File n. 127 – 18:09 minuti – Ovidius

Cerca Ctrl + F (find). Prossimo file n. 128
Scarico di file Word e Audio separati è possibile (download …)

Lectio n.127 Publius Ovidius Naso: Elskovskunsten 2,511-746 [Ars amandi]
Publius Ovidius Naso: Elskovskunsten, 2. bog (Oxford C.T.)                 0:00
511             ad propiora uocor;   quisquis sapienter amabit,            [ ]
512            uincet et e nostra,   ¨ quod petet, arte feret.             [ ]
513             credita non semper   sulci cum fenere reddunt,             [ ]
514              nec semper dubias   ¨ adiuuat aura rates:                 [ ]
515           quod iuuat, exiguum,   plus est, quod laedat amantes:        [ ]
516                proponant animo   ¨ multa ferenda suo.                  [ ]
517          quot lepores in Atho,   quot apes pascuntur in Hybla,         [ ]
518             caerula quot bacas   ¨ Palladis arbor habet,               [ ]
519           litore quot conchae,   tot sunt in amore dolores;            [ ]
520            quae patimur, multo   ¨ spicula felle madent.               [ ]
521         dicta erit isse foras,   quam tu fortasse uidebis:             [ ]
522               isse foras et te   ¨ falsa uidere puta.                  [ ]
523             clausa tibi fuerit   promissa ianua nocte:                 [ ]
524              perfer et inmunda   ¨ ponere corpus humo.                 [ ]

Publius Ovidius Naso: Elskovskunsten, 2. bog (Oxford C.T.)
525              forsitan et uultu   mendax ancilla superbo                [ ]
526            dicet 'quid nostras   ¨ obsidet iste fores?'                [ ]
527              postibus et durae   supplex blandire puellae              [ ]
528              et capiti demptas   ¨ in fore pone rosas.                 [ ]
529            cum uolet, accedes;   cum te uitabit, abibis:               [ ]?
530               dedecet ingenuos   ¨ taedia ferre sui.                   [ ]
531        'effugere hunc non est'   quare tibi possit amica               [1]
532               dicere? non omni   ¨ tempore (?)sensus obest.            [ ]
533             nec maledicta puta   nec uerbera ferre puellae             [ ]
534           turpe nec ad teneros   ¨ oscula ferre pedes.                 [ ]
535          quid moror in paruis?   animus maioribus instat;              [ ]
536               magna cano: toto   ¨ pectore, uulgus, ades.              [1]
537                 ardua molimur,   sed nulla, nisi ardua, uirtus;        [ ]
538              difficilis nostra   ¨ poscitur arte labor.                [ ]
539               riualem   patienter habe:   uictoria tecum               [ ]
540             stabit, eris magni   ¨ uictor in Arce Iouis.               [ ]
541          haec tibi non hominem   sed quercus crede Pelasgas            [ ]
542              dicere; nil istis   ¨ ars mea maius habet.                [ ]

Publius Ovidius Naso: Elskovskunsten, 2. bog (Oxford C.T.)
543            innuet illa: feras;   scribet: ne tange tabellas;           [ ]
544            unde uolet, ueniat,   ¨ quoque libebit, eat.                [ ]
545                hoc in legitima   praestant uxore mariti,               [ ]
546          cum, tener, ad partes   ¨ tu quoque, Somne, uenis.            [ ]
547            hac ego, confiteor,   non sum perfectus in arte;            [ ]
548           quid faciam? monitis   ¨ sum minor ipse meis.                [ ]
549             mene palam nostrae   det quisquam signa puellae            [ ]
550              et patiar nec me,   ¨ quo libet, ira ferat?               [ ]?
551            oscula uir dederat,   memini, suus; oscula questus          [ ]
552             sum data: barbaria   ¨ noster abundat amor.                [ ]
553         non semel hoc   uitium nocuit   mihi; doctior ille,            [ ]
554               quo ueniunt alii   ¨ conciliante uiri.                   [ ]
555            sed melius   nescisse fuit:   sine furta tegantur,          [ ]
556                ne fugiat fasso   ¨ uictus ab ore pudor.                [ ]
557          quo magis, o iuuenes,   deprendere parcite uestras;           [ ]
558             peccent, peccantes   ¨ uerba dedisse putent.               [ ]
559          crescit amor prensis:   ubi par fortuna duorum est,           [ ]
560                 in causa damni   ¨ perstat uterque sui.                [ ]

Publius Ovidius Naso: Elskovskunsten, 2. bog (Oxford C.T.)                 4:00
561                fabula narratur   toto notissima caelo,                 [ ]?
562               Mulceribus capti   ¨ Marsque Venusque dolis.             [ ]
563              Mars pater insano   Veneris turbatus amore                [ ]?
564              de duce terribili   ¨ factus amator erat;                 [ ]
565               nec Venus oranti   (neque enim dea mollior ulla est)     [ ]
566                rustica Gradiuo   ¨ difficilisque fuit.                 [1]
567            a, quotiens   lasciua pedes   risisse mariti                [ ]
568               dicitur et duras   ¨ igne uel arte manus!                [ ]
569          Marte palam simul est   Vulcanum imitata, decebat,            [ ]
570             multaque cum forma   ¨ gratia mixta fuit.                  [ ]
571            sed bene concubitus   primo celare solebant;                [ ]?
572                plena uerecundi   ¨ culpa pudoris erat.                 [ ]
573                  indicio Solis   (quis Solem fallere possit?)          [ ]
574                cognita Vulcano   ¨ coniugis acta suae.                 [ ]
575        (quam mala, Sol,   exempla moues!   pete munus ab ipsa:         [ ]
576            et tibi, si taceas,   ¨ quod dare possit, habet.)           [ ]
577              Mulciber obscuros   lectum circaque superque              [ ]
578              disponit laqueos;   ¨ lumina fallit opus.                 [ ]

Publius Ovidius Naso: Elskovskunsten, 2. bog (Oxford C.T.)
579            fingit iter Lemnon;   ueniunt ad foedus amantes;            [ ]
580              impliciti laqueis   ¨ nudus uterque iacent;               [ ]
581            conuocat ille deos;   praebent spectacula capti;            [ ]
582           uix lacrimas Venerem   ¨ continuisse putant;                 [ ]
583             non uultus   texisse suos,   non denique possunt           [ ]
584              partibus obscenis   ¨ obposuisse manus.                   [ ]
585           hic aliquis   ridens 'in me,   fortissime Mauors,            [ ]
586            si tibi sunt oneri,   ¨ uincula transfer' ait.              [ ]
587          uix precibus,   Neptune, tuis   captiua resoluit              [ ]
588          corpora; Mars Thracen   ¨ occupat, illa Paphon.               [ ]
589             hoc tibi perfecto,   Vulcane, quod ante tegebant,          [ ]
590              liberius faciunt,   ¨ et pudor omnis abest.               [ ]
591           saepe tamen   demens stulte   fecisse fateris,               [ ]?
592             teque ferunt artis   ¨ paenituisse tuae.                   [ ]
593            hoc uetiti   uos este: uetat   deprensa Dione               [ ]?
594                insidias illas,   ¨ quas tulit ipsa, dare.              [ ]
595                 nec uos riuali   laqueos disponite nec uos             [ ]?
596                excipite arcana   ¨ uerba notata manu;                  [ ]

Publius Ovidius Naso: Elskovskunsten, 2. bog (Oxford C.T.)
597             ista uiri captent,   si iam captanda putabunt,             [ ]
598             quos faciet iustos   ¨ ignis et unda uiros.                [ ]
599              en iterum testor:   nihil hic nisi lege remissum          [ ]
600            luditur; in nostris   ¨ instita nulla iocis.                [ ]
601           quis Cereris   ritus ausit   uulgare profanis                [ ]
602              magnaque Threicia   ¨ sacra reperta Samo?                 [ ]
603              exigua est uirtus   praestare silentia rebus;             [ ]
604           at contra grauis est   ¨ culpa tacenda loqui.                [ ]
605           o bene, quod frustra   captatis arbore pomis                 [ ]?
606              garrulus in media   ¨ Tantalus aret aqua!                 [ ]
607            praecipue   Cytherea iubet   sua sacra taceri;              [ ]
608                admoneo, ueniat   ¨ ne quis ad illa loquax.             [ ]
609            condita si non sunt   Veneris mysteria cistis               [ ]
610               nec caua uesanis   ¨ ictibus aera sonant,                [1]
611             at tamen inter nos   medio uersantur in usu,               [ ]!
612             sed sic, inter nos   ¨ ut latuisse uelint.                 [ ]!
613              ipsa Venus pubem,   quotiens uelamina ponit,              [ ]
614               protegitur laeua   ¨ semireducta manu.                   [ ]

Publius Ovidius Naso: Elskovskunsten, 2. bog (Oxford C.T.)                 8:00
615              in medio   passimque coit   pecus: hoc quoque uiso        [ ]
616                 auertit uultus   ¨ nempe puella suos.                  [ ]
617           conueniunt   thalami furtis   et ianua nostris               [ ]
618            parsque sub iniecta   ¨ ueste pudenda latet,                [ ]
619           et, si non tenebras,   at quiddam nubis opacae               [ ]
620        quaerimus atque aliquid   ¨ luce patente minus.                 [ ]
621       tunc quoque, cum   solem nondum   prohibebat et imbrem           [ ]
622             tegula sed quercus   ¨ tecta cibumque dabat,               [ ]
623        in nemore atque antris,   non sub Ioue, iuncta uoluptas:        [ ]
624              tanta rudi populo   ¨ cura pudoris erat.                  [ ]
625              at nunc nocturnis   titulos inponimus actis,              [ ]
626             atque emitur magno   ¨ nil nisi posse loqui.               [ ]
627              scilicet excuties   omnis, ubi quaeque, puellas,          [ ]
628              cuilibet ut dicas   ¨ 'haec quoque nostra fuit'?          [ ]
629           ne desint,   quas tu digitis   ostendere possis,             [ ]
630          ut quamque adtigeris,   ¨ fabula turpis erit?                 [ ]
631        parua queror:   fingunt quidam,   quae uera negarent,           [ ]
632                et nulli non se   ¨ concubuisse ferunt.                 [ ]

Publius Ovidius Naso: Elskovskunsten, 2. bog (Oxford C.T.)
633           corpora si nequeunt,   quae possunt, nomina tangunt,         [ ]
634              famaque non tacto   ¨ corpore crimen habet.               [ ]
635          i nunc, claude fores,   custos odiose puellae,                [ ]
636                et centum duris   ¨ postibus obde seras:                [ ]
637            quid tuti superest,   cum nominis extat adulter             [1]
638             et credi, quod non   ¨ contigit esse, cupit?               [ ]
639              nos etiam   ueros parce   profitemur amores,              [ ]
640           tectaque sunt solida   ¨ mystica furta fide.                 [ ]
641              parcite praecipue   uitia exprobrare puellis,             [ ]
642              utile quae multis   ¨ dissimulasse fuit:                  [ ]
643            nec suus Andromedae   color est obiectus ab illo,           [ ]
644              mobilis in gemino   ¨ cui pede pinna fuit;                [ ]
645             omnibus Andromache   uisa est spatiosior aequo,            [ ]?
646              unus, qui modicam   ¨ diceret, Hector erat.               [ ]
647       quod male fers,   adsuesce: feres   bene: multa uetustas         [ ]
648              leniet; incipiens   ¨ omnia sentit amor.                  [ ]
649            dum nouus in uiridi   coalescit cortice ramus,              [ ]
650              concutiat tenerum   ¨ quaelibet aura, cadet;              [ ]

