File n. 90 – 9:44 minuti – Propertius

Cerca Ctrl + F (find). Prossimo file n. 91
Scarico di file Word e Audio separati è possibile (download …)

Lectio n. 90 Sextus Propertius: Elegier 1,18 til 22 [Carmina]
Læst som af Catul: ritmo catulliano (libro 1).
Sextus Propertius: Elegier, 1. bog (Artemis Verlag)
18. digt.                                                                     .
  1             Haec certe   deserta loca et   taciturna querenti,         [ ]
  2              et vacuum zephyri   ¨ possidet aura nemus.                [ ]
  3             hic licet occultos   proferre impune dolores,              [ ]
  4            si modo sola queant   ¨ saxa tenere fidem.                  [ ]
  5             unde tuos   primum repetam,   mea Cynthia, fastus?         [ ]
  6          quod mihi das flendi,   ¨ Cynthia, principium?                [ ]
  7               qui modo felices   inter numerabar amantis,              [2]?
  8              nunc in amore tuo   ¨ cogor habere notam.                 [ ]
  9             quid tantum merui?   quae te mihi carmina mutant?          [ ]
 10             an nova tristitiae   ¨ causa puella tuae?                  [ ]
 11           sic mihi te referas,   levis, ut non altera nostro           [ ]
 12                limine formosos   ¨ intulit ulla pedes.                 [ ]
 13             quamvis multa tibi   dolor hic meus aspera debet,          [ ]
 14            non ita saeva tamen   ¨ venerit ira mea,                    [ ]

Sextus Propertius: Elegier, 1. bog (Artemis Verlag)
18. digt.
 15           ut tibi sim   merito semper   furor et tua flendo            [ ]
 16                lumina deiectis   ¨ turpia sint lacrimis.               [ ]
 17            an quia parva damus   mutato signa colore,                  [ ]?
 18                et non ulla meo   ¨ clamat in ore fides?                [ ]
 19             vos eritis testes,   si quos habet arbor amores,           [1]
 20               fagus et Arcadio   ¨ pinus amica deo:                    [ ]
 21           a quotiens   teneras resonant   mea verba sub umbras,        [ ]
 22           scribitur et vestris   ¨ 'Cynthia' corticibus!               [ ]
 23           a tua quot   peperit nobis   iniuria curas,                  [ ]
 24             quae solum tacitis   ¨ cognita sunt foribus!               [ ]
 25                 omnia consuevi   timidus perferre superbae             [ ]
 26             iussa neque arguto   ¨ facta dolore queri.                 [ ]
 27                 pro quo divini   fontes et frigida rupes               [ ]
 28               et datur inculto   ¨ tramite dura quies;                 [ ]
 29             et quodcumque meae   possunt narrare querelae,             [ ]
 30               cogor ad argutas   ¨ dicere solus avis.                  [ ]
 31           sed qualiscumque es,   resonent mihi 'Cynthia' silvae,       [ ]
 32                nec deserta tuo   ¨ nomine saxa vacent.                 [ ]

Sextus Propertius: Elegier, 1. bog (Artemis Verlag)
19. digt.                                                                     .
  1         Non ego nunc   tristis vereor,   mea Cynthia, Manis,           [ ]
  2              nec moror extremo   ¨ debita fata rogo;                   [ ]?
  3               sed ne forte tuo   careat mihi funus amore,              [ ]
  4            hic timor est ipsis   ¨ durior exsequiis.                   [ ]
  5             non adeo   leviter nostris   puer haesit ocellis,          [ ]
  6                 ut meus oblito   ¨ pulvis amore vacet.                 [ ]
  7               illic Phylacides   iucundae coniugis heros               [ ]
  8              non potuit caecis   ¨ immemor esse locis,                 [ ]
  9             sed cupidus falsis   attingere gaudia palmis               [ ]
 10             Thessalus antiquam   ¨ venerat umbra domum.                [ ]
 11            illic quidquid ero,   semper tua dicar imago:               [ ]
 12                traicit et fati   ¨ litora magnus amor.                 [ ]
 13                 illic formosae   veniant chorus heroinae,              [u]
 14             quas dedit Argivis   ¨ Dardana praeda viris;               [ ]
 15               quarum nulla tua   fuerit mihi, Cynthia, forma           [ ]
 16           gratior, et - Tellus   ¨ hoc ita iusta sinat -               [ ]
 17              quamvis te longae   remorentur fata senectae,             [ ]

Sextus Propertius: Elegier, 1. bog (Artemis Verlag)
19. digt.
 18            cara tamen lacrimis   ¨ ossa futura meis.                   [ ]
 19               quae tu viva mea   possis sentire favilla!               [ ]
 20              tum mihi non ullo   ¨ mors sit amara loco.                [ ]
 21             quam vereor, ne te   contempto, Cynthia, busto             [ ]
 22             abstrahat e nostro   ¨ pulvere iniquus Amor,               [ ]
 23               cogat et invitam   lacrimas siccare cadentis!            [ ]
 24             flectitur assiduis   ¨ certa puella minis.                 [ ]
 25          quare, dum   licet inter nos   laetemur amantes:              [ ]!
 26             non satis est ullo   ¨ tempore longus amor.                [ ]
20. digt.                                                                     .
  1               Hoc pro continuo   te, Galle, monemus amore -            [ ]?
  2               id tibi ne vacuo   ¨ defluat ex animo -                  [ ]
  3               saepe imprudenti   fortuna occurrit amanti:              [ ]
  4                crudelis Minyis   ¨ dixerit Ascanius.                   [ ]
  5           est tibi non   infra speciem,   non nomine dispar,           [ ]
  6                  Theiodamanteo   ¨ proximus ardor Hylae:               [ ]

Sextus Propertius: Elegier, 1. bog (Artemis Verlag)
20. digt.
  7            huic tu, sive leges   umbrosae flumina silvae,              [1]
  8               sive Aniena tuos   ¨ tinxerit unda pedes,                [ ]
  9                  sive Gigantea   spatiabere litoris ora,               [ ]?
 10            sive ubicumque vago   ¨ fluminis hospitio,                  [ ]
 11             Nympharum   semper cupidas   defende rapinas -             [ ]
 12             non minor Ausoniis   ¨ est amor Adryasin -;                [ ]
 13            ne tibi sit   duros montes   et frigida saxa,               [ ]
 14          Galle, neque expertos   ¨ semper adire lacus:                 [ ]
 15             quae miser ignotis   error perpessus in oris               [ ]
 16              Herculis indomito   ¨ fleverat Ascanio.                   [ ]
 17           namque ferunt   olim Pagasae   navalibus Argon               [ ]
 18                 egressam longe   ¨ Phasidos isse viam,                 [ ]
 19             et iam praeteritis   labentem Athamantidos undis           [ ]
 20               Mysorum scopulis   ¨ applicuisse ratem.                  [ ]
 21              hic manus heroum,   placidis ut constitit oris,           [u]
 22               mollia composita   ¨ litora fronde tegit.                [ ]
 23               at comes invicti   iuvenis processerat ultra             [ ]
 24                 raram sepositi   ¨ quaerere fontis aquam.              [ ]

Sextus Propertius: Elegier, 1. bog (Artemis Verlag)
20. digt.
 25               hunc duo sectati   fratres, Aquilonia proles,            [1]?
 26           hunc super et Zetes,   ¨ hunc super et Calais,               [ ]
 27               oscula suspensis   instabant carpere plumis,             [ ]
 28              oscula et alterna   ¨ ferre supina fuga.                  [ ]
 29               ille sub extrema   pendens secluditur ala                [ ]
 30               et volucres ramo   ¨ submovet insidias.                  [ ]
 31                 iam Pandioniae   cessit genus Orithyiae:               [u]
 32           a dolor! ibat Hylas,   ¨ ibat Hamadryasin.                   [ ]
 33              hic erat Arganthi   Pege sub vertice montis               [1]
 34            grata domus Nymphis   ¨ umida Thyniasin,                    [ ]
 35              quam supra nullae   pendebant debita curae                [ ]
 36               roscida desertis   ¨ poma sub arboribus,                 [ ]
 37              et circum irriguo   surgebant lilia prato                 [ ]
 38              candida purpureis   ¨ mixta papaveribus.                  [ ]
 39            quae modo decerpens   tenero pueriliter ungui               [ ]
 40               proposito florem   ¨ praetulit officio,                  [1]
 41               et modo formosis   incumbens nescius undis               [ ]
 42                errorem blandis   ¨ tardat imaginibus.                  [ ]

Sextus Propertius: Elegier, 1. bog (Artemis Verlag)
20. digt.
 43           tandem haurire parat   demissis flumina palmis               [ ]
 44                 innixus dextro   ¨ plena trahens umero.                [ ]
 45              cuius ut accensae   Dryades candore puellae               [ ]
 46                miratae solitos   ¨ destituere choros,                  [ ]
 47            prolapsum   leviter facili   traxere liquore:               [ ]
 48              tum sonitum rapto   ¨ corpore fecit Hylas.                [ ]
 49             cui procul Alcides   iterat responsa, sed illi             [ ]?
 50              nomen ab extremis   ¨ montibus aura refert.               [ ]
 51             his, o Galle, tuos   monitus servabis amores,              [ ]
 52               formosum Nymphis   ¨ credere visus Hylan.                [ ]
21. digt.                                                                     .
  1             'Tu, qui consortem   properas evadere casum,               [1]
  2              miles ab Etruscis   ¨ saucius aggeribus,                  [ ]
  3             quid nostro gemitu   turgentia lumina torques?             [ ]
  4           pars ego sum vestrae   ¨ proxima militiae.                   [ ]
  5                 sic te servato   possint gaudere parentes:             [ ]
  6             me soror Acca tuis   ¨ sentiat e lacrimis                  [ ]
  7              Gallum per medios   ereptum Caesaris ensis                [ ]?

Sextus Propertius: Elegier, 1. bog (Artemis Verlag)
21. digt.
  8               effugere ignotas   ¨ non potuisse manus;                 [ ]
  9            et quaecumque super   dispersa invenerit ossa               [ ]
 10             montibus Etruscis,   ¨ haec sciat esse mea.'               [ ]
22. digt.                                                                     .
  1          Qualis et unde genus,   qui sint mihi, Tulle, Penates,        [ ]
  2             quaeris pro nostra   ¨ semper amicitia.                    [ ]
  3               si Perusina tibi   patriae sunt nota sepulcra,           [ ]
  4                  Italiae duris   ¨ funera temporibus,                  [ ]
  5                cum Romana suos   egit discordia civis -                [ ]?
  6            sed mihi praecipue,   ¨ pulvis Etrusca, dolor:              [ ]
  7                tu proiecta mei   perpessa es membra propinqui,         [ ]
  8                tu nullo miseri   ¨ contegis ossa solo! -               [ ]
  9              proxima supposito   contingens Umbria campo               [ ]
 10               me genuit terris   ¨ fertilis uberibus.                  [ ]
_____________________________________________________________________________..

<<< versi / risultati [ ] della versificazione© >>>

Prossimo file n. 91
Sextus Propertius: Elegier 2,1 til 3 [Carmina]
Ritorna a INDEX !

%d blogger hanno fatto clic su Mi Piace per questo: