Visitate (FAQ?) HOME PAGE link >INDEX >LECTOR >CORPUS !
⬇ Cerca Ctrl + F (find). Modifica file Audio? è possibile (slow/fast! or minimize/download …⬆️)
= archivio n. 60 - PU6-SILI Prossimo file n. 314
Tib. Catius Silius Italicus: Puniske krig, 13. bog (Corpus P.L.) 0:00
517 tum iuuenis 'quaecumque datur sors durior aeui, [ ]
518 obnitemur,' ait 'culpa modo pectora cessent. [ ]
519 sed, te oro, quando uitae tibi causa labores [ ]?
520 humanos iuuisse fuit, siste, inclita uirgo, [ ]
Tib. Catius Silius Italicus: Puniske krig, 13. bog (Corpus P.L.) 0:+
521 paulisper gressum et nobis manisque silentum [ ]
522 enumera Stygiaeque aperi formidinis aulam.' [ ]
523 adnuit illa quidem, sed 'non optanda recludis [ ]
524 regna:' ait 'hic tenebras habitant uolitantque per umbras [ ]
525 innumeri quondam populi. domus omnibus una. [ ]
526 in medio uastum late se tendit inane: [ ]?
527 huc, quicquid terrae, quicquid freta et igneus aër [ ]
528 nutriuit primo mundi genitalis ab aeuo [ ]?
529 Mors communis agit: descendunt cuncta, capitque [ ]
530 campus iners quantum interiit restatque futurum. [ ]
531 cingunt regna decem portae: quarum una receptat [ ]
532 belligeros dura Gradiui sorte creatos; [ ]?
533 alter, qui leges posuere atque inclita iura [ ]
534 gentibus et primas fundarunt moenibus urbes; [ ]
535 tertia ruricolas, Cereris iustissima turba [ ]
536 quae uenit ad manis et fraudum inlaesa ueneno. [ ]
537 exin, qui laetas artis uitaeque colendae [ ]
538 inuenere uiam nec dedignanda parenti [ ]
Tib. Catius Silius Italicus: Puniske krig, 13. bog (Corpus P.L.) 0:++
539 carmina fuderunt Phoebo, sua limina seruant. [2]
540 proxima, quos uenti saeuaeque hausere procellae, [ ]
541 naufraga porta rapit: sic illam nomine dicunt. [ ]
542 finitima huic noxa grauido et peccasse fatenti [ ]
543 uasta patet populo: poenas Rhadamanthus in ipso [ ]
544 expetit introitu mortemque exercet inanem. [ ]
545 septima femineis reseratur porta cateruis, [ ]
546 umentis ubi casta fouet Proserpina lucos. [ ]
547 infantum hinc gregibus uersasque ad funera taedas [ ]
548 passis uirginibus turbaeque in limine lucis [ ]
549 est iter extinctae et uagitu ianua nota. [ ]?
550 tum seducta loco et laxata lucida nocte [ ]?
551 claustra nitent, quae secreti per limitis umbram [ ]?
552 Elysios ducunt campos: hic turba piorum, [ ]
553 nec Stygio in regno, caeli nec posta sub axe, [ ]
554 uerum ultra Oceanum sacro contermina fonti [ ]
Tib. Catius Silius Italicus: Puniske krig, 13. bog (Corpus P.L.) 4:00
555 Lethaeos potat latices, obliuia mentis. [ ]
556 extrema hinc auro fulgens iam lucis honorem [ ]
557 sentit et admoto splendet ceu sidere lunae. [ ]
558 hac animae caelum repetunt ac mille peractis [ ]
559 oblitae Ditem redeunt in corpora lustris. [ ]
560 has passim nigrum pandens Mors lurida rictum [ ]
561 itque reditque uias et portis omnibus errat. [ ]
562 tum iacet in spatium sine corpore pigra uorago [ ]
563 limosique lacus: large exundantibus urit [1]
564 ripas saeuus aquis Phlegethon et turbine anhelo [ ]
565 flammarum resonans saxosa incendia torquet. [ ]
566 parte alia torrens Cocytos sanguinis atri [ ]
567 uerticibus furit et spumanti gurgite fertur. [ ]
568 at, magnis semper diuis regique deorum [ ]
569 iurari dignata palus, picis horrida riuo, [2]?
570 fumiferum uoluit Styx inter sulphura limum. [ ]
571 tristior his Acheron sanie crassoque ueneno [ ]
572 aestuat et gelidam eructans cum murmure harenam [ ]!
Tib. Catius Silius Italicus: Puniske krig, 13. bog (Corpus P.L.) 4:+
573 descendit nigra lentus per stagna palude. [ ]
574 hanc potat saniem non uno Cerberus ore, [ ]?
575 haec et Tisiphones sunt pocula, et atra Megaera [ ]
576 hanc sitit ac nullo rabies restinguitur haustu. [ ]
577 ultimus erumpit lacrimarum fontibus amnis [ ]
578 ante aulam atque aditus et inexorabile limen. [ ]
579 quanta cohors omni stabulante per atria monstro [ ]
580 excubat et manis permixto murmure terret! [ ]
581 Luctus edax Maciesque, malis comes addita morbis, [ ]
582 et Maeror pastus fletu et sine sanguine Pallor [ ]
583 Curaeque Insidiae -que atque hinc queribunda Senectus, [ ]
584 hinc angens utraque manu sua guttura Liuor [ ]
585 et, deforme malum ac sceleri procliuis, Egestas [1]
586 Errorque infido gressu et Discordia gaudens [ ]
587 permiscere fretum caelo. sedet ostia Ditis [ ]
588 centenis suetus Briareus recludere palmis [ ]
589 et sphinx uirgineos rictus infecta cruore [ ]
590 Scyllaque Centauri -que truces umbraeque Gigantum. [ ]
Tib. Catius Silius Italicus: Puniske krig, 13. bog (Corpus P.L.) 4:++
591 Cerberus hic ruptis peragrat cum Tartara uinclis, [ ]
592 non ipsa Alecto, non feta furore Megaera [ ]
593 audet adire ferum, dum fractis mille catenis [ ]
594 uiperea latrans circumligat ilia cauda. [ ]
595 dextra uasta comas nemorosaque brachia fundit [ ]
596 taxus Cocyti rigua frondosior unda. [ ]?
597 hic dirae uolucres pastusque cadauera uultur [ ]
598 et multus bubo ac sparsis strix sanguine pennis [ ]
599 Harpyiaeque fouent nidos atque omnibus haerent [ ]
600 condensae foliis: saeuit stridoribus arbor. [ ]
601 has inter formas coniunx Iunonis Auernae [ ]
602 suggestu residens cognoscit crimina regum. [ ]
603 stant uincti, seroque piget sub iudice culpae: [1]
604 circum errant Furiae Poenarumque omnis imago. [ ]
605 quam uellent numquam sceptris fulsisse superbis! [ ]
606 insultant duro imperio non digna nec aequa [ ]
607 ad superos passi manes, quaeque ante profari [ ]?
608 non licitum uiuis, tandem permissa queruntur. [ ]
Tib. Catius Silius Italicus: Puniske krig, 13. bog (Corpus P.L.) 8:00
609 tunc alius saeuis religatur rupe catenis, [ ]
610 ast alius subigit saxum contra ardua montis, [ ]
611 uipereo domat hunc aeterna Megaera flagello. [ ]
612 talia letiferis restant patienda tyrannis. [ ]
613 sed te maternos tempus cognoscere uultus, [ ]
614 cuius prima uenit non tardis passibus umbra.' [ ]
615 astabat fecunda Iouis Pomponia furto. [ ]
616 namque ubi cognouit Latio surgentia bella [ ]
617 Poenorum Venus, insidias anteire laborans [ ]
618 Iunonis fusa sensim per pectora patrem [ ]
619 implicuit flamma. quae ni prouisa fuissent, [ ]?
620 Sidonia Iliacas nunc uirgo accenderet aras. [ ]
621 ergo ubi gustatus cruor admonuitque Sibylla [ ]
622 et dedit alternos ambobus noscere uultus, [ ]
623 sic iuuenis prior: 'o magni mihi numinis instar, [ ]
624 cara parens, quam, te ut nobis uidisse liceret, [ ]
625 optassem Stygias uel leto intrare tenebras! [ ]
626 quae sors nostra fuit, cui te, cum prima subiret, [ ]
Tib. Catius Silius Italicus: Puniske krig, 13. bog (Corpus P.L.) 8:+
627 eripuit sine honore dies et funere carpsit?' [ ]
628 excipit his mater: 'nullos, o nate, labores [ ]?
629 mors habuit nostra: aetherio dum pondere partum [ ]
630 exsoluor, miti dextra Cyllenia proles [ ]
631 imperio Iouis Elysias deduxit in oras [ ]
632 attribuitque paris sedes, ubi magna moratur [1]
633 Alcidae genetrix, ubi sacro munere Leda. [ ]
634 uerum age, nate, tuos ortus, ne bella pauescas [ ]
635 ulla nec in caelum dubites te attollere factis, [ ]
636 quando aperire datur nobis, nunc denique disce. [ ]
637 sola die caperem medio cum forte petitos [ ]
638 ad requiem somnos, subitus mihi membra ligauit [ ]
639 amplexus, non ille meo ueniente marito [ ]
640 adsuetus facilisque mihi. tum luce corusca [ ]
641 implebat quamquam languentia lumina somnus, [ ]
642 uidi, crede, Iouem. nec me mutata fefellit [1]?
643 forma dei, quod squalentem conuersus in anguem [ ]
644 ingenti traxit curuata uolumina gyro. [ ]
Tib. Catius Silius Italicus: Puniske krig, 13. bog (Corpus P.L.) 12:00
645 sed mihi post partum non ultra ducere uitam [ ]
646 concessum. heu quantum gemui, quod spiritus ante [ ]
647 haec tibi quam noscenda darem discessit in auras!' [ ]
648 his alacer colla amplexu materna petebat, [ ]?
649 umbraque ter frustra per inane petita fefellit. [ ]
650 succedunt simulacra uirum concordia, patris [ ]
651 unanimique simul patrui. ruit ipse per umbram [ ]
652 oscula uana petens iuuenis fumoque uolucri [ ]
653 et nebulis similes animas adprendere certat. [ ]
654 'quis te, care pater, quo stabant Itala regna [1]
655 exosus Latium deus abstulit? hei mihi! nam cur [ ]
656 ulla fuere adeo quibus a te saeuus abessem [2]?
657 momenta? opposito mutassem pectore mortem. [ ]?
658 quantos funeribus uestris gens Itala passim [ ]
659 dat gemitus! tumulus uobis censente senatu [ ]
660 Mauortis geminus surgit per gramina campo.' [ ]
661 nec passi plura, in medio sermone loquentis [ ]
662 sic adeo incipiunt. prior haec genitoris imago: [ ]
Tib. Catius Silius Italicus: Puniske krig, 13. bog (Corpus P.L.) 12:+
663 'ipsa quidem uirtus sibimet pulcherrima merces; [ ]
664 dulce tamen uenit ad manis, cum gratia uitae [ ]
665 durat apud superos nec edunt obliuia laudem. [ ]
666 uerum age, fare, decus nostrum, te quanta fatiget [ ]
667 militia. heu, quotiens intrat mea pectora terror. [ ]
668 cum repeto, quam saeuus eas, ubi magna pericla [ ]
669 contingunt tibi. per nostri, fortissime, leti [ ]
670 obtestor causas, Martis moderare furori. [ ]
671 sat tibi sint documenta domus. octaua terebat [ ]
672 arentem culmis messem crepitantibus aestas, [ ]
673 ex quo cuncta mihi calcata meoque subibat [ ]
674 germano deuicta iugum Tartessia tellus. [2]
675 nos miserae muros et tecta renata Sagunto, [2]
676 nos dedimus Baetem nullo potare sub hoste, [ ]?
677 nobis indomitus conuertit terque quaterque [ ]
678 germanus terga Hannibalis. pro barbara numquam [ ]
679 impolluta fides! peterem cum uictor adesum [ ]
Tib. Catius Silius Italicus: Puniske krig, 13. bog (Corpus P.L.) 12:++
680 cladibus Hasdrubalem, subito uenale, cohortes [1]
681 Hispanae, uulgus, Libyci quas fecerat auri [ ]
682 Hasdrubal, abrupto liquerunt agmine signa. [ ]?
683 tunc hostis socio desertos milite multum [ ]?
684 ditior ipse uiris spisso circumdedit orbe. [ ]
685 non segnis nobis nec inultis, nate, peracta est [ ]
686 illa suprema dies, et laude inclusimus aeuum.' [ ]
687 excipit inde suos frater coniungere casus: [ ]
688 'excelsae turris post ultima rebus in artis [ ]
689 subsidium optaram supremaque bella ciebam. [ ]
690 fumantis taedas ac lata incendia passim [ ]
691 et mille iniecere faces. nil nomine leti [u]!
692 de superis queror: haud paruo data membra sepulcro [ ]
693 nostra cremauerunt in morte haerentibus armis. [2]
694 sed me luctus habet, geminae ne clade ruinae [ ]
695 cesserit adfusis oppressa Hispania Poenis.' [ ]
696 contra quae iuuenis turbato fletibus ore: [ ]?
697 'di, quaeso, ut merita est, dignas pro talibus ausis [ ]
Tib. Catius Silius Italicus: Puniske krig, 13. bog (Corpus P.L.) 16:00
698 Carthago expendat poenas. sed continet acris [ ]
699 Pyrenes populos qui uestro Marte probatus [ ]
700 excepit fessos et notis Marcius armis [ ]
701 successit bello. fusos quoque fama ferebat [ ]
702 uictores acie at -que exacta piacula caedis.' [1]
703 his laeti rediere duces loca amoena piorum, [ ]
704 prosequiturque oculis puer adueneratus euntis. [ ]
705 iamque aderat multa uix adgnoscendus in umbra [ ]
706 Paulus et epoto fundebat sanguine uerba: [2]
707 'lux Italum, cuius spectaui Martia facta [ ]?
708 multum uno maiora uiro, descendere nocti [3]
709 atque habitanta semel subigit quis uisere regna?' [ ]
710 cui contra talis effundit Scipio uoces: [ ]
711 'armipotens ductor, quam sunt tua fata per urbem [ ]
712 lamentata diu! quam paene ruentia tecum [ ]
713 traxisti ad Stygias Oenotria tecta tenebras. [ ]
714 tum tibi defuncto tumulum Sidonius hostis [ ]
715 constituit laudemque tuo quaesiuit honore.' [ ]
Tib. Catius Silius Italicus: Puniske krig, 13. bog (Corpus P.L.) 16:+
716 dumque audit lacrimans hostilia funera Paulus, [ ]
717 ante oculos iam Flaminius, iam Gracchus et aegro [ ]
718 absumptus Cannis stabat Seruilius ore. [ ]
719 appellare uiros erat ardor et addere uerba, [ ]
720 sed raptabat amor priscos cognoscere manis. [ ]
721 nunc meritum saeua Brutum immortale securi [ ]?
722 nomen, nunc superos aequantem laude Camillum, [ ]
723 nunc auro Curium non umquam cernit amicum. [ ]
724 ora Sibylla docet uenientum et nomina pandit. [ ]
725 hic fraudes pacis Pyrrhumque a limine portae [ ]
726 reiecit uisus orbus, tulit ille ruentem [ ]?
727 Thybridis in ripas regem solusque reuulso [ ]
728 pone ferox ponte exclusit redeuntia regna. [ ]
729 'si tibi dulce uirum, primo qui foedera bello [ ]?
730 Phoenicum pepigit, uidisse: hic inclitus ille [ ]
731 aequoreis uictor cum classe Lutatius armis. [ ]
732 si studium et saeuam cognoscere Hamilcaris umbram, [ ]
733 ille est (cerne procul) cui frons nec morte remissa [ ]
Tib. Catius Silius Italicus: Puniske krig, 13. bog (Corpus P.L.) 16:++
734 irarum seruat rabiem. si iungere cordi est [ ]
735 conloquium, sine gustato det sanguine uocem.' [ ]
736 atque ubi permissum et sitiens se impleuit imago, [ ]
737 sic prior increpitat non mitis Scipio uultu: [ ]
738 'taliane, o fraudum genitor, sunt foedera uobis, [ ]
739 aut haec Sicania pepigisti captus in ora? [ ]
740 bella tuus toto natus contra omnia pacta [ ]?
741 exercet Latio et perruptis molibus Alpis [ ]
742 eluctatus adest: feruet gens Itala Marte [ ]
743 barbarico, et refluunt obstructi stragibus amnes.' [ ]
744 post quae Poenus ait: 'decimum modo coeperat annum [ ]
745 excessisse puer, nostro cum bella Latinis [ ]
746 concepit iussu, licitum nec fallere diuos [ ]
747 iuratos patri. quod si Laurentia uastat [ ]
748 nunc igni regna et Phrygias res uertere temptat, [ ]
749 o pietas, o sancta fides, o uera propago! [ ]?
750 atque utinam amissum reparet decus!' inde citato [ ]
751 celsus abit gressu, maiorque recessit imago. [ ]?
Tib. Catius Silius Italicus: Puniske krig, 13. bog (Corpus P.L.) 20:00
752 exin designat uates, qui iura sub armis [ ]
753 poscenti dederint populo primique petitas [1]
754 miscuerint Italis Piraeo litore leges. [ ]
755 laetatur spectat -que uirum insatiabilis ora [ ]
756 Scipio et appellet cunctos, ni magna sacerdos [ ]
757 admoneat turbae innumerae: 'quot milia toto [ ]
758 credis in orbe, puer, lustras dum singula uisu, [ ]
759 descendisse Erebo? nullo non tempore abundans [ ]
760 umbrarum huc agitur torrens, uectatque capaci [1]
761 agmina mole Charon, et sufficit improba puppis.' [ ]
762 post haec ostendens iuuenem sic uirgo profatur: [ ]
763 'hic ille est, tellure uagus qui uictor in omni [ ]
764 cursu signa tulit, cui peruia Bactra Dahaeque, [ ]
765 qui Gangen bibit et Pellaeo ponte Niphaten [ ]
766 astrinxit, cui stant sacro sua moenia Nilo.' [ ]
767 incipit Aeneades: 'Libyci certissima proles [ ]
768 Hammonis, quando exuperat tua gloria cunctos [ ]
769 indubitata duces similique cupidine rerum [ ]
Tib. Catius Silius Italicus: Puniske krig, 13. bog (Corpus P.L.) 20:+
770 pectora nostra calent, quae te uia, fare, superbum [ ]
771 ad decus et summas laudum perduxerit arces.' [ ]
772 ille sub haec: 'turpis lenti sollertia Martis. [ ]
773 audendo bella expedias. pigra extulit artis [ ]
774 haud umquam sese uirtus. tu magna gerendi [ ]
775 praecipita tempus: mors atra impendet agenti.' [ ]
776 haec effatus abit. Croesi mox aduolat umbra, [ ]
777 diues apud superos, sed mors aequarat egenis. [ ]
778 atque hic Elysio tendentem limite cernens [ ]
779 effigiem iuuenis, caste cui uitta ligabat [ ]
780 purpurea effusos per colla nitentia crines, [ ]
781 'dic,' ait 'hic quinam, uirgo? nam luce refulget [ ]
782 praecipua frons sacra uiro, multaeque secuntur [ ]
783 mirantes animae et laeto clamore frequentant. [ ]?
784 qui uultus! quam, si Stygia non esset in umbra, [ ]
785 dixissem facile esse deum!' 'non falleris:' inquit [ ]
786 docta comes Triuiae 'meruit deus esse uideri, [ ]
787 et fuit in tanto non paruum pectore numen. [ ]
Tib. Catius Silius Italicus: Puniske krig, 13. bog (Corpus P.L.) 20:++
788 carmine complexus terram, mare, sidera, manis [ ]
789 et cantu Musas et Phoebum aequauit honore. [ ]
790 atque haec cuncta prius quam cerneret ordine terris [ ]
791 prodidit ac uestram tulit usque ad sidera Troiam.' [ ]
792 Scipio perlustrans oculis laetantibus umbram, [ ]
793 'si nunc fata darent, ut Romula facta per orbem [ ]
794 hic caneret uates, quanto maiora futuros [ ]?
795 facta eadem intrarent hoc' inquit 'teste nepotes! [ ]
796 felix Aeacide, cui tali contigit ore [ ]?
797 gentibus ostendi, creuit tua carmine uirtus.' [1]
798 sed, quae tanta adeo grassantum turba, requirens, [ ]
799 heroum effigies maiorisque accipit umbras. [ ]
800 inuicto stupet Aeacide, stupet Hectore magno [ ]
801 Aiacisque gradum uenerandaque Nestoris ora [ ]
802 miratur, geminos aspectat laetus Atridas [ ]
803 iamque Ithacum corde aequantem Peleia facta. [ ]
Tib. Catius Silius Italicus: Puniske krig, 13. bog (Corpus P.L.) 24:00
804 uicturam hinc cernit Ledaei Castoris umbram: [ ]
805 alternam lucem peragebat in aethere Pollux. [ ]
806 sed subito uultus monstrata Lauinia traxit. [ ]
807 nam uirgo admonuit tempus cognoscere manis [ ]
808 femineos, ne cunctantem lux alma uocaret. [ ]
809 'felix haec' inquit 'Veneris nurus ordine longo [ ]
810 Troiugenas iunxit sociata prole Latinis. [ ]
811 uis et Martigenae thalamos spectare Quirini? [ ]
812 Hersiliam cerne: hirsutos cum sperneret olim [ ]
813 gens uicina procos, pastori rapta marito [1]?
814 intrauitque casae culmique e stramine fultum [ ]?
815 pressit laeta torum et soceros reuocauit ab armis. [ ]
816 aspice Carmentis gressus. Euandria mater [ ]?
817 haec fuit et uestros tetigit praesaga labores. [ ]
818 uis et, quos Tanaquil uultus gerat? haec quoque castae [ ]
819 augurio ualuit mentis uenturaque dixit [ ]
820 regna uiro et dextros agnouit in alite diuos. [ ]
821 ecce pudicitiae Latium decus, inclita leti [ ]
Tib. Catius Silius Italicus: Puniske krig, 13. bog (Corpus P.L.) 24:+
822 fert frontem atque oculos terrae Lucretia fixos. [ ]
823 non datur, heu tibi, Roma (nec est, quod malle deceret), [ ]
824 hanc laudem retinere diu. Verginia iuxta, [ ]
825 cerne, cruentato uulnus sub pectore seruat, [ ]
826 tristia defensi ferro monumenta pudoris, [ ]
827 et patriam laudat miserando in uulnere dextram. [ ]
828 illa est, quae Thybrim, quae fregit Lydia bella, [ ]
829 nondum passa marem, qualis optabit habere [ ]
830 quondam Roma uiros, contemptrix Cloelia sexus.' [ ]
831 cum subito aspectu turbatus Scipio poscit, [ ]
832 quae poenae causa, et qui sint in crimine manes, [ ]
833 tum uirgo: 'patrios fregit quae curribus artus [ ]
834 et stetit adductis super ora trementia frenis, [ ]
835 Tullia non ullos satis exhaustura labores [ ]
836 ardenti Phlegethonte natat. fornacibus atris [ ]
837 fons rapidus furit atque ustas sub gurgite cautes [ ]
838 egerit et scopulis pulsat flagrantibus ora. [ ]
839 illa autem, quae tondetur praecordia rostro [ ]
Tib. Catius Silius Italicus: Puniske krig, 13. bog (Corpus P.L.) 24:++
840 alitis (en quantum resonat plangentibus alis [ ]
841 armiger ad pastus rediens Iouis!) hostibus arcem [ ]
842 uirgo, immane nefas, adamato prodidit auro [2]?
843 Tarpeia et pactis reserauit claustra Sabinis. [ ]
844 iuxta (nonne uides? neque enim leuiora domantur [ ]
845 delicta) inlatrat ieiunis faucibus Orthrus, [ ]
846 armenti quondam custos immanis Hiberi, [ ]
847 et morsu petit et polluto euiscerat ungue. [2]
848 nec par poena tamen sceleri: sacraria Vestae [ ]
849 polluit exuta sibi uirginitate sacerdos. [ ]?
850 sed satis haec uidisse, satis.' mox deinde: 'uidenti [ ]
851 nunc animas tibi, quae potant obliuia, paucas [ ]
852 in fine enumerasse paro et remeare tenebris. [1]!
853 hic Marius: nec multa dies iam restat ituro [ ]
854 aetheriam in lucem. ueniet tibi origine parua [ ]
855 in longum imperium consul. nec Sulla morari [ ]
856 iussa potest aut amne diu potare soporo: [ ]?
Tib. Catius Silius Italicus: Puniske krig, 13. bog (Corpus P.L.) 28:00
857 lux uocat et nulli diuum mutabile fatum. [1]
858 imperium hic primus rapiet, sed gloria culpae, [ ]
859 quod reddet solus, nec tanto in nomine quisquam [ ]
860 existet, Sullae qui se uelit esse secundum. [1]
861 ille, hirta cui subrigitur coma fronte, decorum [ ]
862 et gratum terris Magnus caput: ille deum gens, [ ]
863 stelligerum attollens apicem, Troianus Iulo [ ]
864 Caesar auo. quantas moles, cum sede reclusa [ ]
865 hinc tandem erumpent, terraque marique mouebunt! [ ]
866 heu miseri, quotiens toto pugnabitis orbe, [ ]
867 nec leuiora lues quam uictus crimina, uictor.' [ ]
868 tum iuuenis lacrimans: 'restare haec ordine duro [ ]
869 lamentor rebus Latiis. sed luce remota [ ]
870 si nulla est uenia et merito mors ipsa laborat, [ ]
871 perfidiae Poenus quibus aut Phlegethontis in undis [ ]
872 exuret ductor scelus, aut quae digna renatos [ ]
873 ales in aeternum laniabit morsibus artus?' [ ]
874 'ne metue:' exclamat uates 'non uita sequetur [ ]
Tib. Catius Silius Italicus: Puniske krig, 13. bog (Corpus P.L.) 28:+
875 inuiolata uirum: patria non ossa quiescent. [ ]
876 namque ubi fractus opum magnae certamine pugnae [ ]
877 pertulerit uinci turpemque orare salutem, [ ]
878 rursus bella uolet Macetum instaurare sub armis. [ ]
879 damnatusque doli desertis coniuge fida [ ]?
880 et dulci nato linquet Carthaginis arces [ ]
881 atque una profugus lustrabit caerula puppe. [1]
882 hinc Cilicis Tauri saxosa cacumina uiset. [ ]
883 pro! quanto leuius mortalibus aegra subire [ ]
884 seruitia atque hiemes aestusque fugamque fretumque [ ]
885 atque famem, quam posse mori! post Itala bella [ ]
886 Assyrio famulus regi falsusque cupiti [ ]
887 Ausoniae motus dubio petet aequora uelo, [ ]
888 donec Prusiacas delatus segniter oras [ ]
889 altera seruitia imbelli patietur in aeuo [ ]!
890 et latebram munus regni. perstantibus inde [ ]
891 Aeneadis reddique sibi poscentibus hostem, [ ]
892 pocula furtiuo rapiet properata ueneno [ ]?
Tib. Catius Silius Italicus: Puniske krig, 13. bog (Corpus P.L.) 28:++
893 ac tandem terras longa formidine soluet.' [ ]
894 haec uates, Erebique cauis se reddidit umbris. [1]?
895 tum laetus socios iuuenis portumque reuisit. [ ]
______________________________________________________________________________..
risultati [ ] della versificazione© >>>
Scarica file Word? (> Courier 10) o file PDF è possibile
Prossimo file n. 314
Tib. Catius Silius Italicus: Puniske krig 14,1-352 [Punica]
Ritorna a INDEX o (Nuova!) HOME PAGE 2O23 LatinaLectio!
Rhythmus perfectus [polisillabi naturâli y normáles], paucis versibus exceptis
Analyse 2
13. bog.
567 uerticibus furit et spumanti gurgite fertur. [ ]
765 qui Gangen bibit et Pellaeo ponte Niphaten [ ]
847 et morsu petit et polluto euiscerat ungue. [2]
13. bog.
655 exosus Latium deus abstulit? hei mihi! nam cur [ ]
13. bog.
655 exosus Latium deus abstulit? hei mihi! nam cur [ ]
818 uis et, quos Tanaquil uultus gerat? haec quoque castae [ ]
Analyse 3
13. bog.
572 aestuat et gelidam eructans cum murmure harenam [ ]!
13. bog.
862 et gratum terris Magnus caput: ille deum gens, [ ]
Analyse 4
13. bog.
691 et mille iniecere faces. nil nomine leti [u]!
852 in fine enumerasse paro-et remeare tenebris. *[1]!
889 altera seruitia imbelli patietur in aeuo [ ]!
Data og analyse 2 og 3 og 4 “Romersk fod på daktylisk vers”
(Piede romano sui dattili). Indhold i overbliksbillede
LatinaLectio 