?
869 tristia regna Iubae. quaeremus forsitan istas [ ]
870 serpentum terras; habet hoc solacia caelum: [ ]
871 vivit adhuc aliquid. patriae non arva requiro [ ]
Marcus Annaeus Lucanus: Borgerkrigen, 9. bog (Budé) 16:++
872 Europamque alios soles Asiamque videntem: [ ]
873 qua te parte poli, qua te tellure reliqui, [ ]?
874 Africa? Cyrenis etiamnum bruma rigebat: [2]?
875 exiguane via legem convertimus anni? [ ]?
876 imus in adversos axes, evolvimur orbe, [ ]?
877 terga damus ferienda noto. nunc forsitan ipsa est [ ]
878 sub pedibus iam Roma meis. solacia fati [ ]
879 haec petimus: veniant hostes Caesarque sequatur [ ]
880 qua fugimus.' sic dura suos patientia questus [ ]
881 exonerat. cogit tantos tolerare labores [ ]
882 summa ducis virtus, qui nuda fusus harena [ ]?
883 excubat atque omni fortunam provocat hora. [ ]
884 omnibus unus adest fatis; quocumque vocatus, [ ]
885 advolat atque ingens meritum maiusque salute [ ]
886 contulit, in letum vires, puduitque gementem [ ]
887 illo teste mori. quod ius habuisset in ipsum [ ]
888 ulla lues? casus alieno in pectore vincit [ ]?
889 spectatorque docet magnos nil posse dolores. [ ]
Marcus Annaeus Lucanus: Borgerkrigen, 9. bog (Budé) 20:00
890 Vix miseris serum tanto lassata periclo [ ]
891 auxilium Fortuna dedit. gens unica terras [ ]
892 incolit a saevo serpentum innoxia morsu, [ ]
893 Marmaridae Psylli. par lingua potentibus herbis, [ ]
894 ipse cruor tutus nullumque admittere virus [ ]
895 vel cantu cessante potens. natura locorum [ ]
896 iussit ut immunes mixtis serpentibus essent; [ ]
897 profuit in mediis sedem posuisse venenis. [ ]
898 pax illis cum morte data est. fiducia tanta est [ ]
899 sanguinis: in terras parvus cum decidit infans, [ ]
900 ne qua sit externae Veneris mixtura timentes, [ ]
901 letifica dubios explorant aspide partus; [ ]
902 utque Iovis volucer, calido cum protulit ovo [ ]
903 inplumis natos, solis convertit ad ortus: [ ]
904 qui potuere pati radios et lumine recto [ ]
905 sustinuere diem, caeli servantur in usus, [ ]
906 qui Phoebo cessere iacent: sic pignora gentis [ ]
907 Psyllus habet, si quis tactos non horruit angues, [ ]
Marcus Annaeus Lucanus: Borgerkrigen, 9. bog (Budé) 20:+
908 si quis donatis lusit serpentibus infans. [ ]
909 nec solum gens illa sua contenta salute [ ]
910 excubat hospitibus, contraque nocentia monstra [ ]
911 Psyllus adest populis. qui tunc Romana secutus [ ]
912 signa, simul iussit statui tentoria ductor, [ ]
913 primum, quas valli spatium comprendit, harenas [ ]
914 expurgat cantu verbisque fugantibus angues. [ ]
915 ultima castrorum medicatus circumit ignis. [ ]
916 hic ebulum stridet, peregrinaque galbana sudant, [ ]
917 et tamarix non laeta comas eoaque costos [ ]?
918 et panacea potens et Thessala centaurea [ ]
919 peucedanonque sonant flammis Erycinaque thapsos, [ ]
920 et larices fumoque gravem serpentibus urunt [1]
921 habrotonum et longe nascentis cornua cervi. [ ]
922 sic nox tuta viris. at si quis peste diurna [ ]
923 fata trahit, tunc sunt magicae miracula gentis [ ]
924 Psyllorumque ingens et rapti pugna veneni. [ ]
925 nam primum tacta designat membra saliva, [ ]
Marcus Annaeus Lucanus: Borgerkrigen, 9. bog (Budé) 20:++
926 quae cohibet virus retinetque in vulnere pestem; [ ]
927 plurima tunc volvit spumanti carmina lingua [ ]
928 murmure continuo, nec dat suspiria cursus [ ]
929 vulneris, aut minimum patiuntur fata tacere. [ ]
930 saepe quidem pestis nigris inserta medullis [ ]
931 excantata fugit; sed si quod tardius audit [ ]
932 virus et elicitum iussumque exire repugnat, [ ]
933 tunc superincumbens pallentia vulnera lambit [ ]
934 ore venena trahens et siccat dentibus artus [ ]
935 extractamque potens gelido de corpore mortem [1]
936 expuit, et cuius morsus superaverit anguis, [ ]
937 iam promptum Psyllis vel gustu nosse veneni. [ ]
938 Hoc igitur tandem levior Romana iuventus [ ]
939 auxilio late squalentibus errat in arvis. [ ]?
940 bis positis Phoebe flammis, bis luce recepta [ ]
941 vidit arenivagum surgens fugiensque Catonem. [ ]
942 iamque illic magis atque magis durescere pulvis [ ]
943 coepit et in terram Libye spissata redire, [ ]
Marcus Annaeus Lucanus: Borgerkrigen, 9. bog (Budé) 20:+++
944 iamque procul rarae nemorum se tollere frondes, [ ]
945 surgere congesto non culta mapalia culmo. [ ]
946 quanta dedit miseris melioris gaudia terrae, [ ]
947 cum primum saevos contra videre leones! [ ]
948 proxima Leptis erat, cuius statione quieta [ ]
949 exegere hiemem nimbis flammisque carentem. [ ] risultati [ ] della versificazione© >>>
Scarica file Word? (> Courier 10) o file PDF è possibile
Prossimo file n. 275
Marcus Annaeus Lucanus: Borgerkrigen 9,950-1108 [Bellum civile]
Ritorna a INDEX o (Nuova!) HOME PAGE 2O23 LatinaLectio!
Rhythmus perfectus [polisillabi naturâli y normáles], paucis versibus exceptis
Analyse 2
9. bog.
733 nec vobis opus est ad noxia fata veneno. [ ]?
801 informis globus et confuso pondere truncus. [2]
9. bog.
854 quod peream, caeloque mori. nil, Africa, de te [1]?
9. bog.
800 curvavere sinus. tumidos iam non capit artus [1]
9. bog.
719 et gravis in geminum vergens caput amphisbaena [ ]
836 teste tulit caelo victi decus Orionis. [u]
Analyse 3
9. bog.
723 ossaque dissolvens cum corpore tabificus seps, [ ]
Data og analyse 2 og 3 og 4 “Romersk fod på daktylisk vers”
(Piede romano sui dattili). Indhold i overbliksbillede
LatinaLectio 