Publius Ovidius Naso: Elskovskunsten, 2. bog (Oxford C.T.)                12:00
651             mox etiam   uentis spatio   durata resistet                [ ]
652             firmaque adoptiuas   ¨ arbor habebit opes:                 [ ]
653               eximit ipsa dies   omnis e corpore mendas,               [1]?
654           quodque fuit uitium,   ¨ desinit esse mora:                  [ ]
655              ferre nouae nares   taurorum terga recusant;              [ ]
656                adsiduo domitas   ¨ tempore fallit odor.                [ ]
657              nominibus   mollire licet   mala: 'fusca' uocetur,        [ ]
658               nigrior Illyrica   ¨ cui pice sanguis erit;              [ ]
659        si paeta est,   'Veneri similis';   si raua, 'Mineruae';        [ ]
660          sit 'gracilis', macie   ¨ quae male uiua sua est;             [ ]
661       dic 'habilem',   quaecumque breuis,   quae turgida, 'plenam';    [ ]
662               et lateat uitium   ¨ proximitate boni.                   [ ]
663           nec quotus annus eat   nec quo sit nata require              [ ]
664          consule, quae rigidus   ¨ munera censor habet,                [ ]
665             praecipue   si flore caret   meliusque peractum            [2]?
666             tempus et albentes   ¨ iam legit illa comas.               [ ]
667             utilis, o iuuenes,   aut haec aut serior aetas:            [ ]
668            iste feret segetes,   ¨ iste serendus ager.                 [ ]

Publius Ovidius Naso: Elskovskunsten, 2. bog (Oxford C.T.)
669               dum uires   annique sinunt,   tolerate labores:          [ ]?
670              iam ueniet tacito   ¨ curua senecta pede.                 [ ]
671              aut mare remigiis   aut uomere findite terras             [ ]
672            aut fera belligeras   ¨ addite in arma manus                [ ]
673             aut latus et uires   operamque adferte puellis:            [1]
674        hoc quoque militia est,   ¨ hoc quoque quaerit opes.            [ ]
675         adde, quod est   illis operum   prudentia maior,               [ ]
676           solus, et, artifices   ¨ qui facit, usus adest.              [ ]
677                illae munditiis   annorum damna rependunt               [ ]
678               et faciunt cura,   ¨ ne uideantur anus,                  [ ]
679         utque uelis,   Venerem iungunt   per mille figuras:            [ ]
680                 inuenit plures   ¨ nulla tabella modos.                [ ]
681                 illis sentitur   non inritata uoluptas;                [ ]
682           quod iuuat, ex aequo   ¨ femina uirque ferant.               [ ]
683                odi concubitus,   qui non utrumque resoluunt:           [ ]
684             hoc est, cur pueri   ¨ tangar amore minus;                 [ ]
685             odi, quae praebet,   quia sit praebere necesse,            [ ]

Publius Ovidius Naso: Elskovskunsten, 2. bog (Oxford C.T.)
686               siccaque de lana   ¨ cogitat ipsa sua;                   [1]
687            quae datur officio,   non est mihi grata uoluptas:          [ ]?
688                officium faciat   ¨ nulla puella mihi.                  [ ]
689                me uoces   audire iuuat   sua gaudia fassas,            [2]?
690               utque morer meme   ¨ sustineamque, roget;                [ ]
691             aspiciam   dominae uictos   amentis ocellos;               [ ]?
692              langueat et tangi   ¨ se uetet illa diu.                  [ ]
693         haec bona non   primae tribuit   natura iuuentae,              [ ]
694          quae cito post septem   ¨ lustra uenire solent.               [ ]
695      qui properent,   noua musta bibant;   mihi fundat auitum          [ ]
696             consulibus priscis   ¨ condita testa merum.                [ ]
697        nec platanus,   nisi sera, potest   obsistere Phoebo            [ ]
698               et laedunt nudos   ¨ prata nouella pedes;                [ ]
699             scilicet Hermionen   Helenae praeponere posses             [ ]
700                et melior Gorge   ¨ quam sua mater erat!                [ ]
701            at Venerem   quicumque uoles   adtingere seram,             [ ]

Publius Ovidius Naso: Elskovskunsten, 2. bog (Oxford C.T.)
702               si modo duraris,   ¨ praemia digna feres.                [1]
703           conscius, ecce, duos   accepit lectus amantes:               [ ]
704            ad thalami clausas,   ¨ Musa, resiste fores.                [ ]
705             sponte sua sine te   celeberrima uerba loquentur,          [ ]
706             nec manus in lecto   ¨ laeua iacebit iners;                [ ]
707             inueniunt   digiti quod agant   in partibus illis,         [ ]
708              in quibus occulte   ¨ spicula tingit Amor.                [ ]
709            fecit in Andromache   prius hoc fortissimus Hector          [ ]
710               nec solum bellis   ¨ utilis ille fuit;                   [ ]
711              fecit et in capta   Lyrneside magnus Achilles,            [ ]
712            cum premeret mollem   ¨ lassus ab hoste torum.              [ ]
713               illis te manibus   tangi, Brisei, sinebas,               [ ]?
714                imbutae Phrygia   ¨ quae nece semper erant?             [ ]
715            an fuit hoc   ipsum quod te,   lasciua, iuuaret,            [ ]
716               ad tua uictrices   ¨ membra uenire manus?                [ ]
717          crede mihi,   non est Veneris   properanda uoluptas           [2]
718               sed sensim tarda   ¨ prolicienda mora.                   [ ]
719           cum loca reppereris,   quae tangi femina gaudet,             [ ]

Publius Ovidius Naso: Elskovskunsten, 2. bog (Oxford C.T.)                16:00
720             non obstet, tangas   ¨ quominus illa, pudor:               [ ]
721              aspicies   oculos tremulo   fulgore micantes,             [ ]
722               ut sol a liquida   ¨ saepe refulget aqua;                [2]
723              accedent questus,   accedet amabile murmur                [ ]
724              et dulces gemitus   ¨ aptaque uerba ioco.                 [ ]
725         sed neque tu   dominam uelis   maioribus usus                  [ ]
726             defice, nec cursus   ¨ anteeat illa tuos;                  [ ]
727             ad metam   properate simul:   tum plena uoluptas,          [ ]
728              cum pariter uicti   ¨ femina uirque iacent.               [ ]
729             hic tibi seruandus   tenor est, cum libera dantur          [ ]
730                 otia, furtiuum   ¨ nec timor urget opus;               [ ]
731         cum mora non tuta est,   totis incumbere remis                 [ ]
732               utile et admisso   ¨ subdere calcar equo.                [ ]
733             Finis adest operi:   palmam date, grata iuuentus,          [ ]
734              sertaque odoratae   ¨ myrtea ferte comae.                 [1]
735            quantus apud Danaos   Podalirius arte medendi,              [ ]
736               Aeacides dextra,   ¨ pectore Nestor erat,                [ ]
737         quantus erat   Calchas extis,   Telamonius armis,              [ ]

Publius Ovidius Naso: Elskovskunsten, 2. bog (Oxford C.T.)
738               Automedon curru,   ¨ tantus amator ego.                  [ ]
739             me uatem   celebrate, uiri,   mihi dicite laudes;          [ ]
740                  cantetur toto   ¨ nomen in orbe meum.                 [ ]
741               arma dedi uobis;   dederat Vulcanus Achilli:             [2]
742             uincite muneribus,   ¨ uicit ut ille, datis.               [ ]
743             sed, quicumque meo   superarit Amazona ferro,              [ ]
744              inscribat spoliis   ¨ NASO MAGISTER ERAT.                 [ ]
745          Ecce, rogant tenerae,   sibi dem praecepta, puellae:          [ ]
746             uos eritis chartae   ¨ proxima cura meae.                  [ ]
_____________________________________________________________________________..

<<< versi / risultati [ ] della versificazione© >>>

Prossimo file n. 128
Publius Ovidius Naso: Elskovskunsten 3,1-250 [Ars amandi]
Ritorna a INDEX !

%d blogger hanno fatto clic su Mi Piace per questo: