Visitate (FAQ?) HOME PAGE link >INDEX >LECTOR >CORPUS !
⬇ Cerca Ctrl + F (find). Modifica file Audio? è possibile (slow/fast! or minimize/download …⬆️)
= archivio n. 58 - PU4-SILI Prossimo file n. 303
Tib. Catius Silius Italicus: Puniske krig, 10. bog (Corpus P.L.) 0:00
1 Paulus, ut aduersam uidet increbrescere pugnam, [ ]
2 ceu fera, quae telis circumcingentibus ultro [ ]
3 adsilit in ferrum et per uulnera colligit hostem, [ ]
4 in medios fert arma globos seseque periclis [ ]
5 ingerit atque omni letum molitur ab ense. [1]
6 increpat horrendum: 'perstate et fortiter, oro, [ ]
7 pectoribus ferrum accipite ac sine uulnere terga [ ]
8 ad manis deferte, uiri. nisi gloria mortis, [ ]
9 nil superest. idem sedes adeuntibus imas [ ]
10 hic uobis dux Paulus erit.' uelocius inde [ ]
11 Haemonio Borea pennaque citatior ibat [ ]
12 quae redit in pugnas fugientis harundine Parthi, [ ]
13 atque ubi certamen primi ciet immemor aeui [ ]
14 plenus Gradiuo mentem Cato, fertur in hostis [ ]?
15 ac iuuenem, quem Vasco leuis, quem spicula densus [ ]
Tib. Catius Silius Italicus: Puniske krig, 10. bog (Corpus P.L.) 0:+
16 Cantaber urgebat, letabilis eripit armis. [1]
17 abscessere retro pauidique in terga relatos [ ]
18 abduxere gradus; ut, laetus ualle remota [ ]
19 cum capream uenator agit fessamque propinquo [2]
20 insequitur cursu et sperat iam tangere dextra, [ ]
21 si ferus aduerso subitum se protulit antro [ ]
22 et stetit ante oculos frendens leo: deserit una [ ]
23 et color et sanguis et tela minora periclo, [ ]
24 nec iam speratae cura est in pectore praedae. [ ]
25 nunc in restantis mucronem comminus urget, [ ]
26 nunc trepidos ac terga mala formidine uersos [ ]
27 adsequitur telis. furere ac decorare labores [ ]
28 et saeuire iuuat. cadit ingens nominis expers [ ]
29 uni turba uiro, at -que, alter si detur in armis [ ]
30 Paulus Dardaniis, amittant nomina Cannae. [ ]?
31 tandem inclinato cornu sine more ruebat [ ]?
32 prima acies, non parca fugae. Labienus et Ocres [ ]
33 sternuntur leto atque Opiter quos Setia colle [ ]
Tib. Catius Silius Italicus: Puniske krig, 10. bog (Corpus P.L.) 4:00
34 uitifero, celsis Labienum Cingula saxa [ ]
35 miserunt muris. iunxit fera tempora leti [ ]
36 Sidonius non consimili discrimine miles: [ ]
37 nam Labienus obit penetrante per ilia corno, [ ]
38 fratres, hic umero, cecidere, hic poplite, caesis. [1]?
39 oppetis et Tyrio super inguina fixe ueruto [ ]
40 Maecenas, cui Maeonia uenerabile terra [ ]
41 et sceptris olim celebratum nomen Etruscis. [ ]
42 per medios agitur, proiecto lucis amore [ ]
43 Hannibalem lustrans, Paulus, sors una uidetur [ ]
44 aspera, si occumbat ductore superstite Poeno. [ ]
45 quam metuens molem (neque enim certamine sumpto [ ]
46 tempestas tanta et rabies impune fuisset) [ ]
47 in faciem pauidi Iuno conuersa Metelli [1]
48 'quid uanos,' inquit 'Latio spes unica consul, [ ]?
49 incassumque moues fato renuente furores? [ ]
50 si superest Paulus, restant Aeneia regna; [ ]
51 sin secus, Ausoniam tecum trahis. ire tumentem [ ]
Tib. Catius Silius Italicus: Puniske krig, 10. bog (Corpus P.L.) 4:+
52 tu contra iuuenem et caput hoc abscidere rebus [ ]
53 turbatis, o Paule, paras? nunc Hannibal ipsi [2]
54 (tam laetus bello est) ausit certare Tonanti. [ ]
55 et iam conuersis (uidi nam flectere) habenis [ ]
56 euasit Varro ac sese ad meliora reseruat. [ ]
57 sit spatium fatis, et, dum datur, eripe leto [1]
58 hanc nostris maiorem animam: mox bella capesses.' [1]
59 ad quae suspirans ductor: 'mortemne sub armis [ ]
60 cur poscam, causa ista parum est, quod talia nostrae [ ]
61 pertulerunt aures suadentem monstra Metellum? [ ]
62 i, demens, i, carpe fugam. non hostica tela [ ]
63 excipias tergo, superos precor. integer, oro, [ ]
64 intactusque abeas atque intres moenia Romae [ ]
65 cum Varrone simul. talin', pauidissime, dignum [ ]
66 me uita pulchra -que indignum morte putasti? [ ]
67 quippe sinit Poenus, qui nunc contraria bella [ ]
68 ipsi ferre Ioui ualeat. pro degener altae [ ]
69 uirtutis patrum! quando certamen inire, [ ]
Tib. Catius Silius Italicus: Puniske krig, 10. bog (Corpus P.L.) 4:++
70 cuiue uirum mallem memet componere, quam qui [ ]
71 et uictus dabit et uictor per saecula nomen?' [ ]
72 talibus increpitat mediosque aufertur in hostis [ ]
73 ac retro cursum tendentem ad crebra suorum [ ]
74 agmina et in densis furantem membra maniplis [ ]
75 per conferta uirum et stipata umbonibus arma [ ]
76 consequitur melior planta atque obtruncat Acherram, [ ]
77 ut canis occultos agitat cum Belgicus apros [ ]
78 erroresque ferae sollers per deuia mersa [ ]
79 nare legit tacitoque premens uestigia rostro [ ]
80 lustrat inaccessos uenantum indagine saltus [ ]
81 nec sistit, nisi conceptum sectatus odorem [ ]
82 deprendit spissis arcana cubilia dumis. [ ]
83 at coniunx Iouis, ut Paulum depellere dictis [ ]
84 nequiquam fuit et consul non desinit irae, [ ]
85 in faciem Mauri rursus mutata Gelestae [ ]
86 auocat ignarum saeuo a certamine Poenum: [ ]
87 'huc tela, huc' inquit 'dextram implorantibus adfer, [ ]
Tib. Catius Silius Italicus: Puniske krig, 10. bog (Corpus P.L.) 8:00
88 o decus aeternum Carthaginis. horrida iuxta [ ]
89 stagnantis consul molitur proelia ripas, [ ]
90 et laus haud alio maior datur hoste perempto.' [ ]
91 haec ait et iuuenem diuersa ad proelia raptat. [ ]
92 flumineo Libycam turbabat in aggere pubem - [ ]
93 Cristae nomen erat. bis terni iuncta ferebant [ ]
94 arma senem circa nati; pauperque penatum [ ]?
95 (sed domus haud obscura Tuder, notusque per Vmbros [ ]
96 bellator populos) factis et caede docebat [ ]
97 natorum armigeram pugnas tractare cohortem. [ ]
98 unanima inde phalanx, crudo ducente magistro, [ ]?
99 postquam hominum satiata nece est, prostrauerit ictu [ ]
100 innumero cum turre feram facibusque secutis [ ]
101 ardentem monstri spectabat laeta ruinam, [ ]
102 cum subitus galeae fulgor conoque coruscae [ ]
103 maiore intremuere iubae. nec tarda senectus [ ]!
104 (agnouit nam luce uirum): rapit agmine natos [ ]
105 saeua parens ultro in certamina et addere passim [ ]
Tib. Catius Silius Italicus: Puniske krig, 10. bog (Corpus P.L.) 8:+
106 tela iubet nec manantis ex ore feroci [ ]
107 aut quae flagrarent galea exhorrescere flammas. [ ]
108 armiger haud aliter magni Iouis, anxia nido [ ]
109 cum dignos nutrit gestanda ad fulmina fetus, [ ]
110 obuersam spectans ora ad Phaethontia prolem, [ ]
111 explorat dubios Phoebea lampade natos. [ ]?
112 iamque suis daret ut pugnae documenta uocantis [ ]
113 et medias hasta uelox praeteruolat auras. [ ]?
114 haesit multiplici non alte cuspis in auro [ ]?
115 ac senium inualido dependens prodidit ictu. [ ]?
116 cui Poenus: 'quinam ad cassos furor impulit ictus [ ]
117 exanguem senio dextram? uix prima momordit [ ]
118 tegmina Callaici cornus tremebunda metalli. [ ]
119 en, reddo tua tela tibi: memorabilis ista [ ]
120 a nobis melius discet bellare iuuentus.' [ ]
121 sic propria miseri transfigit pectora corno. [ ]
122 at contra, horrendum, bis terna spicula dextra [ ]
123 torta uolant, paribusque ruunt conatibus hastae: [ ]
Tib. Catius Silius Italicus: Puniske krig, 10. bog (Corpus P.L.) 8:++
124 haud secus ac Libyca fetam tellure leaenam [1]
125 uenator premit obsesso cum Maurus in antro, [ ]
126 inuadunt rabidi iam dudum et inania temptant [ ]
127 nondum sat firmo catuli certamina dente. [ ]
128 consumit clipeo tela et collectus in arma [ ]
129 sustinet urgentis crepitantibus ictibus hastas [ ]
130 Sidonius ductor, nec iam per uulnera credit [ ]
131 aut per tot caedes actum satis, iraque anhelat, [ ]
132 ni leto det cuncta uirum iungatque parenti [2]
133 corpora et excidat miseros cum stirpe penatis. [ ]
134 tunc Abarim adfatur (namque una hic armiger ira [ ]?
135 flammabat Martem atque omnis comes ibat in actus): [ ]
136 'suppedita mihi tela. uadis liuentis Auerni [ ]
137 demitti globus ille cupit, qui nostra lacessit [ ]
138 tegmina: iam stultae fructus pietatis habebit,' [ ]
139 haec fatus iaculo Lucam, qui maximus aeui, [1]
140 transadigit: pressa iuuenis cum cuspide labens [ ]
Tib. Catius Silius Italicus: Puniske krig, 10. bog (Corpus P.L.) 12:00
141 arma super fratrum resupino concidit ore. [2]
142 mortiferum inde manu properantem uellere ferrum [ ]
143 pilo Volsonem (namque hoc de strage iacentum [ ]
144 fors dabat) adfixa sternit per tegmina nare. [ ]
145 tum Vesulum calido lapsantem in sanguine fratrum [ ]
146 ense metit rapido plenamque (heu barbara uirtus!) [1]
147 abscisi galeam capitis, ceu missile telum, [ ]
148 conuersis in terga iacit. Telesinus, ad ossa [ ]
149 inliso saxo, qua spina interstruit artus, [ ]
150 occumbit, fratrisque uidet labentia membra [ ]
151 Quercentis, quem funda procul per inane uoluta [ ]
152 sopierat, dum supremam Telesinus in auras [ ]
153 exhalat lucem et dubitantia lumina condit. [ ]
154 at fessus maerore simul cursuque metuque [ ]
155 et tamen haud irae uacuus non certa per aequor [ ]
156 interdum insistens Perusinus membra ferebat. [ ]
157 hunc sude, quam raptam Libyci per terga iacentis [ ]
158 armiger obtulerat monstri, super inguina fixam, [ ]
Tib. Catius Silius Italicus: Puniske krig, 10. bog (Corpus P.L.) 12:+
159 obtruncat quercuque premit uiolentus obusta. [ ]
160 temptarat precibus saeuum lenire furorem, [ ]
161 sed Stygius primos impleuit feruor hiatus, [ ]
162 et pulmone tenus demisit anhelitus ignem. [2]
163 tandem cum toto cecidit grege, nomen in Vmbro [ ]?
164 clarum, Crista, diu populo: ceu fulmine celsa [ ]
165 aesculus aut proauis ab origine cognita quercus [ ]
166 cum fumat percussa Ioui, sacrosque per aeuum [ ]
167 aetherio ramos populantur sulphure flammae, [ ]
168 donec uicta deo late procumbit et omnem [ ]?
169 conlabens operit spatioso stipite prolem. [ ]
170 atque ea dum iuxta Tyrius stagna Aufida ductor [ ]
171 molitur, Paulus, numerosa caede futuram [2]
172 ultus iam mortem, ceu uictor bella gerebat. [ ]
173 inter mille uiros iacet ingens Phorcys ab antris [ ]
174 Herculeae Calpes, caelatus Gorgone parmam, [ ]
175 unde genus tristique deae manabat origo. [ ]
176 hunc obiectantem sese atque antiqua tumentem [ ]
Tib. Catius Silius Italicus: Puniske krig, 10. bog (Corpus P.L.) 16:00
177 nomina saxificae monstrosa e stirpe Medusae, [ ]?
178 dum laeuum petit incumbens uiolentius inguen, [ ]
179 detrahit excelsi correptum uertice coni. [ ]
180 adflictumque premens, tergo qua balteus imo [ ]?
181 sinuatur coxaeque sedet munimen utrique, [ ]
182 coniecto fodit ense super: uomit ille calentem [ ]
183 sanguinis effundens per hiantia uiscera riuum [ ]
184 et subit Aetolos Atlanticus accola campos. [ ]?
185 has inter strages rapido terrore coorti [ ]
186 inuadunt terga at -que auerso turbine miscent [ ]
187 bella inopina uiri, Tyrius quos fallere doctos [ ]
188 hanc ipsam pugnae rector formarat ad artem, [ ]
189 succinctique dolis, fugerent ceu Punica castra, [ ]
190 dediderant dextras. tum totis mentibus actam [ ]
191 in caedes aciem pone atque in terga ruentes [ ]
192 praecipitant. non hasta uiro, non deficit ensis: [ ]
193 e strage est ferrum at -que euulsa cadauera tela. [ ]
194 raptum Galba procul (neque enim uirtutis amorem [ ]
Tib. Catius Silius Italicus: Puniske krig, 10. bog (Corpus P.L.) 16:+
195 aduersa exemisse ualent) ut uidit ab hoste [ ]!
196 auferri signum, conixus corpore toto [ ]
197 uictorem adsequitur letalique occupat ictu. [ ]?
198 ac dum comprensam caeso de corpore praedam [ ]
199 auellit, tardeque manus moribunda remittit, [ ]
200 tranfixus gladio propere accurrentis Amorgi [ ]
201 occidit, immoriens magnis non prosperus ausis. [ ]
202 haec inter, ueluti nondum satiasset Enyo [ ]
203 iras saeua truces, sublatum puluere campum [ ]
204 Vulturnus rotat et candentis torquet harenas. [ ]
205 iamque reluctantis stridens immane procella [ ]
206 per longum tulit ad campi suprema cauisque [ ]
207 adflictos ripis tumidum demersit in amnem. [ ]
208 hic tibi finis erat, metas hic Aufidus aeui [ ]?
209 seruabat tacito, non felix Curio, leto. [ ]
210 namque, furens animi dum consternata moratur [ ]
211 agmina et oppositu membrorum sistere certat, [ ]
212 in praeceps magna propulsus mole ruentum [ ]
Tib. Catius Silius Italicus: Puniske krig, 10. bog (Corpus P.L.) 16:++
213 turbatis hauritur aquis fundoque uolutus [2]
214 Hadriaca iacuit sine nomine mortis harena. [ ]
215 ingens ferre mala et Fortunae subdere colla [ ]
216 nescius, aduersa fronte incurrebat in arma [ ]
217 uincentum consul: pereundi Martius ardor [ ]
218 atque animos iam sola dabat fiducia mortis, [ ]
219 cum Viriathus agens telis, regnator Hiberae [ ]
220 magnanimus terrae, iuxta atque ante ora furentis [ ]
221 obtruncat Pauli fessum certaminis hostem. [ ]
222 heu dolor, heu lacrimae! Seruilius, optima belli, [ ]
223 post Paulum belli pars optima, corruit ictu [ ]
224 barbarico magnamque cadens leto addidit uno [ ]
225 inuidiam Cannis. tristem non pertulit iram [ ]
226 consul et, insani quamquam contraria uenti [ ]
227 exarmat uis at -que obtendit puluere lucem, [ ]
228 squalentem rumpens ingestae toruus harenae [ ]
229 ingreditur nimbum ac Viriathum moris Hiberi [ ]
230 carmina pulsata fundentem barbara caetra [ ]
Tib. Catius Silius Italicus: Puniske krig, 10. bog (Corpus P.L.) 20:00
231 inuadit laeuaque fodit uitalia mammae. [ ]
232 hic fuit extremus caedum labor. addere bello [ ]
233 haud ultra licuit dextram, nec tanta relictum est [ ]
234 uti, Roma, tibi posthac ad proelia Paulo. [1]
235 saxum ingens, uasto libratum pondere, caeca [ ]
236 uenit in ora manu et perfractae cassidis aera [ ]
237 ossibus infodiens compleuit sanguine uultus. [ ]
238 inde pedem referens, labentia membra propinquo [ ]
239 imposuit scopulo at -que, undanti uulnere anhelans, [ ]
240 sedit terribilis clipeum super ore cruento: [ ]
241 immanis ceu, depulsis leuioribus hastis, [ ]
242 accepit leo cum tandem per pectora ferrum, [ ]
243 stat teli patiens media tremebundus harena [ ]
244 ac, manante iubis rictuque et naribus unda [ ]
245 sanguinis, interdum languentia murmura torquens, [ ]
246 effundit patulo spumantem ex ore cruorem. [ ]?
247 tum uero incumbunt Libyes, super ipse citato [ ]
Tib. Catius Silius Italicus: Puniske krig, 10. bog (Corpus P.L.) 20:+
248 ductor equo, qua flatus agit, qua peruius ensis, [2]?
249 qua sonipes, qua belligero fera belua dente. [ ]
250 obrutus hic telis ferri per corpora Piso [ ]
251 rectorem ut uidit Libyae, conixus in hastam [ ]
252 ilia cornipedis subrecta cuspide transit [ ]
253 conlapsoque super nequiquam incumbere coeptat, [ ]
254 cum Poenus, propere collecto corpore, quamquam [ ]
255 cernuus inflexo sonipes effuderat armo: [ ]
256 'Vmbraene Ausoniae rediuiua bella retractant [2]
257 post obitum dextra nec in ipsa morte quiescunt?' [ ]
258 sic ait atque aegrum coeptanti attollere corpus [ ]
259 arduus insurgens totum permiscuit ensem. [ ]
260 ecce, Cydonea uiolatus harundine plantam, [u]?
261 Lentulus effusis campum linquebat habenis, [ ]
262 cum uidet in scopulo rorantem saxa cruore [ ]?
263 toruoque obtutu labentem in Tartara Paulum. [ ]?
264 mens abiit, puduitque fugae. tum uisa cremari [ ]
265 Roma uiro, tunc ad portas iam stare cruentus [ ]
Tib. Catius Silius Italicus: Puniske krig, 10. bog (Corpus P.L.) 20:++
266 Hannibal; Aetoli tum primum ante ora fuere [ ]
267 sorbentes Latium campi. 'quid deinde relictum [ ]
268 crastina cur Tyrios lux non deducat ad urbem, [ ]
269 deseris in tantis puppim si, Paule, procellis? [ ]
270 testor caelicolas,' inquit 'ni damna gubernas [ ]
271 crudelis belli uiuisque in turbine tanto [ ]
272 inuitus, plus, Paule, (dolor uerba aspera dictat) [ ]
273 plus Varrone noces. cape, quaeso, hunc, unica rerum [ ]
274 fessarum spes, cornipedem. languentia membra [ ]
275 ipse leuabo umeris et dorso tuta locabo.' [ ]
276 haec inter, lacero manantem ex ore cruorem [ ]?
277 eiectans, consul: 'macte o uirtute paterna! [ ]
278 nec uero spes angustae, cum talia restent [ ]
279 pectora Romuleo regno. calcaribus aufer, [ ]
280 qua uulnus permittit, ecum at -que hinc ocius urbis [ ]
281 claudantur portae (ruet haec ad moenia pestis) [ ]
Tib. Catius Silius Italicus: Puniske krig, 10. bog (Corpus P.L.) 24:00
282 dic, oro: rerum Fabio tradantur habenae. [ ]?
283 nostris pugnauit monitis furor. amplius acta [ ]
284 quid superest uita, nisi caecae ostendere plebi [ ]?
285 Paulum scire mori? feror an consumptus in urbem [ ]
286 uulneribus? quantine emptum uelit Hannibal, ut nos [ ]
287 uertentis terga aspiciat? nec talia Paulo [ ]
288 pectora, nec manis tam parua intramus imago. [ ]
289 ille ego - sed uano quid enim te demoror aeger, [1]
290 Lentule, conquestu? perge atque hinc cuspide fessum [ ]
291 erige quadrupedem propere.' tum Lentulus urbem [ ]
292 magna ferens mandata petit. nec Paulus inultum [ ]
293 quod superest de luce sinit: ceu uulnere tigris [1]
294 letifero cedens tandem proiectaque corpus [1]
295 luctatur morti et languentem pandit hiatum [ ]
296 in uanos morsus, nec sufficientibus irae [ ]
297 ictibus extrema lambit uenabula lingua. [ ]
298 iamque coruscanti telum propiusque ferenti [ ]?
299 gressum exultantem et securo caedis Iertae [ ]
Tib. Catius Silius Italicus: Puniske krig, 10. bog (Corpus P.L.) 24:+
300 non expectatum surgens defixerat ensem [ ]
301 Sidoniumque ducem circumspectabat, in illa [ ]
302 exoptans animam certantem ponere dextra. [ ]
303 sed uicere uirum coeuntibus undique telis [1]
304 et Nomas et Garamas et Celtae et Maurus et Astur. [ ]
305 hic finis Paulo. iacet altum pectus et ingens [ ]
306 dextera, quem, soli si bella agitanda darentur, [1]?
307 aequares forsan Fabio. mors additur urbi [ ]
308 pulchra decus misit -que uiri inter sidera nomen. [ ]
309 postquam spes Italum mentesque in consule lapsae, [ ]
310 ceu truncus capitis, saeuis exercitus armis [ ]
311 sternitur, et uictrix toto fremit Africa campo. [1]
312 hic Picentum acies, hic Vmber Martius, illic [ ]?
313 Sicana procumbit pubes, hic Hernica turma. [ ]?
314 passim signa iacent, quae Samnis belliger, et quae [ ]
315 Sarrastes populi Marsaeque tulere cohortes. [ ]
316 transfixi clipei galeaeque et inutile ferrum [ ]
317 fractaque conflictu parmarum tegmina et ore [ ]
Tib. Catius Silius Italicus: Puniske krig, 10. bog (Corpus P.L.) 24:++
318 cornipedum derepta fero spumantia frena. [ ]?
319 sanguineus tumidas in campos Aufidus undas [ ]
320 eiectat redditque furens sua corpora ripis. [ ]
321 sic Lagea ratis, uasto uelut insula ponto [u]
322 conspecta, inlisit scopulis ubi nubifer Eurus, [ ]
323 naufragium spargens operit freta: iamque per undas [ ]
324 et transtra et mali laceroque aplustria uelo [1]
325 ac miseri fluitant reuomentes aequora nautae. [ ]
risultati [ ] della versificazione© >>>
Scarica file Word? (> Courier 10) o file PDF è possibile
Prossimo file n. 303
Tib. Catius Silius Italicus: Puniske krig 10,326-658 [Punica]
Ritorna a INDEX o (Nuova!) HOME PAGE 2O23 LatinaLectio!
Rhythmus perfectus [polisillabi naturâli y normáles], paucis versibus exceptis
Analyse 2
10. bog.
83 at coniunx Iouis, ut Paulum depellere dictis [ ]
204 Vulturnus rotat et candentis torquet harenas. [ ]
227 exarmat uis at -que obtendit puluere lucem, [ ]
10. bog.
70 cuiue uirum mallem memet componere, quam qui [ ]
286 uulneribus? quantine emptum uelit Hannibal, ut nos [ ]
314 passim signa iacent, quae Samnis belliger, et quae [ ]
Analyse 4
10. bog.
103 maiore intremuere iubae. nec tarda senectus [ ]!
195 aduersa exemisse ualent) ut uidit ab hoste [ ]!
Data og analyse 2 og 3 og 4 “Romersk fod på daktylisk vers”
(Piede romano sui dattili). Indhold i overbliksbillede
LatinaLectio 