File n. 113 – 20:22 minuti – Ovidius

Cerca Ctrl + F (find). Prossimo file n. 114
Scarico di file Word e Audio separati è possibile (download …)

Lectio n. 113 Publius Ovidius Naso: Elskovsdigte 1,7 til 10 [Amores]
Publius Ovidius Naso: Elskovsdigte, 1. bog (Oxford C.T.)                   0:00
7. digt.                                                                      .
  1            Adde manus   in uincla meas   (meruere catenas),            [ ]
  2          dum furor omnis abit,   ¨ si quis amicus ades:                [2]?
  3           nam furor in dominam   temeraria bracchia mouit;             [ ]
  4                flet mea uesana   ¨ laesa puella manu.                  [ ]
  5           tunc ego uel   caros potui   uiolare parentes                [ ]
  6           saeua uel in sanctos   ¨ uerbera ferre deos.                 [ ]
  7          quid? non et   clipei dominus   septemplicis Aiax             [ ]
  8              strauit deprensos   ¨ lata per arua greges,               [ ]
  9              et uindex   in matre patris,   malus ultor, Orestes       [ ]
 10               ausus in arcanas   ¨ poscere tela deas?                  [ ]

Publius Ovidius Naso: Elskovsdigte, 1. bog (Oxford C.T.)
7. digt.
 11              ergo ego digestos   potui laniare capillos?               [ ]
 12              nec dominam motae   ¨ dedecuere comae:                    [ ]
 13              sic formosa fuit;   talem Schoeneida dicam                [ ]
 14                 Maenalias arcu   ¨ sollicitasse feras;                 [ ]
 15                  talis periuri   promissaque uelaque Thesei            [ ]?
 16             fleuit praecipites   ¨ Cressa tulisse Notos;               [ ]
 17             sic, nisi uittatis   quod erat, Cassandra, capillis,       [ ]
 18              procubuit templo,   ¨ casta Minerua, tuo.                 [ ]
 19        quis mihi non 'demens',   quis non mihi 'barbare' dixit?        [ ]
 20         ipsa nihil: pauido est   ¨ lingua retenta metu.                [ ]
 21              sed taciti   fecere tamen   conuicia uultus;              [2]?
 22               egit me lacrimis   ¨ ore silente reum.                   [ ]
 23             ante meos   umeris uellem   cecidisse lacertos;            [ ]
 24                 utiliter potui   ¨ parte carere mei:                   [ ]
 25                 in mea uesanas   habui dispendia uires                 [ ]?
 26                et ualui poenam   ¨ fortis in ipse meam.                [ ]
 27            quid mihi uobiscum,   caedis scelerumque ministrae?         [ ]
 28              debita sacrilegae   ¨ uincla subite manus.                [ ]

Publius Ovidius Naso: Elskovsdigte, 1. bog (Oxford C.T.)
7. digt.
 29               an, si pulsassem   minimum de plebe Quiritem,            [ ]
 30          plecterer, in dominam   ¨ ius mihi maius erit?                [ ]
 31                pessima Tydides   scelerum monimenta reliquit:          [2]
 32               ille deam primus   ¨ perculit; alter ego.                [ ]
 33          et minus ille nocens:   mihi quam profitebar amare            [ ]
 34             laesa est; Tydides   ¨ saeuus in hoste fuit.               [ ]
 35             i nunc, magnificos   uictor molire triumphos,              [ ]
 36              cinge comam lauro   ¨ uotaque redde Ioui,                 [ ]
 37            quaeque tuos currus   comitantum turba sequetur,            [ ]
 38              clamet 'io, forti   ¨ uicta puella uiro est!'             [ ]
 39                ante eat effuso   tristis captiua capillo,              [ ]
 40            si sinerent laesae,   ¨ candida tota, genae.                [ ]
 41               aptius inpressis   fuerat liuere labellis                [ ]
 42               et collum blandi   ¨ dentis habere notam.                [ ]
 43              denique si tumidi   ritu torrentis agebar                 [1]?
 44            caecaque me praedam   ¨ fecerat ira suam,                   [ ]
 45             nonne satis fuerat   timidae inclamasse puellae            [ ]
 46             nec nimium rigidas   ¨ intonuisse minas                    [ ]

Publius Ovidius Naso: Elskovsdigte, 1. bog (Oxford C.T.)                   4:00
7. digt.
 47            aut tunicam a summa   diducere turpiter ora                 [1]?
 48              ad mediam (mediae   ¨ zona tulisset opem)?                [ ]
 49               at nunc sustinui   raptis a fronte capillis              [ ]?
 50               ferreus ingenuas   ¨ ungue notare genas.                 [ ]
 51             astitit illa amens   albo et sine sanguine uultu,          [ ]
 52               caeduntur Pariis   ¨ qualia saxa iugis;                  [ ]
 53                 exanimis artus   et membra trementia uidi,             [ ]
 54                ut cum populeas   ¨ uentilat aura comas,                [ ]
 55              ut leni   Zephyro gracilis   uibratur harundo             [1]?
 56             summaue cum tepido   ¨ stringitur unda Noto;               [ ]
 57               suspensaeque diu   lacrimae fluxere per ora,             [ ]
 58               qualiter abiecta   ¨ de niue manat aqua.                 [ ]
 59           tunc ego me   primum coepi   sentire nocentem;               [2]
 60         sanguis erat lacrimae,   ¨ quas dabat illa, meus.              [ ]
 61           ter tamen ante pedes   uolui procumbere supplex;             [ ]
 62                 ter formidatas   ¨ reppulit illa manus.                [ ]

Publius Ovidius Naso: Elskovsdigte, 1. bog (Oxford C.T.)
7. digt.
 63                at tu ne dubita   (minuet uindicta dolorem)             [1]?
 64             protinus in uoltus   ¨ unguibus ire meos;                  [ ]?
 65             nec nostris oculis   nec nostris parce capillis:           [ ]
 66             quamlibet infirmas   ¨ adiuuat ira manus.                  [ ]
 67              neue mei sceleris   tam tristia signa supersint,          [ ]
 68              pone recompositas   ¨ in statione comas.                  [ ]
8. digt.                                                                      .
  1          Est quaedam   (quicumque uolet   cognoscere lenam,            [ ]
  2           audiat), est quaedam   ¨ nomine Dipsas anus.                 [ ]
  3             ex re nomen habet:   nigri non illa parentem               [1]?
  4             Memnonis in roseis   ¨ sobria uidit equis.                 [ ]
  5               illa magas artes   Aeaeaque carmina nouit,               [ ]
  6           inque caput liquidas   ¨ arte recuruat aquas;                [ ]
  7         scit bene quid gramen,   quid torto concita rhombo             [ ]
  8             licia, quid ualeat   ¨ uirus amantis equae.                [ ]
  9               cum uoluit, toto   glomerantur nubila caelo;             [ ]?
 10               cum uoluit, puro   ¨ fulget in orbe dies.                [ ]
 11        sanguine, si qua fides,   stillantia sidera uidi;               [ ]

Publius Ovidius Naso: Elskovsdigte, 1. bog (Oxford C.T.)
8. digt.
 12                purpureus Lunae   ¨ sanguine uultus erat.               [ ]
 13             hanc ego nocturnas   uersam uolitare per umbras            [ ]
 14              suspicor et pluma   ¨ corpus anile tegi;                  [ ]
 15         suspicor, et fama est;   oculis quoque pupula duplex           [ ]
 16             fulminat et gemino   ¨ lumen ab orbe uenit.                [ ]
 17                euocat antiquis   proauos atauosque sepulcris           [ ]
 18               et solidam longo   ¨ carmine findit humum.               [ ]
 19            haec sibi proposuit   thalamos temerare pudicos;            [ ]
 20              nec tamen eloquio   ¨ lingua nocente caret.               [ ]
 21                fors me sermoni   testem dedit; illa monebat            [ ]?
 22             talia (me duplices   ¨ occuluere fores):                   [ ]
 23      'scis here te,   mea lux, iuueni   placuisse beato?               [ ]
 24             haesit et in uoltu   ¨ constitit usque tuo.                [ ]
 25            et cur non placeas?   nulli tua forma secunda est;          [ ]
 26             me miseram, dignus   ¨ corpore cultus abest.               [ ]
 27                tam felix esses   quam formosissima uellem:             [ ]
 28               non ego te facta   ¨ diuite pauper ero.                  [ ]
 29           stella tibi oppositi   nocuit contraria Martis;              [ ]

Publius Ovidius Naso: Elskovsdigte, 1. bog (Oxford C.T.)
8. digt.
 30              Mars abiit; signo   ¨ nunc Venus apta suo.                [ ]
 31           prosit ut adueniens,   en aspice: diues amator               [ ]
 32              te cupiit: curae,   ¨ quid tibi desit, habet.             [ ]
 33              est etiam facies,   qua se tibi conparet, illi:           [1]
 34               si te non emptam   ¨ uellet, emendus erat.               [ ]
 35            erubuit!   decet alba quidem   pudor ora, sed iste,         [ ]
 36           si simules, prodest;   ¨ uerus obesse solet.                 [ ]
 37              cum bene deiectis   gremium spectabis ocellis,            [ ]
 38         quantum quisque ferat,   ¨ respiciendus erit.                  [ ]
 39              forsitan inmundae   Tatio regnante Sabinae                [ ]
 40              noluerint habiles   ¨ pluribus esse uiris;                [ ]
 41             nunc Mars externis   animos exercet in armis,              [ ]
 42                at Venus Aeneae   ¨ regnat in urbe sui.                 [ ]
 43               ludunt formosae:   casta est quam nemo rogauit;          [ ]
 44             aut, si rusticitas   ¨ non uetat, ipsa rogat.              [ ]
 45     has quoque, quae   frontis rugas   in uertice portant,             [ ]

Publius Ovidius Naso: Elskovsdigte, 1. bog (Oxford C.T.)                   8:00
8. digt.
 46               excute, de rugis   ¨ crimina multa cadent.               [1]
 47             Penelope   iuuenum uires   temptabat in arcu;              [ ]
 48             qui latus argueret   ¨ corneus arcus erat.                 [ ]
 49                labitur occulte   fallitque uolatilis aetas,            [ ]
 50              et celer admissis   ¨ labitur annus equis.                [ ]
 51               aera nitent usu,   uestis bona quaerit haberi,           [ ]?
 52                canescunt turpi   ¨ tecta relicta situ:                 [ ]
 53          forma, nisi admittas,   nullo exercente senescit;             [ ]
 54             nec satis effectus   ¨ unus et alter habent.               [ ]
 55               certior e multis   nec tam inuidiosa rapina est;         [ ]
 56              plena uenit canis   ¨ de grege praeda lupis.              [ ]
 57           ecce, quid iste tuus   praeter noua carmina uates            [ ]
 58                donat? amatoris   ¨ milia multa leges.                  [1]
 59              ipse deus   uatum palla   spectabilis aurea               [ ]
 60              tractat inauratae   ¨ consona fila lyrae.                 [ ]
 61           qui dabit, ille tibi   magno sit maior Homero;               [ ]

Publius Ovidius Naso: Elskovsdigte, 1. bog (Oxford C.T.)
8. digt.
 62            crede mihi, res est   ¨ ingeniosa dare.                     [1]
 63         nec tu, si   quis erit capitis   mercede redemptus,            [1]
 64               despice: gypsati   ¨ crimen inane pedis.                 [ ]
 65               nec te decipiant   ueteres circum atria cerae:           [ ]
 66              tolle tuos tecum,   ¨ pauper amator, auos.                [ ]
 67       quin, quia pulcher erit,   poscet sine munere noctem;            [ ]
 68             quod det, amatorem   ¨ flagitet ante suum.                 [1]
 69                parcius exigito   pretium, dum retia tendis,            [ ]
 70             ne fugiant; captos   ¨ legibus ure tuis.                   [ ]
 71            nec nocuit   simulatus amor:   sine credat amari            [ ]
 72             et caue, ne gratis   ¨ hic tibi constet amor.              [1]
 73             saepe nega noctes:   capitis modo finge dolorem;           [ ]
 74           et modo, quae causas   ¨ praebeat, Isis erit.                [ ]
 75          mox recipe, ut nullum   patiendi colligat usum                [ ]
 76               neue relentescat   ¨ saepe repulsus amor.                [ ]
 77               surda sit oranti   tua ianua, laxa ferenti;              [ ]
 78                 audiat exclusi   ¨ uerba receptus amans;               [ ]
 79           et quasi laesa prior   nonnumquam irascere laeso:            [ ]

Publius Ovidius Naso: Elskovsdigte, 1. bog (Oxford C.T.)
8. digt.
 80                 uanescit culpa   ¨ culpa repensa tua.                  [ ]
 81            sed numquam dederis   spatiosum tempus in iram:             [ ]
 82               saepe simultates   ¨ ira morata facit.                   [ ]
 83           quin etiam   discant oculi   lacrimare coacti,               [ ]
 84                et faciant udas   ¨ ille uel ille genas;                [ ]
 85           nec, si quem falles,   tu periurare timeto:                  [ ]
 86              commodat in lusus   ¨ numina surda Venus.                 [ ]
 87          seruus et ad   partes sollers   ancilla parentur,             [ ]
 88               qui doceant apte   ¨ quid tibi possit emi,               [ ]
 89          et sibi pauca rogent:   multos si pauca rogabunt,             [ ]
 90            postmodo de stipula   ¨ grandis aceruus erit;               [ ]
 91             et soror et mater,   nutrix quoque carpat amantem:         [ ]
 92            fit cito per multas   ¨ praeda petita manus.                [ ]
 93               cum te deficient   poscendi munera causae,               [ ]
 94                   natalem libo   ¨ testificare tuum.                   [ ]
 95                ne securus amet   nullo riuale caueto:                  [1]
 96            non bene, si tollas   ¨ proelia, durat amor.                [ ]
 97             ille uiri   uideat toto   uestigia lecto                   [ ]

Publius Ovidius Naso: Elskovsdigte, 1. bog (Oxford C.T.)                  12:00
8. digt.
 98              factaque lasciuis   ¨ liuida colla notis;                 [ ]
 99               munera praecipue   uideat quae miserit alter:            [ ]
100               si dederit nemo,   ¨ Sacra roganda Via est.              [ ]
101          cum multa abstuleris,   ut non tamen omnia donet,             [ ]
102           quod numquam reddas,   ¨ commodet ipsa roga.                 [ ]
103          lingua iuuet   mentemque tegat:   blandire noceque;           [ ]
104                impia sub dulci   ¨ melle uenena latent.                [ ]
105           haec si praestiteris   usus mihi cognita longo               [ ]?
106             nec tulerint uoces   ¨ uentus et aura meas,                [ ]
107             saepe mihi   dices uiuae   bene, saepe rogabis             [2]
108               ut mea defunctae   ¨ molliter ossa cubent -'             [ ]
109             uox erat in cursu,   cum me mea prodidit umbra;            [ ]
110              at nostrae uix se   ¨ continuere manus                    [ ]
111             quin albam   raramque comam   lacrimosaque uino            [ ]
112                 lumina rugosas   ¨ distraherentque genas.              [1]
113          di tibi dent   nullos lares   inopemque senectam              [1]
114               et longas hiemes   ¨ perpetuamque sitim.                 [ ]

Publius Ovidius Naso: Elskovsdigte, 1. bog (Oxford C.T.)
9. digt.                                                                      .
  1           Militat omnis amans,   et habet sua castra Cupido;           [ ]
  2            Attice, crede mihi,   ¨ militat omnis amans.                [ ]
  3        quae bello est habilis,   Veneri quoque conuenit aetas:         [ ]
  4             turpe senex miles,   ¨ turpe senilis amor.                 [ ]
  5             quos petiere duces   annos in milite forti,                [ ]
  6             hos petit in socio   ¨ bella puella uiro:                  [ ]
  7              peruigilant ambo,   terra requiescit uterque;             [ ]
  8             ille fores dominae   ¨ seruat, at ille ducis.              [ ]
  9               militis officium   longa est uia: mitte puellam,         [ ]
 10               strenuus exempto   ¨ fine sequetur amans;                [ ]
 11               ibit in aduersos   montes duplicataque nimbo             [ ]
 12             flumina, congestas   ¨ exteret ille niues,                 [ ]
 13            nec freta pressurus   tumidos causabitur Euros              [ ]
 14              aptaque uerrendis   ¨ sidera quaeret aquis.               [ ]
 15          quis nisi uel   miles uel amans   et frigora noctis           [ ]
 16                et denso mixtas   ¨ perferet imbre niues?               [ ]
 17              mittitur infestos   alter speculator in hostes,           [ ]

Publius Ovidius Naso: Elskovsdigte, 1. bog (Oxford C.T.)
9. digt.
 18               in riuale oculos   ¨ alter, ut hoste, tenet.             [2]
 19             ille graues urbes,   hic durae limen amicae                [ ]
 20            obsidet; hic portas   ¨ frangit, at ille fores.             [ ]
 21                saepe soporatos   inuadere profuit hostes               [2]?
 22              caedere et armata   ¨ uulgus inerme manu;                 [ ]
 23              sic fera Threicii   ceciderunt agmina Rhesi,              [ ]
 24               et dominum capti   ¨ deseruistis equi:                   [ ]
 25                nempe maritorum   somnis utuntur amantes                [2]?
 26                 et sua sopitis   ¨ hostibus arma mouent.               [ ]
 27              custodum   transire manus   uigilumque cateruas           [ ]
 28              militis et miseri   ¨ semper amantis opus.                [ ]
 29         Mars dubius,   nec certa Venus:   uictique resurgunt,          [ ]
 30           quosque neges umquam   ¨ posse iacere, cadunt.               [ ]
 31                  ergo desidiam   quicumque uocabat amorem,             [ ]
 32           desinat: ingenii est   ¨ experientis Amor.                   [ ]
 33               ardet in abducta   Briseide maestus Achilles             [u]?
 34             (dum licet, Argeas   ¨ frangite, Troes, opes);             [ ]
 35          Hector ab Andromaches   conplexibus ibat ad arma,             [ ]

Publius Ovidius Naso: Elskovsdigte, 1. bog (Oxford C.T.)                  16:00
9. digt.
 36               et galeam capiti   ¨ quae daret, uxor erat;              [ ]
 37           summa ducum, Atrides   uisa Priameide fertur                 [1]
 38               Maenadis effusis   ¨ obstipuisse comis;                  [ ]
 39          Mars quoque deprensus   fabrilia uincula sensit:              [ ]
 40                notior in caelo   ¨ fabula nulla fuit.                  [ ]
 41           ipse ego segnis eram   discinctaque in otia natus;           [ ]
 42              mollierant animos   ¨ lectus et umbra meos;               [ ]
 43                inpulit ignauum   formosae cura puellae,                [ ]
 44           iussit et in castris   ¨ aera merere suis.                   [ ]
 45              inde uides agilem   nocturnaque bella gerentem:           [ ]
 46                qui nolet fieri   ¨ desidiosus, amet.                   [ ]
10. digt.                                                                     .
  1               Qualis ab Eurota   Phrygiis auecta carinis               [ ]?
  2               coniugibus belli   ¨ causa duobus erat,                  [ ]?
  3              qualis erat Lede,   quam plumis abditus albis             [ ]?
  4              callidus in falsa   ¨ lusit adulter aue,                  [ ]

Publius Ovidius Naso: Elskovsdigte, 1. bog (Oxford C.T.)
10. digt.
  5                 qualis Amymone   siccis errauit in Argis,              [2]
  6             cum premeret summi   ¨ uerticis urna comas,                [ ]
  7          talis eras:   aquilamque in te   taurumque timebam            [ ]
  8              et quicquid magno   ¨ de Ioue fecit amor.                 [ ]
  9         nunc timor omnis abest   animique resanuit error,              [ ]
 10              nec facies oculos   ¨ iam capit ista meos.                [ ]
 11                cur sim mutatus   quaeris? quia munera poscis:          [ ]
 12            haec te non patitur   ¨ causa placere mihi.                 [ ]
 13            donec eras simplex,   animum cum corpore amaui;             [ ]
 14              nunc mentis uitio   ¨ laesa figura tua est.               [ ]
 15            et puer est   et nudus Amor,   sine sordibus annos          [ ]
 16              et nullas uestes,   ¨ ut sit apertus, habet.              [ ]
 17          quid puerum   Veneris pretio   prostare iubetis?              [ ]
 18            quo pretium condat,   ¨ non habet ille sinum.               [ ]
 19           nec Venus apta feris   Veneris nec filius armis:             [ ]
 20             non decet inbelles   ¨ aera merere deos.                   [ ]
 21          stat meretrix   certo cuiuis   mercabilis aere                [ ]
 22               et miseras iusso   ¨ corpore quaerit opes;               [ ]

Publius Ovidius Naso: Elskovsdigte, 1. bog (Oxford C.T.)
10. digt.
 23               deuouet imperium   tamen haec lenonis auari              [ ]
 24           et, quod uos facitis   ¨ sponte, coacta facit.               [ ]
 25             sumite in exemplum   pecudes ratione carentes:             [ ]
 26           turpe erit, ingenium   ¨ mitius esse feris.                  [ ]
 27          non equa munus equum,   non taurum uacca poposcit,            [ ]
 28             non aries placitam   ¨ munere captat ouem.                 [ ]
 29             sola uiro   mulier spoliis   exultat ademptis,             [ ]
 30             sola locat noctes,   ¨ sola locanda uenit                  [ ]
 31        et uendit,   quod utrumque iuuat,   quod uterque petebat,       [ ]
 32             et pretium, quanti   ¨ gaudeat ipsa, facit.                [ ]
 33            quae Venus ex aequo   uentura est grata duobus,             [ ]
 34               altera cur illam   ¨ uendit et alter emit?               [ ]
 35            cur mihi sit damno,   tibi sit lucrosa uoluptas,            [ ]
 36                quam socio motu   ¨ femina uirque ferunt?               [ ]
 37              nec bene conducti   uendunt periuria testes               [ ]
 38               nec bene selecti   ¨ iudicis arca patet;                 [ ]
 39             turpe reos   empta miseros   defendere lingua,             [ ]
 40            quod faciat magnas,   ¨ turpe tribunal, opes;               [ ]

Publius Ovidius Naso: Elskovsdigte, 1. bog (Oxford C.T.)
10. digt.
 41            turpe tori   reditu census   augere paternos                [ ]
 42                et faciem lucro   ¨ prostituisse suam.                  [ ]
 43               gratia pro rebus   merito debetur inemptis;              [1]
 44              pro male conducto   ¨ gratia nulla toro:                  [ ]
 45                omnia conductor   soluit mercede soluta;                [ ]
 46              non manet officio   ¨ debitor ille tuo.                   [ ]
 47             parcite, formosae,   pretium pro nocte pacisci:            [ ]
 48              non habet euentus   ¨ sordida praeda bonos.               [ ]
 49              non fuit armillas   tanti pepigisse Sabinas               [ ]
 50            ut premerent sacrae   ¨ uirginis arma caput;                [ ]
 51              e quibus exierat,   traiecit uiscera ferro                [ ]
 52              filius, et poenae   ¨ causa monile fuit.                  [ ]
 53         nec tamen indignum est   a diuite praemia posci:               [1]
 54                munera poscenti   ¨ quod dare possit habet;             [ ]
 55              carpite de plenis   pendentis uitibus uuas,               [2]
 56               praebeat Alcinoi   ¨ poma benignus ager.                 [ ]
 57              officium   pauper numerat   studiumque fidemque;          [ ]
 58       quod quis habet, dominae   ¨ conferat omne suae.                 [ ]

Publius Ovidius Naso: Elskovsdigte, 1. bog (Oxford C.T.)                  20:00
10. digt.
 59          est quoque carminibus   meritas celebrare puellas             [ ]
 60           dos mea: quam uolui,   ¨ nota fit arte mea.                  [ ]
 61             scindentur uestes,   gemmae frangentur et aurum;           [ ]
 62         carmina quam tribuent,   ¨ fama perennis erit.                 [ ]
 63        nec dare, sed   pretium posci   dedignor et odi;                [ ]?
 64            quod nego poscenti,   ¨ desine uelle, dabo.                 [ ]

<<< versi / risultati [ ] della versificazione© >>>

Prossimo file n. 114
Publius Ovidius Naso: Elskovsdigte 1,11 til 15 [Amores]
Ritorna a INDEX !

%d blogger hanno fatto clic su Mi Piace per questo: