= Versi recitati (+ soundtrack): INDEX file n. 209-216!
Visitate (FAQ?) HOME PAGE link >INDEX >LECTOR >CORPUS !
Ovidius: Forvandlinger [Metamorphoses]
= file n. 209 continuato - 16:39 minuti ⬇ Cerca Ctrl + F (find) Prossimo n.44
Publius Ovidius Naso: Forvandlinger, 7. bog (Rizzoli) # ME4-OVID.
532 luna, quater plenum tenuata retexuit orbem, [ ]
533 letiferis calidi spirarunt aestibus Austri. [ ]?
534 constat et in fontes vitium venisse lacusque, [ ]
535 miliaque incultos serpentum multa per agros [ ]
536 errasse atque suis fluvios temerasse venenis. [ ]
537 strage canum primo volucrumque oviumque boumque [1]
538 inque feris subiti deprensa potentia morbi. [ ]?
539 concidere infelix validos miratur arator [ ]
540 inter opus tauros medioque recumbere sulco; [ ]
541 lanigeris gregibus balatus dantibus aegros [ ]
542 sponte sua lanaeque cadunt et corpora tabent; [ ]
543 acer equus quondam magnaeque in pulvere famae [ ]
544 degenerat palmas veterumque oblitus honorum [ ]
545 ad praesepe gemit leto moriturus inerti; [1]
546 non aper irasci meminit, non fidere cursu [ ]
547 cerva nec armentis incurrere fortibus ursi. [ ]
548 omnia languor habet. silvisque agrisque viisque [ ]
Publius Ovidius Naso: Forvandlinger, 7. bog (Rizzoli)
549 corpora foeda iacent, vitiantur odoribus aurae. [ ]
550 mira loquar: non illa canes avidaeque volucres, [ ]
551 non cani tetigere lupi; dilapsa liquescunt [2]?
552 adflatuque nocent et agunt contagia late. [1]
553 pervenit ad miseros damno graviore colonos [ ]
554 pestis et in magnae dominatur moenibus urbis. [ ]
555 viscera torrentur primo flammaeque latentis [ ]
556 indicium rubor est et ductus anhelitus aegre; [ ]
557 aspera lingua tumet tepidisque arentia ventis [ ]
558 ora patent auraeque graves captantur hiatu; [ ]
559 non stratum, non ulla pati velamina possunt, [ ]?
560 nuda sed in terra ponunt praecordia, nec fit [ ]?
561 corpus humo gelidum, sed humus de corpore fervet. [ ]
562 nec moderator adest inque ipsos saeva medentes [ ]
563 erumpit clades obsuntque auctoribus artes; [ ]
564 quo propior quisque est servitque fidelius aegro, [ ]
Publius Ovidius Naso: Forvandlinger, 7. bog (Rizzoli)
565 in partem leti citius venit. utque salutis [ ]
566 spes abiit finemque vident in funere morbi, [ ]
567 indulgent animis et nulla quid utile cura est. [ ]
568 (utile enim nihil est.) passim positoque pudore [ ]
569 fontibus et fluviis puteisque capacibus haerent. [ ]
570 nec sitis est extincta prius quam vita bibendo [ ]
571 inde graves multi nequeunt consurgere et ipsis [ ]
572 immoriuntur aquis; aliquis tamen haurit et illas. [ ]
573 tantaque sunt miseris invisi taedia lecti, [ ]?
574 prosiliunt aut, si prohibent consistere vires, [ ]
575 corpora devolvunt in humum fugiuntque Penates [ ]
576 quisque suos, sua cuique domus funesta videtur. [ ]
577 et, quia causa latet, locus est in crimine parvus. [ ]
578 semianimes errare viis, dum stare valebant, [ ]
579 aspiceres, flentes alios terraque iacentes [ ]
580 lassaque versantes supremo lumina motu. [ ]?
581 membraque pendentis tendunt ad sidera caeli, [ ]
582 hic illic, ubi mors deprenderat, exhalantes. [ ]
Publius Ovidius Naso: Forvandlinger, 7. bog (Rizzoli)
583 quid mihi tunc animi fuit aut quid debuit esse, [ ]
584 ne vitam odissem et cuperem pars esse meorum? [ ]?
585 quo se cumque acies oculorum flexerat, illic [ ]
586 vulgus erat stratum, veluti cum putria motis [ ]
587 poma cadunt ramis agitataque ilice glandes. [2]?
588 templa vides contra gradibus sublimia longis [ ]
589 (Iuppiter illa tenet); quis non altaribus illis [ ]
590 inrita tura dedit? quotiens pro coniuge coniunx, [ ]
591 pro nato genitor, dum verba precantia dicit, [1]
592 non exoratis animam finivit in aris, [ ]?
593 inque manu turis pars inconsumpta reperta est! [2]
594 admoti quotiens templis, dum vota sacerdos [ ]
595 concipit et fundit purum inter cornua vinum, [ ]
596 haud exspectato ceciderunt vulnere tauri! [ ]?
Publius Ovidius Naso: Forvandlinger, 7. bog (Rizzoli)
597 ipse ego sacra Iovi pro me patriaque tribusque [ ]?
598 cum facerem natis, mugitus victima diros [ ]
599 edidit et subito conlapsa sine ictibus ullis [ ]
600 exiguo tinxit subiectos sanguine cultros. [ ]
601 exta quoque aegra notas veri monitusque deorum [1]
602 perdiderant; tristes penetrant ad viscera morbi. [ ]
603 ante sacros vidi proiecta cadavera postes, [1]?
604 ante ipsas, quo mors foret invidiosior, aras. [ ]
605 pars animam laqueo claudunt mortisque timorem [ ]
606 morte fugant ultroque vocant venientia fata. [ ]
607 corpora missa neci nullis de more feruntur [ ]
608 funeribus (neque enim capiebant funera portae); [ ]
609 aut inhumata premunt terras aut dantur in altos [ ]
610 indotata rogos. et iam reverentia nulla est [1]
611 deque rogis pugnant alienisque ignibus ardent; [ ]
612 qui lacriment desunt indefletaeque vagantur [ ]?
613 natorumque virum -que animae iuvenumque senumque; [ ]
614 nec locus in tumulos, nec sufficit arbor in ignes. [ ]
Publius Ovidius Naso: Forvandlinger, 7. bog (Rizzoli)
615 attonitus tanto miserarum turbine rerum [ ]
616 'Iuppiter o' dixi 'si te non falsa loquuntur [1]
617 dicta sub amplexus Aeginae Asopidos isse [ ]?
618 nec te, magne pater, nostri pudet esse parentem, [ ]
619 aut mihi redde meos, aut me quoque conde sepulcro.' [ ]
620 ille notam fulgore dedit tonitruque secundo. [ ]
621 'accipio sintque ista, precor, felicia mentis [ ]
622 signa tuae,' dixi; 'quod das mihi pignerar omen.' [ ]
623 forte fuit iuxta patulis rarissima ramis [ ]
624 sacra Iovi quercus de semine Dodonaeo; [u]
625 hic nos frugilegas aspeximus agmine longo [ ]
626 grande onus exiguo formicas ore gerentes [ ]?
627 rugosoque suum servantes cortice callem. [ ]
628 dum numerum miror, 'totidem, pater optime' dixi, [ ]
Publius Ovidius Naso: Forvandlinger, 7. bog (Rizzoli)
629 'tu mihi da cives et inania moenia supple.' [2]
630 intremuit ramisque sonum sine flamine motis [ ]
631 alta dedit quercus. pavido mihi membra timore [ ]
632 horruerant stabantque comae; tamen oscula terrae [ ]
633 roboribusque dedi nec me sperare fatebar, [ ]?
634 sperabam tamen atque animo mea vota fovebam. [ ]
635 nox subit et curis exercita corpora somnus [ ]?
636 occupat; ante oculos eadem mihi quercus adesse [ ]
637 et ramos totidem totidemque animalia ramis [ ]
638 ferre suis visa est pariterque tremescere motu [ ]
639 graniferumque agmen subiectis spargere in arvis, [ ]
640 crescere quod subito maius maiusque videtur [ ]?
641 ac se tollere humo rectoque adsistere trunco [ ]
642 at maciem numerumque pedum nigrumque colorem [ ]
643 ponere et humanam membris inducere formam. [2]
644 somnus abit; damno vigilans mea visa querorque [ ]
645 in superis opus esse nihil; at in aedibus ingens [ ]
646 murmur erat voces -que hominum exaudire videbar [ ]
Publius Ovidius Naso: Forvandlinger, 7. bog (Rizzoli)
647 iam mihi desuetas. dum suspicor has quoque somni [ ]
648 esse, venit Telamon properus foribusque reclusis [ ]
649 'speque fideque, pater,' dixit 'maiora videbis; [ ]
650 egredere!' egredior, qualesque in imagine somni [ ]
651 visus eram vidisse viros, ex ordine tales [ ]
652 aspicio noscoque; adeunt regemque salutant. [ ]
653 vota Iovi solvo populisque recentibus urbem [ ]
654 partior et vacuos priscis cultoribus agros, [ ]
655 Myrmidonasque voco nec origine nomina fraudo. [ ]
656 corpora vidisti; mores, quos ante gerebant, [1]
657 nunc quoque habent: parcum genus est patiensque laborum [ ]
658 quaesitique tenax et quod quaesita reservet. [1]
659 hi te ad bella pares annis animisque sequentur, [ ]
660 cum primum, qui te feliciter attulit, Eurus' [1]?
661 (Eurus enim attulerat) 'fuerit mutatus in Austros.' [ ]
= file n. 210 - 16:20 minuti
662 talibus atque aliis longum sermonibus illi [ ]
Publius Ovidius Naso: Forvandlinger, 7. bog (Rizzoli)
663 implevere diem; lucis pars ultima mensae [ ]
664 est data, nox somnis. iubar aureus extulerat sol; [ ]
665 flabat adhuc Eurus redituraque vela tenebat. [ ]
666 ad Cephalum Pallante sati, cui grandior aetas, [ ]
667 ad regem Cephalus simul et Pallante creati [ ]
668 conveniunt, sed adhuc regem sopor altus habebat. [ ]
669 excipit Aeacides illos in limine Phocus; [ ]
670 nam Telamon fraterque viros ad bella legebant. [ ]
671 Phocus in interius spatium pulchrosque recessus [ ]
672 Cecropidas ducit, cum quis simul ipse resedit. [ ]
673 aspicit Aeoliden ignota ex arbore factum [ ]
674 ferre manu iaculum, cuius fuit aurea cuspis; [ ]
675 pauca prius mediis sermonibus ante locutus [ ]
676 'sum nemorum studiosus' ait 'caedisque ferinae; [ ]
677 qua tamen e silva teneas hastile recisum [ ]
678 iamdudum dubito. certe, si fraxinus esset, [ ]?
679 fulva colore foret; si cornus, nodus inesset. [ ]
680 unde sit ignoro, sed non formosius isto [ ]
Publius Ovidius Naso: Forvandlinger, 7. bog (Rizzoli)
681 viderunt oculi telum iaculabile nostri.' [1]
682 excipit Actaeis e fratribus alter et 'usum [1]?
683 maiorem specie mirabere' dixit 'in isto. [1]?
684 consequitur quodcumque petit fortunaque missum [ ]
685 non regit et revolat nullo referente cruentum.' [ ]
686 tum vero iuvenis Nereius omnia quaerit, [1]
687 cur sit et unde datum, quis tanti muneris auctor. [ ]
688 quae petit, ille refert, sed enim narrare pudori [ ]
689 qua tulerit mercede, rubet, tractusque dolore [ ]
690 coniugis amissae lacrimis ita fatur obortis: [ ]
691 'hoc me, nate dea, (quis possit credere?) telum [ ]
692 flere facit facietque diu, si vivere nobis [ ]
693 fata diu dederint; hoc me cum coniuge cara [ ]
694 perdidit; hoc utinam caruissem munere semper! [ ]
695 Procris erat, si forte magis pervenit ad aures [ ]
696 Orithyia tuas, raptae soror Orithyiae; [u]
697 si faciem moresque velis conferre duarum [ ]
698 dignior ipsa rapi. pater hanc mihi iunxit Erectheus, [ ]
Publius Ovidius Naso: Forvandlinger, 7. bog (Rizzoli)
699 hanc mihi iunxit Amor; felix dicebar eramque. [ ]
700 (non ita dis visum est, aut nunc quoque forsitan essem.) [ ]
701 alter agebatur post sacra iugalia mensis [2]
702 cum me cornigeris tendentem retia cervis [ ]
703 vertice de summo semper florentis Hymetti [ ]
704 lutea mane videt pulsis Aurora tenebris [ ]
705 invitumque rapit. liceat mihi vera referre [ ]
706 pace deae: quod sit roseo spectabilis ore, [ ]
707 quod teneat lucis, teneat confinia noctis, [ ]
708 nectareis quod alatur aquis, ego Procrin amabam. [ ]
709 pectore Procris erat, Procris mihi semper in ore. [ ]
710 sacra tori coitusque novos thalamosque recentes [ ]
711 primaque deserti referebam foedera lecti; [ ]
712 mota dea est et 'siste tuas, ingrate, querellas; [ ]
713 Procrin habe!' dixit 'quod si mea provida mens est, [ ]
714 non habuisse voles' meque illi irata remisit. [ ]
Publius Ovidius Naso: Forvandlinger, 7. bog (Rizzoli)
715 dum redeo mecumque deae memorata retracto, [ ]
716 esse metus coepit ne iura iugalia coniunx [2]
717 non bene servasset. facies aetasque iubebat [ ]
718 credere adulterium, prohibebant credere mores; [ ]
719 sed tamen afueram, sed et haec erat, unde redibam, [ ]
720 criminis exemplum, sed cuncta timemus amantes. [ ]
721 quaerere quod doleam statuo donisque pudicam [ ]
722 sollicitare fidem; favet huic Aurora timori [ ]
723 immutatque meam (videor sensisse) figuram. [ ]
724 Palladias ineo non cognoscendus Athenas [ ]
725 ingrediorque domum; culpa domus ipsa carebat [ ]
726 castaque signa dabat dominoque erat anxia rapto. [ ]
727 vix aditus per mille dolos ad Erecthida factus: [ ]
728 ut vidi, obstipui meditataque paene reliqui [ ]
729 temptamenta fide; male me quin vera faterer [ ]
730 continui, male quin, ut oportuit, oscula ferrem. [ ]
731 tristis erat (sed nulla tamen formosior illa [ ]
Publius Ovidius Naso: Forvandlinger, 7. bog (Rizzoli)
732 esse potest tristi) desiderioque dolebat [ ]?
733 coniugis abrepti. tu collige qualis in illa, [ ]?
734 Phoce, decor fuerit, quam sic dolor ipse decebat! [ ]
735 quid referam quotiens temptamina nostra pudici [ ]
736 reppulerint mores, quotiens 'ego' dixerit 'uni [ ]
737 servor; ubicumque est, uni mea gaudia servo?' [ ]
738 cui non ista fide satis experientia sano [ ]
739 magna foret? non sum contentus et in mea pugno [ ]
740 vulnera, dum census dare me pro nocte paciscor [2]
741 muneraque augendo tandem dubitare coegi. [ ]
742 exclamo male victor: 'ego en, ego fictus adulter [ ]?
743 verus eram coniunx; me perfida teste teneris.' [ ]
744 illa nihil; tacito tantummodo victa pudore [ ]
745 insidiosa malo cum coniuge limina fugit [ ]
746 offensaque mei genus omne perosa virorum [ ]
747 montibus errabat, studiis operata Dianae. [ ]
748 tum mihi deserto violentior ignis ad ossa [ ]
Publius Ovidius Naso: Forvandlinger, 7. bog (Rizzoli)
749 pervenit; orabam veniam et peccasse fatebar [2]
750 et potuisse datis simili succumbere culpae [ ]
751 me quoque muneribus, si munera tanta darentur. [1]
752 haec mihi confesso, laesum prius ulta pudorem, [ ]
753 redditur et dulces concorditer exigit annos. [ ]
754 dat mihi praeterea, tamquam se parva dedisset [ ]
755 dona, canem munus, quem cum sua traderet illi [ ]
756 Cynthia, 'currendo superabit' dixerat 'omnes.' [ ]
757 dat simul et iaculum manibus quod (cernis) habemus. [ ]
758 muneris alterius quae sit fortuna requiris? [ ]
759 accipe; mirandi novitate movebere facti. [ ]
760 carmina Laiades non intellecta priorum [ ]
761 solverat ingeniis, et praecipitata iacebat [ ]
762 immemor ambagum vates obscura suarum. [ ]
763 scilicet alma Themis nec talia linquit inulta. [ ]
764 protinus Aoniis immittitur altera Thebis [ ]
765 pestis et exitio multi pecorumque suoque [ ]
Publius Ovidius Naso: Forvandlinger, 7. bog (Rizzoli)
766 rurigenae pavere feram. vicina iuventus [2]
767 venimus et latos indagine cinximus agros; [ ]?
768 illa levi velox superabat retia saltu [2]
769 summaque transibat positarum lina plagarum. [ ]
770 copula detrahitur canibus, quos illa sequentes [ ]
771 effugit et coetum non segnior alite ludit. [ ]
772 poscor et ipse meum consensu Laelapa magno [ ]
773 (muneris hoc nomen); iamdudum vincula pugnat [ ]
774 exuere ipse sibi colloque morantia tendit. [ ]
775 vix bene missus erat nec iam poteramus ubi esset [ ]
776 scire; pedum calidus vestigia pulvis habebat, [ ]
777 ipse oculis ereptus erat. non ocior illo [ ]?
778 hasta nec excussae contorto verbere glandes [ ]
779 nec Gortyniaco calamus levis exit ab arcu. [ ]
780 collis apex medii subiectis imminet arvis: [ ]
781 tollor eo capioque novi spectacula cursus, [ ]
782 quo modo deprendi, modo se subducere ab ipso [ ]
783 vulnere visa fera est; nec limite callida recto [ ]
Publius Ovidius Naso: Forvandlinger, 7. bog (Rizzoli)
784 in spatiumque fugit, sed decipit ora sequentis [ ]
785 et redit in gyrum, ne sit suus impetus hosti; [ ]
786 immminet hic sequitur -que parem similisque tenenti [ ]
787 non tenet et vanos exercet in aera morsus. [1]
788 ad iaculi vertebar opem; quod dextera librat [ ]
789 dum mea, dum digitos amentis addere tempto, [ ]?
790 lumina deflexi. revocataque rursus eodem [ ]
791 rettuleram: medio (mirum) duo marmora campo [ ]
792 aspicio; fugere hoc, illud captare putares. [ ]
793 scilicet invictos ambo certamine cursus [ ]
794 esse deus voluit, si quis deus adfuit illis.' [ ]
795 hactenus, et tacuit. 'iaculo quod crimen in ipso est?' [ ]
796 Phocus ait; iaculi sic crimina reddidit ille: [ ]
797 'gaudia principium nostri sunt, Phoce, doloris; [ ]
798 illa prius referam. iuvat o meminisse beati [ ]
799 temporis, Aeacide, quo primos rite per annos [ ]?
800 coniuge eram felix, felix erat illa marito! [ ]
801 mutua cura duos et amor socialis habebat, [ ]
Publius Ovidius Naso: Forvandlinger, 7. bog (Rizzoli)
802 nec Iovis illa meo thalamos praeferret amori, [ ]
803 nec me quae caperet, non si Venus ipsa veniret, [ ]
804 ulla erat; aequales urebant pectora flammae. [ ]?
805 sole fere radiis feriente cacumina primis [ ]
806 venatum in silvas iuvenaliter ire solebam [ ]
807 nec mecum famuli nec equi nec naribus acres [ ]
808 ire canes nec lina sequi nodosa solebant; [ ]?
809 tutus eram iaculo. sed cum satiata ferinae [ ]
810 dextera caedis erat, repetebam frigus et umbras [ ]
811 et quae de gelidis exibat vallibus auram. [ ]
812 aura petebatur medio mihi lenis in aestu, [2]
813 auram exspectabam, requies erat illa labori. [ ]
814 'aura' (recordor enim), 'venias' cantare solebam, [ ]
815 'meque iuves intresque sinus, gratissima, nostros, [ ]
816 utque facis, relevare velis quibus urimur aestus.' [ ]
817 forsitan addiderim (sic me mea fata trahebant) [ ]
Publius Ovidius Naso: Forvandlinger, 7. bog (Rizzoli)
818 blanditias plures et 'tu mihi magna voluptas' [1]
819 dicere sim solitus, 'tu me reficisque fovesque, [1]
820 tu facis ut silvas, ut amem loca sola, meoque [ ]
821 spiritus iste tuus semper captatur ab ore.' [ ]
822 vocibus ambiguis deceptam praebuit aurem [ ]
823 nescioquis nomenque aurae tam saepe vocatum [ ]
824 esse putat nymphae, nympham me credit amare, [ ]
825 criminis extemplo ficti temerarius index [ ]
826 Procrin adit linguaque refert audita susurra. [ ]
827 credula res amor est; subito conlapsa dolore [ ]
828 (ut mihi narratur) cecidit longoque refecta [ ]
829 tempore se miseram, se fati dixit iniqui [ ]?
830 deque fide questa est et crimine concita vano [ ]
831 quod nihil est metuit, metuit sine corpore nomen. [ ]
832 et dolet infelix veluti de paelice vera [1]
833 saepe tamen dubitat speratque miserrima falli [ ]
834 indicioque fidem negat et, nisi viderit ipsa, [ ]
Publius Ovidius Naso: Forvandlinger, 7. bog (Rizzoli)
835 damnatura sui non est delicta mariti. [ ]?
836 postera depulerant Aurorae lumina noctem. [ ]
837 egredior silvasque peto victorque per herbas [ ]
838 'aura, veni' dixi 'nostroque medere labori!' [ ]
839 et subito gemitus inter mea verba videbar [ ]
840 nescioquos audisse; 'veni' tamen, 'optima' dixi. [ ]
841 fronde levem rursus strepitum faciente caduca [ ]
842 sum ratus esse feram telumque volatile misi; [ ]
843 Procris erat medioque tenens in pectore vulnus [ ]
844 'ei mihi!' conclamat; vox est ubi cognita fidae [ ]
845 coniugis, ad vocem praeceps amensque cucurri; [ ]
846 semianimem et sparsas foedantem sanguine vestes [ ]
847 et sua (me miserum!) de vulnere dona trahentem [ ]
848 invenio, corpusque meo mihi carius ulnis [ ]
849 mollibus attollo scissaque a pectore veste [ ]?
850 vulnera saeva ligo conorque inhibere cruorem, [ ]?
851 neu me morte sua sceleratum deserat oro. [ ]
852 viribus illa carens et iam moribunda coegit [ ]
Publius Ovidius Naso: Forvandlinger, 7. bog (Rizzoli)
853 haec se pauca loqui: 'per nostri foedera lecti [ ]
854 perque deos supplex oro superosque meosque, [1]
855 per si quid merui de te bene perque manentem [1]
856 nunc quoque cum pereo, causam mihi mortis, amorem: [ ]
857 ne thalamis Auram patiare innubere nostris.' [ ]
858 dixit, et errorem tum denique nominis esse [ ]
859 et sensi et docui. sed quid docuisse iuvabat? [ ]
860 labitur, et parvae fugiunt cum sanguine vires. [ ]
861 dumque aliquid spectare potest, me spectat et in me [ ]
862 infelicem animam nostroque exhalat in ore; [1]
863 sed vultu meliore mori secura videtur.' [ ]?
864 flentibus haec lacrimans heros memorabat; et ecce [ ]
865 Aeacus ingreditur duplici cum prole novoque [ ]
866 milite, quem Cephalus consortibus accipit armis. [ ]
_____________________________________________________________________________..
= file n. 211 - 20:28 minuti
Publius Ovidius Naso: Forvandlinger, 8. bog (Rizzoli) .
1 Iam nitidum retegente diem noctisque fugante [ ]
2 tempora Lucifero cadit Eurus et umida surgunt [ ]
3 nubila; dant placidi cursum redeuntibus Austri [ ]
4 Aeacidis Cephaloque, quibus feliciter acti [ ]
5 ante exspectatum portus tenuere petitos. [ ]
6 interea Minos Lelegeia litora vastat [2]
7 praetemptatque sui vires Mavortis in urbe [ ]
8 Alcathoi, quam Nisus habet, cui splendidus ostro [ ]
9 inter honoratos medioque in vertice canos [2]
10 crinis inhaerebat, magni fiducia regni. [ ]?
11 sexta resurgebant orientis cornua lunae [ ]
12 et pendebat adhuc belli fortuna diuque [ ]
13 inter utrumque volat dubiis Victoria pennis. [ ]
14 regia turris erat vocalibus addita muris, [1]
15 in quibus auratam proles Letoia fertur [ ]
16 deposuisse lyram; saxo sonus eius inhaesit. [ ]
17 saepe illuc solita est ascendere filia Nisi [ ]
Publius Ovidius Naso: Forvandlinger, 8. bog (Rizzoli)
18 et petere exiguo resonantia saxa lapillo, [ ]
19 tum cum pax esset; bello quoque saepe solebat [ ]
20 spectare ex illa rigidi certamina Martis. [ ]
21 iamque mora belli procerum quoque nomina norat, [ ]
22 armaque equosque habitus -que Cydoneasque pharetras. [u]
23 noverat ante alios faciem ducis Europaei, [ ]
24 plus etiam quam nosse sat est. hac iudice Minos, [ ]
25 seu caput abdiderat cristata casside pennis, [ ]?
26 in galea formosus erat; seu sumpserat aere [ ]
27 fulgentem clipeum, clipeum sumpsisse decebat; [ ]
28 torserat adductis hastilia lenta lacertis, [ ]
29 laudabat virgo iunctam cum viribus artem; [ ]
30 imposito calamo patulos sinuaverat arcus, [ ]
31 sic Phoebum sumptis iurabat stare sagittis; [ ]
32 cum vero faciem dempto nudaverat aere [ ]?
33 purpureusque albi stratis insignia pictis [ ]?
34 terga premebat equi spumantiaque ora regebat, [ ]?
35 vix sua, vix sanae virgo Niseia compos [ ]
Publius Ovidius Naso: Forvandlinger, 8. bog (Rizzoli)
36 mentis erat: felix iaculum quod tangeret ille, [ ]
37 quaeque manu premeret felicia frena vocabat. [ ]
38 impetus est illi, liceat modo, ferre per agmen [ ]
39 virgineos hostile gradus, est impetus illi [ ]
40 turribus e summis in Cnosia mittere corpus [ ]
41 castra vel aeratas hosti recludere portas, [ ]
42 vel si quid Minos aliud velit. utque sedebat [ ]
43 candida Dictaei spectans tectoria regis, [ ]
44 'laeter' ait 'doleamne geri lacrimabile bellum [ ]
45 in dubio est; doleo quod Minos hostis amanti est [ ]?
46 sed, nisi bella forent, numquam mihi cognitus esset. [ ]
47 me tamen accepta poterat deponere bellum [ ]
48 obside; me comitem, me pacis pignus haberet. [ ]
49 si quae te peperit talis, pulcherrime rerum, [ ]
50 qualis es, ipsa fuit, merito deus arsit in illa. [ ]
51 o ego ter felix, si pennis lapsa per auras [ ]
52 Cnosiaci possem castris insistere regis [ ]
53 fassaque me flammas -que meas qua dote rogare [ ]
Publius Ovidius Naso: Forvandlinger, 8. bog (Rizzoli)
54 vellet emi; tantum patrias ne posceret arces! [ ]
55 nam pereant potius sperata cubilia, quam sim [2]
56 proditione potens, quamvis saepe utile vinci [ ]
57 victoris placidi fecit clementia victis. [1]
58 iusta gerit certe pro nato bella perempto [ ]?
59 et causaque valet causamque tenentibus armis [ ]
60 et, puto, vincemur. qui si manet exitus urbem, [1]
61 cur suus haec illi reseret mea moenia Mavors [ ]
62 et non noster amor? melius sine caede moraque [ ]
63 impensaque sui poterit superare cruoris. [ ]
64 non metuam certe ne quis tua pectora, Minos, [ ]?
65 vulneret imprudens, quis enim tam durus ut in te [ ]
66 derigere immitem non inscius audeat hastam? [ ]
67 coepta placent et stat sententia tradere mecum [ ]
68 dotalem patriam finemque imponere bello; [ ]
69 verum velle parum est. aditus custodia servat [ ]
70 claustraque portarum genitor tenet; hunc ego solum [ ]
Publius Ovidius Naso: Forvandlinger, 8. bog (Rizzoli)
71 infelix timeo, solus mea vota moratur. [ ]
72 di facerent sine patre forem! sibi quisque profecto [ ]
73 est deus; ignavis precibus Fortuna repugnat. [ ]
74 altera iamdudum succensa cupidine tanto [ ]
75 perdere gauderet quodcumque obstaret amori. [ ]
76 et cur ulla foret me fortior? ire per ignes [ ]
77 et gladios ausim; nec in hoc tamen ignibus ullis [ ]
78 aut gladiis opus est, opus est mihi crine paterno. [ ]
79 ille mihi est auro pretiosior, illa beatam [ ]
80 purpura me voti -que mei factura potentem.' [2]
81 talia dicenti curarum maxima nutrix [ ]?
82 nox intervenit tenebrisque audacia crevit. [ ]
83 prima quies aderat, qua curis fessa diurnis [ ]
84 pectora somnus habet, thalamos taciturna paternos [ ]
85 intrat et (heu facinus!) fatali nata parentem [ ]?
86 crine suum spoliat praedaque potita nefanda [ ]
87 fert secum spolium sceleris progressaque porta [ ]
Publius Ovidius Naso: Forvandlinger, 8. bog (Rizzoli)
88 per medios hostes (meriti fiducia tanta est) [1]
89 pervenit ad regem, quem sic adfata paventem est: [ ]
90 'suasit amor facinus; proles ego regia Nisi [1]
91 Scylla tibi trado patriaeque meosque Penates. [2]
92 praemia nulla peto nisi te; cape pignus amoris [ ]
93 purpureum crinem nec me nunc tradere crinem, [ ]
94 sed patrium tibi crede caput' scelerataque dextra [ ]
95 munera porrexit. Minos porrecta refugit [ ]
96 turbatusque novi respondit imagine facti: [ ]
97 'di te submoveant, o nostri infamia saecli, [ ]
98 orbe suo, tellusque tibi pontusque negetur. [ ]
99 certe ego non patiar Iovis incunabula, Creten, [ ]
100 qui meus est orbis, tantum contingere monstrum.' [ ]
101 dixit et, ut leges captis iustissimus auctor [ ]
102 hostibus imposuit, classis retinacula solvi [ ]
103 iussit et aeratas impelli remige puppes. [ ]
104 Scylla freto postquam deductas nare carinas [ ]
105 nec praestare ducem sceleris sibi praemia vidit, [ ]
Publius Ovidius Naso: Forvandlinger, 8. bog (Rizzoli)
106 consumptis precibus violentam transit in iram [ ]
107 intendensque manus passis furibunda capillis [ ]
108 'quo fugis' exclamat 'meritorum auctore relicta, [ ]
109 o patriae praelate meae, praelate parenti? [ ]
110 quo fugis immitis, cuius victoria nostrum [ ]
111 et scelus et meritum est? nec te data munera nec te [ ]
112 noster amor movit nec quod spes omnis in unum [ ]
113 te mea congesta est? nam quo deserta revertar? [ ]?
114 in patriam? superata iacet. sed finge manere: [ ]
115 proditione mea clausa est mihi. patris ad ora? [ ]
116 quem tibi donavi. cives odere merentem, [2]?
117 finitimi exemplum metuunt. obstruximus orbem [ ]
118 terrarum, nobis ut Crete sola pateret. [ ]
119 hac quoque si prohibes et nos, ingrate, relinquis, [ ]
120 non genetrix Europa tibi est sed inhospita Syrtis, [ ]
121 Armeniae tigres austroque agitata Charybdis. [ ]
Publius Ovidius Naso: Forvandlinger, 8. bog (Rizzoli)
122 nec Iove tu natus nec mater imagine tauri [2]
123 ducta tua est (generis falsa est ea fabula); verus [ ]
124 et ferus et captus nullius amore iuvencae [ ]
125 qui te progenuit taurus fuit. exige poenas, [ ]
126 Nise pater! gaudete malis modo prodita nostris [ ]
127 moenia! nam, fateor, merui et sum digna perire. [ ]
128 sed tamen ex illis aliquis quos impia laesi [ ]
129 me perimat. cur qui vicisti crimine nostro [ ]?
130 insequeris crimen? scelus hoc patriaeque patrique est, [ ]
131 officium tibi sit. te vere coniuge digna est, [2]
132 quae torvum ligno decepit adultera taurum [2]
133 discordemque utero fetum tulit. ecquid ad aures [1]
134 perveniunt mea dicta tuas, an inania venti [ ]
135 verba ferunt idemque tuas, ingrate, carinas? [ ]
136 iam iam Pasiphaen non est mirabile taurum [ ]
137 praeposuisse tibi; tu plus feritatis habebas. [ ]?
138 me miseram! properare iubet divulsaque remis [ ]
139 unda sonat mecumque simul mea terra recedit. [ ]
Publius Ovidius Naso: Forvandlinger, 8. bog (Rizzoli)
140 nil agis, o frustra meritorum oblite meorum; [ ]
141 insequar invitum puppemque amplexa recurvam [ ]
142 per freta longa trahar.' vix dixerat, insilit undis [ ]
143 consequiturque rates faciente cupidine vires [ ]
144 Cnosiacaeque haeret comes invidiosa carinae. [ ]
145 quam pater ut vidit (nam iam pendebat in aura [ ]
146 et modo factus erat fulvis haliaeetus alis), [ ]
147 ibat ut haerentem rostro laceraret adunco. [ ]
148 illa metu puppem dimisit et aura cadentem [2]
149 sustinuisse levis, ne tangeret aequora, visa est; [ ]
150 pluma fuit; plumis in avem mutata vocatur [1]
151 Ciris et a tonso est hoc nomen adepta capillo. [ ]
152 vota Iovi Minos taurorum corpora centum [2]
153 solvit, ut egressus ratibus Curetida terram [ ]
154 contigit, et spoliis decorata est regia fixis. [ ]
155 creverat opprobrium generis foedumque patebat [ ]
156 matris adulterium monstri novitate biformis; [ ]
157 destinat hunc Minos thalami removere pudorem [ ]
Publius Ovidius Naso: Forvandlinger, 8. bog (Rizzoli)
158 multiplicique domo caecisque includere tectis. [ ]
159 Daedalus ingenio fabrae celeberrimus artis [ ]
160 ponit opus turbatque notas et lumina flexa [ ]
161 ducit in errorem variarum ambage viarum. [ ]
162 non secus ac liquidis Phrygius Maeandros in undis [ ]
163 ludit et ambiguo lapsu refluitque fluitque [ ]
164 occurrensque sibi venturas aspicit undas [ ]?
165 et nunc ad fontes, nunc ad mare versus apertum [ ]
166 incertas exercet aquas, ita Daedalus implet [ ]
167 innumeras errore vias vixque ipse reverti [ ]
168 ad limen potuit; tanta est fallacia tecti. [ ]
169 quo postquam geminam tauri iuvenisque figuram [ ]
170 clausit et Actaeo bis pastum sanguine monstrum [ ]
171 tertia sors annis domuit repetita novenis, [ ]
172 utque ope virginea nullis iterata priorum [ ]
173 ianua difficilis filo est inventa relecto, [ ]
174 protinus Aegides rapta Minoide Dian [ ]?
175 vela dedit comitemque suam crudelis in illo [ ]
Publius Ovidius Naso: Forvandlinger, 8. bog (Rizzoli)
176 litore destituit. desertae et multa querenti [ ]
177 amplexus et opem Liber tulit, utque perenni [ ]
178 sidere clara foret, sumptam de fronte coronam [ ]
179 immisit caelo; tenues volat illa per auras [ ]
180 dumque volat gemmae nitidos vertuntur in ignes [ ]
181 consistuntque loco, specie remanente coronae, [ ]
182 qui medius Nixique genu est Anguemque tenentis. [ ]
183 Daedalus interea Creten longumque perosus [ ]?
184 exilium tactusque soli natalis amore [1]
185 clausus erat pelago. 'terras licet' inquit 'et undas [ ]
186 obstruat, at caelum certe patet; ibimus illac! [ ]
187 omnia possideat, non possidet aera Minos.' [ ]
188 dixit et ignotas animum dimittit in artes [ ]?
189 naturamque novat. nam ponit in ordine pennas, [ ]
190 a minima coeptas, longam breviore sequente, [ ]
191 ut clivo crevisse putes; sic rustica quondam [2]
192 fistula disparibus paulatim surgit avenis. [ ]
Publius Ovidius Naso: Forvandlinger, 8. bog (Rizzoli)
193 tum lino medias et ceris alligat imas [ ]?
194 atque ita compositas parvo curvamine flectit [ ]
195 ut veras imitetur aves. puer Icarus una [2]?
196 stabat et, ignarus sua se tractare pericla, [ ]
197 ore renidenti modo quas vaga moverat aura [ ]
198 captabat plumas, flavam modo pollice ceram [ ]
199 mollibat lusuque suo mirabile patris [ ]
200 impediebat opus. postquam manus ultima coepto [ ]
201 imposita est, geminas opifex libravit in alas [ ]
202 ipse suum corpus motaque pependit in aura. [1]
203 instruit et natum 'medio'que 'ut limite curras, [ ]
204 Icare' ait, 'moneo, ne, si demissior ibis, [ ]?
205 unda gravet pennas, si celsior, ignis adurat. [ ]
206 inter utrumque vola, nec te spectare Booten [ ]
207 aut Helicen iubeo strictumque Orionis ensem; [ ]
208 me duce carpe viam.' pariter praecepta volandi [ ]
209 tradit et ignotas umeris accommodat alas. [ ]?
210 inter opus monitusque genae maduere seniles [ ]
Publius Ovidius Naso: Forvandlinger, 8. bog (Rizzoli)
211 et patriae tremuere manus. dedit oscula nato [ ]
212 non iterum repetenda suo pennisque levatus [ ]
213 ante volat comitique timet, velut ales ab alto [ ]
214 quae teneram prolem produxit in aera nido, [ ]
215 hortaturque sequi damnosasque erudit artes. [ ]
216 et movet ipse suas et nati respicit alas. [2]?
217 hos aliquis tremula dum captat harundine pisces [ ]
218 aut pastor baculo stivave innixus arator [ ]?
219 vidit et obstipuit, quique aethera carpere possent [ ]
220 credidit esse deos. et iam Iunonia laeva [ ]
221 parte Samos (fuerant Delosque Parosque relictae), [ ]
222 dextra Lebinthos erat fecundaque melle Calymne, [ ]
223 cum puer audaci coepit gaudere volatu [ ]
224 deseruitque ducem caelique cupidine tractus [ ]
225 altius egit iter. rapidi vicinia solis [1]
226 mollit odoratas, pennarum vincula, ceras. [2]
227 tabuerant cerae; nudos quatit ille lacertos [ ]
228 remigioque carens non ullas percipit auras, [ ]
Publius Ovidius Naso: Forvandlinger, 8. bog (Rizzoli)
229 oraque caerulea patrium clamantia nomen [ ]
230 excipiuntur aqua, quae nomen traxit ab illo. [ ]
231 at pater infelix nec iam pater 'Icare' dixit, [ ]
232 'Icare' dixit, 'ubi es? qua te regione requiram?' [ ]
233 'Icare' dicebat: pennas aspexit in undis [2]
234 devovitque suas artes corpusque sepulcro [ ]
235 condidit; est tellus a nomine dicta sepulti. [1]?
236 hunc miseri tumulo ponentem corpora nati [ ]?
237 garrula limoso prospexit ab elice perdix [2]?
238 et plausit pennis testataque gaudia cantu est, [ ]
239 unica tum volucris nec visa prioribus annis [ ]
240 factaque nuper avis, longum tibi, Daedale, crimen. [ ]
241 namque huic tradiderat fatorum ignara docendam [ ]
242 progeniem germana suam, natalibus actis [ ]
243 bis puerum senis, animi ad praecepta capacis. [1]
244 ille etiam medio spinas in pisce notatas [ ]
245 traxit in exemplum ferroque incidit acuto [ ]
246 perpetuos dentes et serrae repperit usum; [ ]
Publius Ovidius Naso: Forvandlinger, 8. bog (Rizzoli)
247 primus et ex uno duo ferrea bracchia nodo [ ]?
248 vinxit ut aequali spatio distantibus illis [ ]?
249 altera pars staret, pars altera duceret orbem. [ ]
250 Daedalus invidit sacraque ex arce Minervae [ ]
251 praecipitem misit lapsum mentitus; at illum [ ]
252 quae favet ingeniis excepit Pallas avemque [ ]
253 reddidit et medio velavit in aere pennis. [2]?
254 sed vigor ingenii quondam velocis in alas [ ]
255 inque pedes abiit; nomen, quod et ante, remansit. [ ]
256 non tamen haec alte volucris sua corpora tollit [ ]
257 nec facit in ramis altoque cacumine nidos; [ ]?
258 propter humum volitat ponitque in saepibus ova [ ]
259 antiquique memor metuit sublimia casus. [1]
260 iamque fatigatum tellus Aetnaea tenebat [2]
261 Daedalon et sumptis pro supplice Cocalus armis [ ]
262 mitis habebatur, iam lamentabile Athenae [2]
263 pendere desierant Thesea laude tributum. [ ]?
264 templa coronantur bellatricemque Minervam [ ]?
Publius Ovidius Naso: Forvandlinger, 8. bog (Rizzoli)
265 cum Iove disque vocant aliis, quos sanguine voto [ ]
266 muneribusque datis et acervis turis honorant. [ ]
= file n. 212 - 21:21 minuti
267 sparserat Argolicas nomen vaga fama per urbes [ ]
268 Theseos, et populi quos dives Achaia cepit [ ]
269 huius opem magnis imploravere periclis; [ ]?
270 huius opem Calydon, quamvis Meleagron haberet, [ ]
271 sollicita supplex petiit prece. causa petendi [ ]
272 sus erat, infestae famulus vindexque Dianae. [ ]
273 Oenea namque ferunt pleni successibus anni [ ]
274 primitias frugum Cereri, sua vina Lyaeo, [ ]
275 Palladios flavae latices libasse Minervae. [ ]
276 coeptus ab agricolis superos pervenit ad omnes [ ]
277 ambitiosus honor; solas sine ture relictas [ ]
278 praeteritae cessasse ferunt Letoidos aras. [ ]
279 tangit et ira deos; 'at non impune feremus, [ ]
280 quaeque inhonoratae, non et dicemur inultae' [2]
281 inquit et Oeneos ultorem spreta per agros [ ]
Publius Ovidius Naso: Forvandlinger, 8. bog (Rizzoli)
282 misit aprum, quanto maiores herbida tauros [ ]?
283 non habet Epiros, sed habent Sicula arva minores. [2]
284 sanguine et igne micant oculi, riget horrida cervix, [ ]
285 et saetae similes rigidis hastilibus horrent. [ ]
286 stantque velut vallum, velut alta hastilia saetae. [ ]
287 fervida cum rauco latos stridore per armos [1]
288 spuma fluit, dentes aequantur dentibus Indis, [ ]
289 fulmen ab ore venit, frondes adflatibus ardent. [ ]
290 is modo crescentes segetes proculcat in herba, [ ]
291 nunc matura metit fleturi vota coloni [1]?
292 et Cererem in spicis intercipit; area frustra [ ]?
293 et frustra exspectant promissas horrea messes. [ ]
294 sternuntur gravidi longo cum palmite fetus [ ]
295 bacaque cum ramis semper frondentis olivae. [ ]
296 saevit et in pecudes; non has pastorve canisve, [ ]
297 non armenta truces possunt defendere tauri. [ ]
298 diffugiunt populi nec se nisi moenibus urbis [ ]
299 esse putant tutos, donec Meleagros et una [ ]
Publius Ovidius Naso: Forvandlinger, 8. bog (Rizzoli)
300 lecta manus iuvenum coiere cupidine laudis: [ ]
301 Tyndaridae gemini, spectandus caestibus alter, [ ]
302 alter equo, primaeque ratis molitor Iason [2]
303 et cum Pirithoo, felix concordia, Theseus [ ]?
304 et duo Thestiadae prolesque Aphareia Lynceus [ ]
305 et velox Idas et iam non femina Caeneus [ ]
306 Leucippusque ferox iaculoque insignis Acastus [ ]
307 Hippothousque Dryas -que et cretus Amyntore Phoenix [ ]
308 Actoridaeque pares et missus ab Elide Phyleus. [ ]
309 nec Telamon aberat magnique creator Achillis [ ]
310 cumque Pheretiade et Hyanteo Iolao [ ]
311 impiger Eurytion et cursu invictus Echion [ ]
312 Naryciusque Lelex Panopeusque Hyleusque feroxque [ ]
313 Hippasos et primis etiamnum Nestor in annis [ ]?
314 et quos Hippocoon antiquis misit Amyclis [ ]
315 Penelopesque socer cum Parrhasio Ancaeo [ ]
Publius Ovidius Naso: Forvandlinger, 8. bog (Rizzoli)
316 Ampycidesque sagax et adhuc a coniuge tutus [ ]
317 Oeclides nemorisque decus Tegeaea Lycaei. [ ]
318 rasilis huic summam mordebat fibula vestem, [ ]
319 crinis erat simplex, nodum collectus in unum, [ ]
320 ex umero pendens resonabat eburnea laevo [ ]
321 telorum custos, arcum quoque laeva tenebat. [ ]
322 talis erat cultus; facies, quam dicere vere [ ]
323 virgineam in puero, puerilem in virgine possis. [ ]
324 hanc pariter vidit, pariter Calydonius heros [ ]
325 optavit renuente deo flammasque latentes [ ]
326 hausit et 'o felix, si quem dignabitur' inquit [2]
327 'ista virum!' nec plura sinit tempusque pudorque [ ]
328 dicere; maius opus magni certaminis urget. [ ]
329 silva frequens trabibus, quam nulla ceciderat aetas, [ ]
330 incipit a plano devexaque prospicit arva; [2]?
331 quo postquam venere viri, pars retia tendunt, [2]
332 vincula pars adimunt canibus, pars pressa sequuntur [ ]
333 signa pedum cupiuntque suum reperire periclum. [ ]
Publius Ovidius Naso: Forvandlinger, 8. bog (Rizzoli)
334 concava vallis erat, quo se demittere rivi [ ]?
335 adsuerant pluvialis aquae; tenet ima lacunae [ ]
336 lenta salix ulvaeque leves iuncique palustres [ ]
337 viminaque et longa parvae sub harundine cannae. [ ]
338 hinc aper excitus medios violentus in hostes [ ]
339 fertur ut excussis elisi nubibus ignes. [ ]?
340 sternitur incursu nemus et propulsa fragorem [ ]
341 silva dat; exclamant iuvenes praetentaque forti [ ]
342 tela tenent dextra lato vibrantia ferro. [ ]?
343 ille ruit spargitque canes, ut quisque furenti [ ]
344 obstat, et obliquo latrantes dissipat ictu. [ ]?
345 cuspis Echionio primum contorta lacerto [ ]?
346 vana fuit truncoque dedit leve vulnus acerno. [ ]
347 proxima, si nimiis mittentis viribus usa [ ]
348 non foret, in tergo visa est haesura petito: [1]
349 longius it; auctor teli Pagasaeus Iason. [1]
Publius Ovidius Naso: Forvandlinger, 8. bog (Rizzoli)
350 'Phoebe' ait Ampycides 'si te coluique coloque, [ ]
351 da mihi quod petitur certo contingere telo.' [ ]
352 qua potuit, precibus deus adnuit: ictus ab illo est, [ ]
353 sed sine vulnere, aper; ferrum Diana volanti [ ]
354 abstulerat iaculo, lignum sine acumine venit. [ ]
355 ira feri mota est, nec fulmine lenius arsit. [2]
356 emicat ex oculis, spirat quoque pectore flamma, [ ]
357 utque volat moles adducto concita nervo [ ]
358 cum petit aut muros aut plenas milite turres, [ ]
359 in iuvenes certo sic impete vulnificus sus [ ]?
360 fertur et Hippalmon Pelagonaque dextra tuentes [ ]
361 cornua prosternit; socii rapuere iacentes. [ ]
362 at non letiferos effugit Enaesimus ictus [ ]
363 Hippocoonte satus; trepidantem et terga parantem [ ]
364 vertere succiso liquerunt poplite nervi. [ ]?
365 forsitan et Pylius citra Troiana perisset [ ]
Publius Ovidius Naso: Forvandlinger, 8. bog (Rizzoli)
366 tempora, sed sumpto posita conamine ab hasta [1]?
367 arboris insiluit, quae stabat proxima, ramis [ ]
368 despexitque loco tutus quem fugerat hostem. [1]
369 dentibus ille ferox in querno stipite tritis [ ]
370 imminet exitio fidensque recentibus armis [ ]?
371 Eurytidae magni rostro femur hausit adunco. [ ]
372 at gemini, nondum caelestia sidera fratres, [ ]
373 ambo conspicui, nive candidioribus ambo [ ]
374 vectabantur equis, ambo vibrata per auras [ ]
375 hastarum tremulo quatiebant spicula motu. [ ]
376 vulnera fecissent, nisi saetiger inter opacas [ ]
377 nec iaculis isset nec equo loca pervia silvas. [ ]
378 persequitur Telamon studioque incautus eundi [ ]
379 pronus ab arborea cecidit radice retentus. [ ]
380 dum levat hunc Peleus, celerem Tegeaea sagittam [ ]
381 imposuit nervo sinuatoque expulit arcu; [ ]?
382 fixa sub aure feri summum destrinxit harundo [ ]
383 corpus et exiguo rubefecit sanguine saetas. [ ]
Publius Ovidius Naso: Forvandlinger, 8. bog (Rizzoli)
384 nec tamen illa sui successu laetior ictus [ ]
385 quam Meleagros erat; primus vidisse putatur [ ]
386 et primus sociis visum ostendisse cruorem [ ]
387 et 'meritum' dixisse 'feres virtutis honorem.' [ ]
388 erubuere viri seque exhortantur et addunt [ ]?
389 cum clamore animos iaciuntque sine ordine tela; [1]
390 turba nocet iactis et quos petit impedit ictus. [ ]
391 ecce furens contra sua fata bipennifer Arcas [ ]
392 'discite femineis quid tela virilia praestent, [ ]
393 o iuvenes, operique meo concedite' dixit; [ ]
394 'ipsa suis licet hunc Latonia protegat armis, [ ]
395 invita tamen hunc perimet mea dextra Diana.' [ ]?
396 talia magniloquo tumidus memoraverat ore [ ]
397 ancipitemque manu tollens utraque securim [ ]
398 institerat digitis, primos suspensus in artus; [ ]
399 occupat audentem, quaque est via proxima leto, [ ]
400 summa ferus geminos derexit ad inguina dentes. [ ]
401 concidit Ancaeus glomerataque sanguine multo [ ]
Publius Ovidius Naso: Forvandlinger, 8. bog (Rizzoli)
402 viscera lapsa fluunt; madefacta est terra cruore. [ ]
403 ibat in adversum proles Ixionis hostem [ ]
404 Pirithous, valida quatiens venabula dextra; [ ]
405 cui 'procul' Aegides 'o me mihi carior' inquit, [1]?
406 'pars animae consiste meae! licet eminus esse [ ]
407 fortibus; Ancaeo nocuit temeraria virtus.' [ ]
408 dixit et aerata torsit grave cuspide cornum; [ ]?
409 quo bene librato votique potente futuro [2]?
410 obstit aesculea frondosus ab arbore ramus. [ ]
411 misit et Aesonides iaculum, quod casus ab illo [ ]
412 vertit in immeriti fatum latrantis et inter [ ]?
413 ilia coniectum tellure per ilia fixum est. [ ]
414 at manus Oenidae variat, missisque duabus [ ]
415 hasta prior terra, medio stetit altera tergo. [ ]
416 nec mora, dum saevit, dum corpora versat in orbem [ ]
417 stridentemque novo spumam cum sanguine fundit, [1]
418 vulneris auctor adest hostemque irritat ad iram [ ]
Publius Ovidius Naso: Forvandlinger, 8. bog (Rizzoli)
419 splendidaque adversos venabula condit in armos. [1]
420 gaudia testantur socii clamore secundo [ ]
421 victricemque petunt dextrae coniungere dextram, [ ]
422 immanemque ferum multa tellure iacentem [ ]
423 mirantes spectant neque adhuc contingere tutum [ ]
424 esse putant, sed tela tamen sua quisque cruentat. [ ]
425 ipse pede imposito caput exitiabile pressit [ ]
426 atque ita 'sume mei spolium, Nonacria, iuris' [ ]
427 dixit 'et in partem veniat mea gloria tecum.' [ ]
428 protinus exuvias rigidis horrentia saetis [ ]
429 terga dat et magnis insignia dentibus ora. [ ]
430 illi laetitiae est cum munere muneris auctor; [ ]
Publius Ovidius Naso: Forvandlinger, 8. bog (Rizzoli)
431 invidere alii totoque erat agmine murmur. [1]?
432 e quibus ingenti tendentes bracchia voce [ ]
433 'pone age nec titulos intercipe femina nostros' [ ]
434 Thestiadae clamant, 'nec te fiducia formae [ ]?
435 decipiat, ne sit longe tibi captus amore [ ]
436 auctor;' et hunc adimunt munus ius muneris illi. [ ]
437 non tulit et tumida frendens Mavortius ira [ ]
438 'discite, raptores alieni' dixit 'honoris, [ ]?
439 facta minis quantum distent!' hausitque nefando [ ]
440 pectora Plexippi nil tale timentia ferro. [ ]
441 Toxea quid faciat dubium pariterque volentem [ ]
442 ulcisci fratrem fraternaque fata timentem [ ]
443 haud patitur dubitare diu calidumque priori [ ]
444 caede recalfecit consorti sanguine telum. [ ]
445 dona deum templis nato victore ferebat, [ ]
446 dum videt extinctos fratres Althaea referri. [ ]
447 quae plangore dato maestis clamoribus urbem [ ]
448 implet et auratis mutavit vestibus atras; [ ]
Publius Ovidius Naso: Forvandlinger, 8. bog (Rizzoli)
449 at simul est auctor necis editus, excidit omnis [ ]
450 luctus et a lacrimis in poenae versus amorem est. [ ]
451 stipes erat quem, cum partus enixa iaceret [ ]?
452 Thestias, in flammam triplices posuere sorores [ ]
453 staminaque impresso fatalia pollice nentes [ ]?
454 'tempora' dixerunt 'eadem lignoque tibique, [ ]
455 o modo nate, damus.' quo postquam carmine dicto [ ]
456 excessere deae, flagrantem mater ab igne [ ]
457 eripuit ramum sparsitque liquentibus undis. [ ]
458 ille diu fuerat penetralibus abditus imis [ ]
459 servatusque tuos, iuvenis, servaverat annos. [ ]
460 protulit hunc genetrix taedasque et fragmina poni [ ]
461 imperat et positis inimicos admovet ignes. [2]?
462 tum conata quater flammis imponere ramum [1]
463 coepta quater tenuit; pugnant materque sororque [ ]
464 et diversa trahunt unum duo nomina pectus. [ ]
465 saepe metu sceleris pallebant ora futuri, [ ]
466 saepe suum fervens oculis dabat ira ruborem, [ ]
Publius Ovidius Naso: Forvandlinger, 8. bog (Rizzoli)
467 et modo nescioquid similis crudele minanti [ ]
468 vultus erat, modo quem misereri credere posses; [2]
469 cumque ferus lacrimas animi siccaverat ardor, [ ]
470 inveniebantur lacrimae tamen. utque carina [ ]
471 quam ventus ventoque rapit contrarius aestus [ ]
472 vim geminam sentit paretque incerta duobus. [ ]
473 Thestias haud aliter dubiis adfectibus errat [ ]
474 inque vices ponit positamque resuscitat iram. [ ]
475 incipit esse tamen melior germana parente [ ]
476 et, consanguineas ut sanguine leniat umbras, [ ]
477 impietate pia est. nam postquam pestifer ignis [ ]
478 convaluit, 'rogus iste cremet mea viscera' dixit [ ]
479 utque manu dira lignum fatale tenebat, [2]
480 ante sepulcrales infelix adstitit aras [ ]
481 'poenarum'que 'deae triplices, furialibus' inquit, [ ]
482 'Eumenides, sacris vultus advertite vestros. [ ]
483 ulciscor facioque nefas; mors morte pianda est, [ ]
484 in scelus addendum scelus est, in funera funus; [ ]
Publius Ovidius Naso: Forvandlinger, 8. bog (Rizzoli)
485 per coacervatos pereat domus impia luctus. [ ]
486 an felix Oeneus nato victore fruetur, [ ]
487 Thestius orbus erit? melius lugebitis ambo. [ ]
488 vos modo, fraterni manes animaeque recentes, [1]
489 officium sentite meum magnoque paratas [ ]
490 accipite inferias uteri mala pignora nostri. [ ]
491 ei mihi, quo rapior? fratres, ignoscite matri! [ ]
492 deficiunt ad coepta manus. meruisse fatemur [ ]
493 illum, cur pereat; mortis mihi displicet auctor. [ ]
494 ergo impune feret vivusque et victor et ipso [ ]
495 successu tumidus regnum Calydonis habebit, [ ]
496 vos cinis exiguus gelidaeque iacebitis umbrae? [ ]
497 haud equidem patiar; pereat sceleratus et ille [ ]
498 spemque patris regnumque trahat patriaeque ruinam. [ ]
499 mens ubi materna est? ubi sunt pia iura parentum [ ]
500 et quos sustinui bis mensum quinque labores? [ ]
501 o utinam primis arsisses ignibus infans, [ ]
502 idque ego passa forem! vixisti munere nostro, [ ]
Publius Ovidius Naso: Forvandlinger, 8. bog (Rizzoli)
503 nunc merito moriere tuo. cape praemia facti [ ]
504 bisque datam, primum partu, mox stipite rapto [ ]
505 redde animam, vel me fraternis adde sepulcris. [ ]?
506 et cupio et nequeo. quid agam? modo vulnera fratrum [ ]
507 ante oculos mihi sunt et tantae caedis imago, [ ]
508 nunc animum pietas maternaque nomina frangunt. [ ]
509 me miseram! male vincetis, sed vincite, fratres, [ ]
510 dummodo quae dedero vobis solacia vosque [ ]?
511 ipsa sequar.' dixit dextraque aversa trementi [ ]?
512 funereum torrem medios coniecit in ignes. [ ]
513 aut dedit aut visus gemitus est ipse dedisse [ ]
514 stipes et invitis correptus ab ignibus arsit. [ ]
515 inscius atque absens flamma Meleagros ab illa [ ]
516 uritur et caecis torreri viscera sentit [ ]?
517 ignibus ac magnos superat virtute dolores. [ ]
518 quod tamen ignavo cadat et sine sanguine leto [ ]?
Publius Ovidius Naso: Forvandlinger, 8. bog (Rizzoli)
519 maeret et Ancaei felicia vulnera dicit [ ]?
520 grandaevumque patrem fratresque piasque sorores [ ]
521 cum gemitu sociamque tori vocat ore supremo, [ ]
522 forsitan et matrem. crescunt ignisque dolorque [ ]
523 languescuntque iterum; simul est extinctus uterque, [ ]
524 inque leves abiit paulatim spiritus auras [ ]
525 paulatim cana prunam velante favilla. [ ]
526 alta iacet Calydon; lugent iuvenesque senesque, [ ]
527 vulgusque proceresque gemunt, scissaeque capillos [ ]
528 planguntur matres Calydonides Eveninae. [u]
529 pulvere canitiem genitor vultusque seniles [ ]
530 foedat humi fusus spatiosumque increpat aevum; [2]
Publius Ovidius Naso: Forvandlinger, 8. bog (Rizzoli)
531 nam de matre manus diri sibi conscia facti [1]
532 exegit poenas acto per viscera ferro. [ ]
533 non, mihi si centum deus ora sonantia linguis [ ]
534 ingeniumque capax totumque Helicona dedisset, [ ]
535 tristia persequerer miserarum vota sororum. [ ]
536 immemores decoris liventia pectora tundunt [ ]
537 dumque manet corpus, corpus refoventque foventque. [ ]
538 oscula dant ipsi, posito dant oscula lecto; [ ]
539 post cinerem cineres haustos ad pectora pressant [ ]
540 adfusaeque iacent tumulo signataque saxo [ ]
541 nomina complexae lacrimis in nomina fundunt. [ ]
542 quas Porthaoniae tandem Latonia clade [ ]
543 exsatiata domus praeter Gorgenque nurumque [ ]
544 nobilis Alcmenae natis in corpore pennis [ ]
545 allevat et longas per bracchia porrigit alas [ ]
546 corneaque ora facit versasque per aera mittit. [ ]
= file n. 213 - 27:20 minuti
Publius Ovidius Naso: Forvandlinger, 8. bog (Rizzoli)
547 interea Theseus sociati parte laboris [ ]
548 functus Erectheas Tritonidos ibat ad arces. [1]
549 clausit iter fecitque moras Achelous eunti [ ]
550 imbre tumens. 'succede meis' ait, 'inclite, tectis, [ ]
551 Cecropide, nec te committe rapacibus undis. [ ]
552 ferre trabes solidas obliquaque volvere magno [ ]
553 murmure saxa solent. vidi contermina ripae [ ]
554 cum gregibus stabula alta trahi, nec fortibus illic [ ]
555 profuit armentis nec equis velocibus esse. [ ]
556 multa quoque hic torrens nivibus de monte solutis [ ]
557 corpora turbineo iuvenalia culmine mersit. [ ]
558 tutior est requies, solito dum flumina currant [ ]
559 limite, dum tenues capiat suus alveus undas.' [ ]
560 adnuit Aegides 'utor'que, 'Acheloe, domoque [1]?
561 consilioque tuo' respondit; et usus utroque est. [ ]
562 pumice multicavo nec levibus atria tofis [ ]
563 structa subit; molli tellus erat umida musco, [ ]
Publius Ovidius Naso: Forvandlinger, 8. bog (Rizzoli)
564 summa lacunabant alterno murice conchae. [2]
565 iamque duas lucis partes Hyperione menso [ ]
566 discubuere toris Theseus comitesque laborum; [ ]
567 hac Ixionides, illa Troezenius heros [ ]
568 parte Lelex, raris iam sparsus tempora canis, [ ]
569 quosque alios parili fuerat dignatus honore [ ]
570 amnis Acarnanum, laetissimus hospite tanto. [ ]
571 protinus appositas nudae vestigia nymphae [ ]
572 instruxere epulis mensas dapibusque remotis [ ]
573 in gemma posuere merum. tum maximus heros [ ]
574 aequora prospiciens oculis subiecta 'quis' inquit [ ]
575 'ille locus?' digito -que ostendit 'et insula nomen [ ]
576 quod gerat illa, doce; quamquam non una videtur.' [ ]
577 amnis ad haec 'non est' inquit 'quod cernitis unum; [ ]
578 quinque iacent terrae; spatium discrimina fallit. [ ]
579 quoque minus spretae factum mirere Dianae, [ ]
580 Naides hae fuerant, quae cum bis quinque iuvencos [ ]
581 mactassent rurisque deos ad sacra vocassent, [ ]
Publius Ovidius Naso: Forvandlinger, 8. bog (Rizzoli)
582 immemores nostri festas duxere choreas. [ ]
583 intumui, quantusque feror cum plurimus umquam [ ]
584 tantus eram pariterque animis immanis et undis [ ]
585 a silvis silvas et ab arvis arva revelli, [ ]
586 cumque loco nymphas memores tum denique nostri [ ]
587 in freta provolvi. fluctus nosterque marisque [ ]
588 continuam diduxit humum partesque resolvit [ ]
589 in totidem, mediis quot cernis Echinadas undis. [ ]
590 ut tamen ipse vides, procul en procul una recessit [ ]
591 insula, grata mihi; Perimelen navita dicit. [ ]
592 huic ego virgineum dilectae nomen ademi; [ ]
593 quod pater Hippodamas aegre tulit inque profundum [ ]
594 propulit et scopulo periturae corpora natae. [ ]
595 excepi nantemque ferens 'o proxima mundi [ ]?
596 regna vagae' dixi 'sortite tridentifer undae, [ ]
597 in quo desinimus, quot sacri currimus amnes, [1]
598 huc ades atque audi placidus, Neptune, precantem. [ ]
Publius Ovidius Naso: Forvandlinger, 8. bog (Rizzoli)
599 huic ego, quam porto, nocui. si mitis et aequus, [ ]?
600 si pater Hippodamas, aut si minus impius esset, [ ]
601 debuit illius misereri, ignoscere nobis. [ ]
602 cui quoniam tellus clausa est feritate paterna [ ]
603 adfer opem mersaeque, precor, feritate paterna [ ]
604 da, Neptune, locum - vel sit locus ipsa licebit. [ ]
605 hunc quoque complectar.' movit caput aequoreus rex [ ]
606 concussitque suis omnes adsensibus undas. [ ]
607 extimuit nymphe, nabat tamen; ipse natantis [ ]?
608 pectora tangebam trepido salientia motu. [ ]
609 dumque ea contrecto, totum durescere sensi [ ]
610 corpus et inductis condi praecordia terris. [ ]
611 dum loquor, amplexa est artus nova terra natantes [ ]
612 et gravis increvit mutatis insula membris.' [ ]
613 amnis ab his tacuit. factum mirabile cunctos [ ]
614 moverat; inridet credentes, utque deorum [ ]
615 spretor erat mentisque ferox, Ixione natus: [ ]
616 'ficta refers nimiumque putas, Acheloe, potentes [ ]
Publius Ovidius Naso: Forvandlinger, 8. bog (Rizzoli)
617 esse deos' dixit, 'si dant adimuntque figuras.' [ ]
618 obstipuere omnes nec talia dicta probarunt, [ ]
619 ante omnesque Lelex animo maturus et aevo [1]
620 sic ait: 'immensa est finemque potentia caeli [ ]
621 non habet et quidquid superi voluere peractum est. [ ]
622 quoque minus dubites, tiliae contermina quercus [ ]
623 collibus est Phrygiis, medio circumdata muro. [ ]
624 (ipse locum vidi, nam me Pelopeia Pittheus [1]
625 misit in arva suo quondam regnata parenti.) [ ]
626 haud procul hinc stagnumst, tellus habitabilis olim, [ ]
627 nunc celebres mergis fulicisque palustribus undae. [ ]
628 Iuppiter huc specie mortali cumque parente [ ]?
629 venit Atlantiades positis caducifer alis. [ ]
630 mille domos adiere locum requiemque petentes [ ]
631 mille domos clausere serae. tamen una recepit, [ ]
632 parva quidem stipulis et canna tecta palustri, [ ]
633 sed pia Baucis anus parilique aetate Philemon [ ]
634 illa sunt annis iuncti iuvenalibus, illa [ ]
Publius Ovidius Naso: Forvandlinger, 8. bog (Rizzoli)
635 consenuere casa paupertatemque fatendo [ ]
636 effecere levem nec iniqua mente ferendo. [3]
637 nec refert, dominos illic famulosne requiras: [ ]
638 tota domus duo sunt, idem parentque iubentque. [ ]
639 ergo ubi caelicolae parvos tetigere Penates [ ]
640 submissoque humiles intrarunt vertice postes, [ ]
641 membra senex posito iussit relevare sedili, [ ]
642 cui superiniecit textum rude sedula Baucis. [ ]
643 inde foco tepidum cinerem dimovit et ignes [ ]
644 suscitat hesternos foliisque et cortice sicco [ ]
645 nutrit at ad flammas anima producit anili. [1]?
646 multifidasque faces ramaliaque arida tecto [ ]
647 detulit et minuit parvoque admovit aeno, [ ]
648 quodque suus coniunx riguo collegerat horto [ ]
649 truncat holus foliis; furca levat ille bicorni [ ]
650 sordida terga suis nigro pendentia tigno [ ]
Publius Ovidius Naso: Forvandlinger, 8. bog (Rizzoli)
651 servatoque diu resecat de tergore partem [ ]?
652 exiguam sectamque domat ferventibus undis. [ ]
653 interea medias fallunt sermonibus horas [ ]
654 sentirique moram prohibent. erat alveus illic [1]
655 fagineus, dura clavo suspensus ab ansa; [ ]?
656 is tepidis impletur aquis artusque fovendos [ ]
657 accipit. in medio torus est de mollibus ulvis [ ]
658 impositus lecto sponda pedibusque salignis [ ]
659 vestibus hunc velant quas non nisi tempore festo [ ]
660 sternere consuerant, sed et haec vilisque vetusque [ ]
661 vestis erat, lecto non indignanda saligno. [ ]?
662 accubuere dei. mensam succincta tremensque [ ]
663 ponit anus, mensae sed erat pes tertius impar; [ ]
664 testa parem fecit, quae postquam subdita clivum [ ]
665 sustulit aequatam mentae tersere virentes. [ ]
666 ponitur hic bicolor sincerae baca Minervae [ ]
667 conditaque in liquida corna autumnalia faece [ ]
668 intibaque et radix et lactis massa coacti [ ]
Publius Ovidius Naso: Forvandlinger, 8. bog (Rizzoli)
669 ovaque non acri leviter versata favilla, [2]?
670 omnia fictilibus; post haec caelatus eodem [ ]
671 sistitur argento crater fabricataque fago [1]
672 pocula, qua cava sunt, flaventibus inlita ceris. [ ]
673 parva mora est, epulasque foci misere calentes; [1]
674 nec longae rursus referuntur vina senectae [ ]
675 dantque locum mensis paulum seducta secundis. [ ]
676 hic nux, hic mixta est rugosis carica palmis [ ]
677 prunaque et in patulis redolentia mala canistris [ ]
678 et de purpureis collectae vitibus uvae; [ ]
679 candidus in medio favus est. super omnia vultus [ ]
680 accessere boni nec iners pauperque voluntas. [ ]
681 interea totiens haustum cratera repleri [ ]
682 sponte sua per seque vident succrescere vina; [ ]
683 attoniti novitate pavent manibusque supinis [ ]
684 concipiunt Baucisque preces timidusque Philemon [ ]
685 et veniam dapibus nullisque paratibus orant. [ ]
686 unicus anser erat, minimae custodia villae, [ ]
Publius Ovidius Naso: Forvandlinger, 8. bog (Rizzoli)
687 quem dis hospitibus domini mactare parabant; [ ]
688 ille celer penna tardos aetate fatigat [ ]
689 eluditque diu tandemque est visus ad ipsos [ ]
690 confugisse deos. superi vetuere necari [ ]
691 'di'que 'sumus, meritasque luet vicinia poenas [ ]
692 impia' dixerunt; 'vobis immunibus huius [ ]
693 esse mali dabitur. modo vestra relinquite tecta [ ]
694 ac nostros comitate gradus et in ardua montis [ ]
695 ite simul.' parent et dis praeeuntibus ambo [ ]
696 membra levant baculis tardique senilibus annis [ ]
697 nituntur longo vestigia ponere divo. [ ]
698 tanto aberant summo quantum semel ire sagitta [ ]
699 missa potest; flexere oculos et mersa palude [ ]
700 cetera prospiciunt, tantum sua tecta manere. [ ]
701 dumque ea mirantur, dum deflent fata suorum, [ ]
702 illa vetus dominis etiam casa parva duobus [ ]
703 vertitur in templum; furcas subiere columnae, [ ]
704 stramina flavescunt aurataque tecta videntur [ ]
Publius Ovidius Naso: Forvandlinger, 8. bog (Rizzoli)
705 caelataeque fores adopertaque marmore tellus. [ ]
706 talia tum placido Saturnius edidit ore: [ ]?
707 'dicite, iuste senex et femina coniuge iusto [ ]
708 digna, quid optetis.' cum Baucide pauca locutus [ ]
709 iudicium superis aperit commune Philemon: [ ]
710 'esse sacerdotes delubraque vestra tueri [2]
711 poscimus, et quoniam concordes egimus annos, [ ]
712 auferat hora duos eadem, nec coniugis umquam [ ]
713 busta meae videam neu sim tumulandus ab illa.' [ ]
714 vota fides sequitur; templi tutela fuere, [ ]?
715 donec vita data est. annis aevoque soluti [ ]
716 ante gradus sacros cum starent forte locique [ ]
717 narrarent casus, frondere Philemona Baucis, [ ]
718 Baucida conspexit senior frondere Philemon. [ ]
719 iamque super geminos crescente cacumine vultus [ ]
720 mutua, dum licuit, reddebant dicta 'vale'que [ ]
721 'o coniunx' dixere simul, simul abdita texit [ ]
722 ora frutex. ostendit adhuc Thyneius illic [ ]
Publius Ovidius Naso: Forvandlinger, 8. bog (Rizzoli)
723 incola de gemino vicinos corpore truncos. [ ]?
724 haec mihi non vani (neque erat cur fallere vellent) [1]
725 narravere senes; equidem pendentia vidi [1]
726 serta super ramos ponensque recentia dixi: [ ]
727 "cura deum di sunt, et qui coluere coluntur."' [ ]
728 desierat, cunctosque et res et moverat auctor, [ ]
729 Thesea praecipue; quem facta audire volentem [ ]
730 mira deum innixus cubito Calydonius amnis [ ]
731 talibus adloquitur: 'sunt, o fortissime, quorum [ ]
732 forma semel mota est et in hoc renovamine mansit; [ ]
733 sunt quibus in plures ius est transire figuras, [ ]
734 ut tibi, complexi terram maris incola, Proteu. [ ]
735 nam modo te iuvenem, modo te videre leonem, [2]
736 nunc violentus aper, nunc quem tetigisse timerent [ ]
737 anguis eras; modo te faciebant cornua taurum; [ ]
738 saepe lapis poteras, arbor quoque saepe videri, [ ]
739 interdum faciem liquidarum imitatus aquarum [ ]
740 flumen eras, interdum undis contrarius ignis. [ ]
Publius Ovidius Naso: Forvandlinger, 8. bog (Rizzoli)
741 nec minus Autolyci coniunx, Erysicthone nata, [ ]
742 iuris habet; pater huius erat, qui numina divum [ ]
743 sperneret et nullos aris adoleret odores. [1]
744 ille etiam Cereale nemus violasse securi [ ]
745 dicitur et lucos ferro temerasse vetustos. [ ]
746 stabat in his ingens annoso robore quercus, [ ]?
747 una nemus; vittae mediam memoresque tabellae [ ]
748 sertaque cingebant, voti argumenta potentum. [ ]
749 saepe sub hac Dryades festas duxere choreas, [ ]
750 saepe etiam manibus nexis ex ordine trunci [ ]
751 circuiere modum, mensuraque roboris ulnas [ ]
752 quinque ter implebat, nec non et cetera tantum [ ]
753 silva sub hac, silva quantum fuit herba sub omni. [ ]
754 non tamen idcirco ferrum Triopeius illa [ ]
755 abstinuit famulosque iubet succidere sacrum [ ]
756 robur et, ut iussos cunctari vidit, ab uno [ ]?
757 edidit haec rapta sceleratus verba securi: [ ]
758 'non dilecta deae solum, sed et ipsa licebit [ ]
Publius Ovidius Naso: Forvandlinger, 8. bog (Rizzoli)
759 sit dea, iam tanget frondente cacumine terram.' [ ]
760 dixit et, obliquos dum telum librat in ictus, [ ]
761 contremuit gemitumque dedit Deoia quercus, [ ]
762 et pariter frondes, pariter pallescere glandes [ ]
763 coepere ac longi pallorem ducere rami. [ ]
764 cuius ut in trunco fecit manus impia vulnus, [ ]?
765 haud aliter fluxit discusso cortice sanguis [ ]
766 quam solet, ante aras ingens ubi victima taurus [ ]?
767 concidit, abrupta cruor e cervice profundi. [ ]
768 obstipuere omnes aliquisque ex omnibus audet [ ]
769 deterrere nefas saevamque inhibere bipennem; [ ]
770 aspicit hunc 'mentis' -que 'piae cape praemia!' dixit [ ]
771 Thessalus inque virum convertit ab arbore ferrum [ ]
772 detruncatque caput repetitaque robora caedit. [ ]
773 redditus e medio sonus est tum robore talis: [ ]
774 'nympha sub hoc ego sum Cereri gratissima ligno, [1]
775 quae tibi factorum poenas instare tuorum [ ]
776 vaticinor moriens, nostri solacia leti.' [ ]?
Publius Ovidius Naso: Forvandlinger, 8. bog (Rizzoli)
777 persequitur scelus ille suum, labefactaque tandem [ ]
778 ictibus innumeris adductaque funibus arbor [ ]
779 corruit et multam prostravit pondere silvam. [ ]
780 attonitae Dryades damno nemorumque suoque [ ]
781 omnes germanae Cererem cum vestibus atris [ ]
782 maerentes adeunt poenamque Erysicthonis orant. [ ]
783 adnuit his capitis -que sui pulcherrima motu [ ]
784 concussit gravidis oneratos messibus agros [ ]
785 moliturque genus poenae miserabile, si non [ ]
786 ille suis esset nulli miserabilis actis, [ ]
787 pestifera lacerare Fame. quae quatenus ipsi [ ]
788 non adeunda deae est (neque enim Cereremque Famemque [ ]
789 fata coire sinunt), montani numinis unam [ ]?
790 talibus agrestem compellat Oreada dictis: [ ]
791 'est locus extremis Scythiae glacialis in oris, [ ]
792 triste solum, sterilis sine fruge, sine arbore tellus. [ ]
793 Frigus iners illic habitant Pallorque Tremorque [ ]
Publius Ovidius Naso: Forvandlinger, 8. bog (Rizzoli)
794 et ieiuna Fames; ea se in praecordia condat [1]?
795 sacrilegi scelerata iube, nec copia rerum [ ]
796 vincat eam superetque meas certamine vires. [ ]
797 neve viae spatium te terreat, accipe currus, [ ]
798 accipe quos frenis alte moderere dracones' [ ]?
799 et dedit; illa dato subvecta per aera curru [ ]
800 devenit in Scythiam rigidique cacumine montis [ ]
801 (Caucason appellant) serpentum colla levavit, [ ]
802 quaesitamque Famem lapidoso vidit in agro [2]
803 unguibus et raras vellentem dentibus herbas. [ ]
804 hirtus erat crinis, cava lumina, pallor in ore, [ ]
805 labra incana situ, scabrae rubigine fauces, [ ]
806 dura cutis, per quam spectari viscera possent; [ ]?
807 ossa sub incurvis exstabant arida lumbis, [ ]
808 ventris erat pro ventre locus; pendere putares [ ]
809 pectus et a spinae tantummodo crate teneri; [2]
810 auxerat articulos macies genuumque tumebat [ ]
811 orbis et immodico prodibant tubere tali. [ ]?
Publius Ovidius Naso: Forvandlinger, 8. bog (Rizzoli)
812 hanc procul ut vidit (neque enim est accedere iuxta [ ]
813 ausa), refert mandata deae paulumque morata, [ ]
814 quamquam aberat longe, quamquam modo venerat illuc, [ ]
815 visa tamen sensisse famem est retroque dracones [ ]
816 egit in Haemoniam versis sublimis habenis. [ ]
817 dicta Fames Cereris, quamvis contraria semper [ ]
818 illius est operi, peragit perque aera vento [ ]
819 ad iussam delata domum est et protinus intrat [2]
820 sacrilegi thalamos altoque sopore solutum [ ]
821 (noctis enim tempus) geminis amplectitur ulnis [ ]
822 seque viro inspirat faucesque et pectus et ora [ ]
823 adflat et in vacuas spargit ieiunia venis, [ ]
824 functaque mandato fecundum deserit orbem [ ]?
825 inque domos inopes adsueta revertitur arva. [ ]
826 lenis adhuc Somnus placidis Erysicthona pennis [ ]
827 mulcebat; petit ille dapes sub imagine somni [ ]
828 oraque vana movet dentemque in dente fatigat [ ]
829 exercetque cibo delusum guttur inani [ ]?
Publius Ovidius Naso: Forvandlinger, 8. bog (Rizzoli)
830 proque epulis tenues nequiquam devorat auras. [ ]
831 ut vero est expulsa quies, fuit ardor edendi [ ]
832 perque avidas fauces incensaque viscera regnat. [ ]
833 nec mora, quod pontus, quod terra, quod educat aer [ ]
834 poscit et appositis queritur ieiunia mensis [ ]
835 inque epulis epulas quaerit; quodque urbibus esse [ ]
836 quodque satis poterat populo non sufficit uni, [ ]
837 plusque cupit, quo plura suam demittit in alvum. [ ]
838 utque fretum recipit de tota flumine terra [ ]?
839 nec satiatur aquis peregrinosque ebibit amnes, [ ]
840 utque rapax ignis non umquam alimenta recusat [ ]
841 innumerasque faces cremat et, quo copia maior [ ]
842 est data, plura petit turbaque voracior ipsa est, [ ]
843 sic epulas omnes Erysicthonis ora profani [ ]
844 accipiunt poscuntque simul; cibus omnis in illo [ ]
845 causa cibi est, semperque locus fit inanis edendo. [ ]
846 iamque fame patrias altique voragine ventris [ ]
847 attenuarat opes, sed in attenuata manebat [ ]
Publius Ovidius Naso: Forvandlinger, 8. bog (Rizzoli)
848 tum quoque dira fames implacataeque vigebat [2]?
849 flamma gulae. tandem, demisso in viscera censu, [ ]
850 filia restabat, non illo digna parente. [ ]
851 hanc quoque vendit inops. dominum generosa recusat [ ]
852 et vicina suas tendens super aequora palmas [ ]
853 'eripe me domino, qui raptae praemia nobis [ ]?
854 virginitatis habes' ait. haec Neptunus habebat, [ ]
855 qui prece non spreta, quamvis modo visa sequenti [ ]?
856 esset ero, formamque novat vultumque virilem [ ]
857 induit et cultus piscem capientibus aptos. [ ]
858 hanc dominus spectans 'o qui pendentia parvo [ ]
859 aera cibo celas, moderator harundinis' inquit, [2]
860 'sic mare compositum, sic sit tibi piscis in unda [ ]
861 credulus et nullos nisi fixus sentiat hamos: [ ]
862 quae modo cum vili turbatis veste capillis [ ]
863 litore in hoc steterat (nam stantem in litore vidi) [ ]
864 dic ubi sit; neque enim vestigia longius exstant.' [ ]
Publius Ovidius Naso: Forvandlinger, 8. bog (Rizzoli)
865 illa dei munus bene cedere sensit et a se [ ]
866 se quaeri gaudens his est resecuta rogantem: [ ]
867 'quisquis es, ignoscas; in nullam lumina partem [ ]
868 gurgite ab hoc flexi studioque operatus inhaesi. [ ]
869 quoque minus dubites, sic has deus aequoris artes [ ]
870 adiuvet, ut nemo iamdudum litore in isto [ ]
871 me tamen excepto nec femina constitit ulla.' [ ]
872 credidit et verso dominus pede pressit harenam [ ]
873 elususque abiit; illi sua reddita forma est. [ ]
874 ast ubi habere suam transformia corpora sensit, [ ]
875 saepe pater dominis Triopeida tradit, at illa [ ]
876 nunc equa, nunc ales, modo bos, modo cervus abibat [ ]
877 praebebatque avido non iusta alimenta parenti. [ ]
878 vis tamen illa mali postquam consumpserat omnem [ ]
879 materiam deerantque gravi nova pabula morbo, [ ]
880 ipse suos artus lacero divellere morsu [1]
881 coepit et infelix minuendo corpus alebat. [ ]
882 quid moror externis? etiam mihi nempe novandi est [ ]
Publius Ovidius Naso: Forvandlinger, 8. bog (Rizzoli)
883 corporis, o iuvenis, numero finita potestas. [1]
884 nam modo qui nunc sum videor, modo flector in anguem, [ ]
885 armenti modo dux vires in cornua sumo - [ ]
886 cornua, dum potui. nunc pars caret altera telo [ ]
887 frontis, ut ipse vides.' gemitus sunt verba secuti. [ ]
_____________________________________________________________________________..
= file n. 214 - 22:19 minuti
Publius Ovidius Naso: Forvandlinger, 9. bog (Rizzoli) .
1 Quae gemitus truncaeque deo Neptunius heros [ ]
2 causa rogat frontis, cui sic Calydonius amnis [ ]
3 coepit, inornatos redimitus harundine crines: [ ]
4 'triste petis munus. quis enim sua proelia victus [ ]
5 commemorare velit? referam tamen ordine, nec tam [ ]
6 turpe fuit vinci quam contendisse decorum est, [ ]
7 magnaque dat nobis tantus solacia victor. [ ]
8 nomine si qua suo fando pervenit ad aures [ ]
9 Deianira tuas, quondam pulcherrima virgo [ ]
10 multorumque fuit spes invidiosa procorum. [ ]
11 cum quibus ut soceri domus est intrata petiti, [ ]
12 'accipe me generum' dixi, 'Porthaeone nate.' [ ]
13 dixit et Alcides: alii cessere duobus. [ ]?
14 ille Iovem socerum dare se famamque laborum, [2]
15 et superata suae referebat iussa novercae. [ ]
16 contra ego 'turpe deum mortali cedere' dixi [ ]?
17 (nondum erat ille deus); 'dominum me cernis aquarum [ ]
Publius Ovidius Naso: Forvandlinger, 9. bog (Rizzoli)
18 cursibus obliquis inter tua regna fluentum. [ ]?
19 nec genere externis hospes tibi missus ab oris [ ]
20 sed popularis ero et rerum pars una tuarum. [ ]
21 tantum ne noceat quod me nec regia Iuno [ ]
22 odit et omnis abest iussorum poena laborum. [ ]
23 nam, quo te iactas, Alcmena nate, creatum, [ ]
24 Iuppiter aut falsus pater est aut crimine verus. [ ]
25 matris adulterio patrem petis; elige, fictum [ ]
26 esse Iovem malis an te per dedecus ortum.' [ ]
27 talia dicentem iamdudum lumine torvo [ ]
28 spectat et accensae non fortiter imperat irae [ ]
29 verbaque tot reddit: 'melior mihi dextera lingua. [ ]
30 dummodo pugnando superem, tu vince loquendo' [ ]
31 congrediturque ferox. puduit modo magna locutum [ ]
32 cedere; reieci viridem de corpore vestem [2]?
33 bracchiaque opposui tenuique a pectore varas [ ]?
34 in statione manus et pugnae membra paravi. [ ]
35 ille cavis hausto spargit me pulvere palmis [ ]
Publius Ovidius Naso: Forvandlinger, 9. bog (Rizzoli)
36 inque vicem fulvae tactu flavescit harenae; [ ]?
37 et modo cervicem, modo crura micantia captat, [ ]
38 aut captare putes, omnique a parte lacessit. [ ]?
39 me mea defendit gravitas frustraque petebar, [ ]
40 haud secus ac moles, quam magno murmure fluctus [ ]
41 oppugnant; manet illa suo -que est pondere tuta. [ ]
42 digredimur paulum rursusque ad bella coimus [ ]
43 inque gradu stetimus certi non cedere; eratque [ ]
44 cum pede pes iunctus, totoque ego pectore pronus [1]
45 et digitos digitis et frontem fronte premebam. [ ]
46 non aliter vidi fortes concurrere tauros, [ ]
47 cum pretium pugnae toto nitidissima saltu [1]
48 expetitur coniunx; spectant armenta paventque, [ ]
49 nescia quem maneat tanti victoria regni. [ ]
50 ter sine profectu voluit nitentia contra [ ]
51 reicere Alcides a se mea pectora; quarto [1]?
52 excutit amplexus adductaque bracchia solvit [ ]
53 impulsumque manu (certum est mihi vera fateri) [ ]
Publius Ovidius Naso: Forvandlinger, 9. bog (Rizzoli)
54 protinus avertit tergoque onerosus inhaesit. [ ]
55 si qua fides (neque enim ficta mihi gloria voce [ ]
56 quaeritur), imposito pressus mihi monte videbar. [ ]
57 vix tamen inserui sudore fluentia multo [ ]?
58 bracchia, vix solui duros a corpore nexus; [ ]?
59 instat anhelanti prohibetque resumere vires [ ]
60 et cervice mea potitur. tum denique tellus [ ]
61 pressa genu nostro est, et harenas ore momordi. [2]
62 inferior virtute meas devertor ad artes [ ]
63 elaborque viro longum formatus in anguem. [ ]
64 qui postquam flexos sinuavi corpus in orbes [ ]
65 cumque fero movi linguam stridore bisulcam, [2]
66 risit et inludens nostras Tirynthius artes [ ]
67 'cunarum labor est angues superare mearum' [ ]
68 dixit, 'et ut vincas alios, Acheloe, dracones, [ ]
69 pars quota Lernaeae serpens eris unus echidnae? [ ]
70 vulneribus fecunda suis erat illa, nec ullum [ ]
71 de comitum numero caput est impune recisum, [ ]
Publius Ovidius Naso: Forvandlinger, 9. bog (Rizzoli)
72 quin gemino cervix herede valentior esset. [2]
73 hanc ego ramosam natis e caede colubris [2]?
74 crescentemque malo domui domitamque reduxi. [ ]
75 quid fore te credis, falsum qui versus in anguem [2]
76 arma aliena moves, quem forma precaria celat?' [ ]
77 dixerat et summo digitorum vincula collo [ ]
78 inicit; angebat ceu guttura forcipe pressus [ ]
79 pollicibusque meas pugnabam evellere fauces. [ ]?
80 sic quoque devicto restabat tertia tauri [ ]
81 forma trucis; tauro mutatus membra rebello. [ ]?
82 induit ille toris a laeva parte lacertos [ ]?
83 admissumque trahens sequitur depressaque dura [ ]
84 cornua figit humo meque alta sternit harena. [ ]?
85 nec satis hoc fuerat; rigidum fera dextera cornu, [ ]
86 dum tenet, infregit truncaque a fronte revellit. [ ]?
Publius Ovidius Naso: Forvandlinger, 9. bog (Rizzoli)
87 Naides hoc pomis et odoro flore repletum [2]?
88 sacrarunt, divesque meo Bona Copia cornu est.' [ ]
89 dixerat, et nymphe ritu succincta Dianae, [1]
90 una ministrarum, fusis utrimque capillis, [ ]
91 incessit totumque tulit praedivite cornu [ ]
92 autumnum et mensas, felicia poma, secundas. [ ]
93 lux subit et primo feriente cacumina sole [ ]?
94 discedunt iuvenes; neque enim dum flumina pacem [ ]
95 et placidos habeant lapsus totaeque residant [ ]
96 opperiuntur aquae. vultus Achelous agrestes [ ]
97 et lacerum cornu mediis caput abdidit undis. [ ]
98 huic tamen ablati doluit iactura decoris, [ ]?
99 cetera sospes habet; capitis quoque fronde saligna [ ]
100 aut superimposita celatur harundine damnum. [2]?
101 at te, Nesse ferox, eiusdem virginis ardor [ ]
102 perdiderat volucri traiectum terga sagitta. [ ]?
103 namque nova repetens patrios cum coniuge muros [ ]
Publius Ovidius Naso: Forvandlinger, 9. bog (Rizzoli)
104 venerat Eueni rapidas Iove natus ad undas. [2]?
105 uberior solito nimbis hiemalibus auctus [ ]
106 verticibusque frequens erat atque impervius amnis. [ ]
107 intrepidum pro se, curam de coniuge agentem [ ]?
108 Nessus adit membrisque valens scitusque vadorum [ ]
109 'officio'que 'meo ripa sistetur in illa [ ]?
110 haec' ait, 'Alcide; tu viribus utere nando.' [1]?
111 pallentemque metu fluviumque ipsumque timentem [ ]
112 tradidit Aonius pavidam Calydonida Nesso; [ ]
113 mox, ut erat, pharetraque gravis spolioque leonis [ ]
114 nam clavam et curvos trans ripam miserat arcus [ ]
115 'quandoquidem coepi, superentur flumina' dixit; [ ]
116 nec dubitat nec qua sit clementissimus amnis [ ]
117 quaerit et obsequio deferri spernit aquarum. [ ]?
118 iamque tenens ripam, missos cum tolleret arcus, [ ]
119 coniugis agnovit vocem Nessoque paranti [ ]
120 fallere depositum 'quo te fiducia' clamat [ ]?
121 'vana pedum, violente, rapit? tibi, Nesse biformis, [ ]
Publius Ovidius Naso: Forvandlinger, 9. bog (Rizzoli)
122 dicimus; exaudi, nec res intercipe nostras. [ ]
123 si te nulla mei reverentia movit, at orbes [ ]
124 concubitus vetitos poterant inhibere paterni. [ ]
125 haud tamen effugies, quamvis ope fidis equina; [ ]
126 vulnere, non pedibus te consequar.' ultima dicta [ ]
127 re probat et missa fugientia terga sagitta [ ]
128 traicit; exstabat ferrum de pectore aduncum. [ ]
129 quod simul evulsum est, sanguis per utrumque foramen [ ]
130 emicuit, mixtus Lernaei tabe veneni. [ ]
131 excipit hunc Nessus 'neque enim moriemur inulti' [ ]
132 secum ait et calido velamina tincta cruore [1]?
133 dat munus raptae velut inritamen amoris. [ ]
134 longa fuit medii mora temporis, actaque magni [ ]
135 Herculis implerant terras odiumque novercae. [ ]
136 victor ab Oechalia Cenaeo sacra parabat [ ]?
137 vota Iovi, cum Fama loquax praecessit ad aures, [ ]
138 Deianira, tuas, quae veris addere falsa [ ]?
139 gaudet et e minimo sua per mendacia crescit, [ ]
Publius Ovidius Naso: Forvandlinger, 9. bog (Rizzoli)
140 Amphitryoniaden Ioles ardore teneri. [ ]
141 credit amans Venerisque novae perterrita fama [ ]
142 indulsit primo lacrimis flendoque dolorem [1]
143 diffudit miseranda suum; mox deinde 'quid autem [ ]
144 flemus?' ait 'paelex lacrimis laetabitur istis. [ ]
145 quae quoniam adveniet, properandum aliquidque novandum est, [ ]
146 dum licet et nondum thalamos tenet altera nostros. [ ]
147 conquerar an sileam? repetam Calydona morerne? [ ]
148 excedam tectis an, si nihil amplius, obstem? [ ]
149 quid si me, Meleagre, tuam memor esse sororem [ ]?
150 forte paro facinus, quantumque iniuria possit [ ]
151 femineusque dolor, iugulata paelice testor?' [2]
152 in cursus animus varios abit; omnibus illis [ ]
153 praetulit imbutam Nesseo sanguine vestem [ ]?
154 mittere, quae vires defecto reddat amori. [ ]
155 ignaroque Lichae quid tradat nescia luctus [1]
156 ipsa suos tradit blandisque miserrima verbis [ ]
157 dona det illa viro mandat. capit inscius heros [ ]
Publius Ovidius Naso: Forvandlinger, 9. bog (Rizzoli)
158 induiturque umeris Lernaeae virus echidnae. [ ]
159 tura dabat primis et verba precantia flammis [2]
160 vinaque marmoreas patera fundebat in aras; [ ]
161 incaluit vis illa mali resolutaque flammis [ ]
162 Herculeos abiit late dilapsa per artus [ ]?
163 dum potuit, solita gemitum virtute repressit; [ ]
164 victa malis postquam est patientia, reppulit aras [ ]
165 implevitque suis nemorosam vocibus Oeten. [ ]
166 nec mora, letiferam conatur scindere vestem; [ ]
167 qua trahitur, trahit illa cutem, foedumque relatu, [ ]
168 aut haeret membris frustra temptata revelli [ ]
169 aut laceros artus et grandia detegit ossa. [ ]
170 ipse cruor, gelido ceu quondam lammina candens [ ]
171 tincta lacu, stridit coquiturque ardente veneno. [2]
172 nec modus est, sorbent avidae praecordia flammae [ ]
173 caeruleusque fluit toto de corpore sudor [ ]?
174 ambustique sonant nervi, caecaque medullis [ ]
175 tabe liquefactis tollens ad sidera palmas [ ]
Publius Ovidius Naso: Forvandlinger, 9. bog (Rizzoli)
176 'cladibus,' exclamat 'Saturnia, pascere nostris, [ ]
177 pascere et hanc pestem specta, crudelis, ab alto [ ]?
178 corque ferum satia. vel si miserandus et hostis, [ ]
179 hoc est, si tibi sum, diris cruciatibus aegram [ ]
180 invisamque animam natamque laboribus aufer. [ ]
181 mors mihi munus erit; decet haec dare dona novercam. [ ]
182 ergo ego foedantem peregrino templa cruore [2]
183 Busirin domui saevoque alimenta parentis [ ]
184 Antaeo eripui nec me pastoris Hiberi [ ]
185 forma triplex nec forma triplex tua, Cerbere, movit. [ ]
186 vosne, manus, validi pressistis cornua tauri? [ ]
187 vestrum opus Elis habet, vestrum Stymphalides undae [ ]
188 Partheniumque nemus, vestra virtute relatus [ ]
189 Thermodontiaco caelatus balteus auro [ ]
190 pomaque ab insomni concustodita dracone. [ ]
191 nec mihi Centauri potuere resistere nec mi [ ]
192 Arcadiae vastator aper, nec profuit hydrae [ ]
193 crescere per damnum geminasque resumere vires. [ ]
Publius Ovidius Naso: Forvandlinger, 9. bog (Rizzoli)
194 quid, cum Thracis equos humano sanguine pingues [ ]?
195 plenaque corporibus laceris praesepia vidi [ ]
196 visaque deieci dominumque ipsosque peremi? [ ]
197 his elisa iacet moles Nemeaea lacertis, [1]
198 hac caelum cervice tuli. defessa iubendo est [ ]?
199 saeva Iovis coniunx; ego sum indefessus agendo. [ ]
200 sed nova pestis adest, cui nec virtute resisti [ ]
201 nec telis armisque potest; pulmonibus errat [ ]?
202 ignis edax imis perque omnes pascitur artus. [ ]
203 at valet Eurystheus! et sunt qui credere possint [ ]
204 esse deos?' dixit perque altam saucius Oeten [ ]
205 haud aliter graditur, quam si venabula taurus [ ]?
206 corpore fixa gerat factique refugerit auctor. [ ]
207 saepe illum gemitus edentem, saepe frementem, [ ]?
208 saepe retemptantem totas infringere vestes [ ]
209 sternentemque trabes irascentemque videres [ ]?
210 montibus aut patrio tendentem bracchia caelo. [ ]
211 ecce Lichan trepidum latitantem rupe cavata [ ]
Publius Ovidius Naso: Forvandlinger, 9. bog (Rizzoli)
212 aspicit, utque dolor rabiem conlegerat omnem, [ ]
213 'tune, Licha' dixit, 'feralia dona dedisti? [ ]
214 tune meae necis auctor eris?' tremit ille pavetque [ ]
215 pallidus et timide verba excusantia dicit; [ ]
216 dicentem genibusque manus adhibere parantem [ ]
217 corripit Alcides et terque quaterque rotatum [ ]?
218 mittit in Euboicas tormento fortius undas. [ ]
219 ille per aerias pendens induruit auras, [ ]
220 utque ferunt imbres gelidis concrescere ventis, [ ]
221 inde nives fieri, nivibus quoque molle rotatis [ ]
222 adstringi et spissa glomerari grandine corpus, [1]
223 sic illum validis iactum per inane lacertis [ ]
224 exsanguemque metu nec quicquam umoris habentem [ ]
225 in rigidos versum silices prior edidit aetas. [ ]
226 nunc quoque in Euboico scopulus brevis eminet alto [ ]
227 gurgite et humanae servat vestigia formae, [2]
228 quem, quasi sensurum, nautae calcare verentur [ ]
229 appellantque Lichan. at tu, Iovis inclita proles, [ ]
Publius Ovidius Naso: Forvandlinger, 9. bog (Rizzoli)
230 arboribus caesis quas ardua gesserat Oete [ ]
231 inque pyram structis, arcum pharetramque capacem [ ]
232 regnaque visuras iterum Troiana sagittas [2]?
233 ferre iubes Poeante satum, quo flamma ministro est [ ]
234 subdita; dumque avidis comprenditur ignibus agger, [ ]
235 congeriem silvae Nemeaeo vellere summam [ ]
236 sternis et imposita clavae cervice recumbis, [ ]?
237 haud alio vultu, quam si conviva iaceres [ ]
238 inter plena meri redimitus pocula sertis. [ ]
239 iamque valens et in omne latus diffusa sonabat [ ]
240 securosque artes contemptoremque petebat [ ]
241 flamma suum; timuere dei pro vindice terrae. [ ]?
242 quos ita (sensit enim) laeto Saturnius ore [ ]?
243 Iuppiter adloquitur: 'nostra est timor iste voluptas, [ ]
Publius Ovidius Naso: Forvandlinger, 9. bog (Rizzoli)
244 o superi, totoque libens mihi pectore grator, [2]
245 quod memoris populi dicor rectorque paterque [1]
246 et mea progenies vestro quoque tuta favore est. [ ]
247 nam quamquam ipsius datur hoc immanibus actis, [ ]
248 obligor ipse tamen. sed enim ne pectora vano [ ]
249 fida metu paveant, Oetaeas spernite flammas. [ ]
250 omnia qui vicit vincet quos cernitis ignes, [ ]
251 nec nisi materna Vulcanum parte potentem [ ]
252 sentiet; aeternum est a me quod traxit et expers [ ]
253 atque immune necis nullaque domabile flamma, [ ]
254 idque ego defunctum terra caelestibus oris [ ]
255 accipiam cunctisque meum laetabile factum [ ]
256 dis fore confido. si quis tamen Hercule, si quis [1]?
257 forte deo doliturus erit, data praemia nolet, [ ]
258 sed meruisse dari sciet invitusque probabit.' [ ]
259 adsensere dei; coniunx quoque regia visa est [ ]
Publius Ovidius Naso: Forvandlinger, 9. bog (Rizzoli)
260 cetera non duro, duro tamen ultima vultu [1]?
261 dicta tulisse Iovis seque indoluisse notatam. [ ]
262 interea quodcumque fuit populabile flammae [ ]
263 Mulciber abstulerat, nec cognoscenda remansit [ ]
264 Herculis effigies, nec quidquam ab imagine ductum [ ]
265 matris habet, tantumque Iovis vestigia servat. [ ]
266 utque novus serpens posita cum pelle senecta [ ]
267 luxuriare solet squamaque nitere recenti, [1]
268 sic, ubi mortales Tirynthius exuit artus, [ ]
269 parte sui meliore viget maiorque videri [ ]
270 coepit et augusta fieri gravitate verendus. [ ]
271 quem pater omnipotens inter cava nubila raptum [ ]
272 quadriiugo curru radiantibus intulit astris. [ ]
= file n. 215 - 14:19 minuti
273 sensit Atlas pondus; neque adhuc Stheneleius iras [ ]
274 solverat Eurystheus odiumque in prole paternum [ ]
275 exercebat atrox. at longis anxia curis [ ]
276 Argolis Alcmene, questus ubi ponat aniles, [ ]?
277 cui referat nati testatos orbe labores [ ]?
Publius Ovidius Naso: Forvandlinger, 9. bog (Rizzoli)
278 cuive suos casus, Iolen habet; Herculis illam [ ]?
279 imperiis thalamoque animo -que receperat Hyllus [ ]
280 impleratque uterum generoso semine. cui sic [2]
281 incipit Alcmene: 'faveant tibi numina saltem [ ]?
282 corripiantque moras, tum cum matura vocabis [ ]
283 praepositam timidis parientibus Ilithyiam, [u]
284 quam mihi difficilem Iunonis gratia fecit. [ ]
285 namque laboriferi cum iam natalis adesset [ ]
286 Herculis et decimum premeretur sidere signum, [ ]
287 tendebat gravitas uterum mihi, quodque ferebam [ ]
288 tantum erat ut posses auctorem dicere tecti [ ]
289 ponderis esse Iovem. nec iam tolerare labores [ ]
290 ulterius poteram; quin nunc quoque frigidus artus, [ ]
291 dum loquor, horror habet, parsque est meminisse doloris. [ ]
292 septem ego per noctes, totidem cruciata diebus, [ ]
293 fessa malis tendens -que ad caelum bracchia magno [ ]
294 Lucinam Nixusque pares clamore vocabam. [ ]
295 illa quidem venit, sed praecorrupta meumque [ ]
Publius Ovidius Naso: Forvandlinger, 9. bog (Rizzoli)
296 quae donare caput Iunoni vellet iniquae. [1]?
297 utque meos audit gemitus, subsedit in illa [ ]
298 ante fores ara dextroque a poplite laevum [2]?
299 pressa genu et digitis inter se pectine iunctis [ ]
300 sustinuit partus; tacita quoque carmina voce [ ]
301 dixit et inceptos tenuerunt carmina partus. [ ]
302 nitor et ingrato facio convicia demens [ ]?
303 vana Iovi cupioque mori moturaque duros [1]?
304 verba queror silices; matres Cadmeides adsunt [ ]
305 votaque suscipiunt exhortanturque dolentem. [ ]
306 una ministrarum, media de plebe, Galanthis [ ]
307 flava comas, aderat, faciendis strenua iussis, [ ]
308 officiis dilecta suis. ea sensit iniqua [ ]
309 nescioquid Iunone geri, dumque exit et intrat [2]
310 saepe fores, divam residentem vidit in ara [ ]
311 bracchiaque in genibus digitis conexa tenentem [ ]
312 et 'quaecumque es' ait, 'dominae gratare; levata est [ ]
313 Argolis Alcmene potiturque puerpera voto.' [ ]?
Publius Ovidius Naso: Forvandlinger, 9. bog (Rizzoli)
314 exsiluit iunctasque manus pavefacta remisit [ ]
315 diva potens uteri; vinclis levor ipsa remissis. [ ]
316 numine decepto risisse Galanthida fama est; [ ]?
317 ridentem prensamque ipsis dea saeva capillis [ ]
318 traxit et e terra corpus relevare volentem [ ]
319 arcuit inque pedes mutavit bracchia primos. [ ]
320 strenuitas antiqua manet, nec terga colorem [ ]
321 amisere suum; forma est diversa priori. [ ]
322 quae quia mendaci parientem iuverat ore, [ ]?
323 ore parit nostrasque domos, ut et ante, frequentat.' [ ]
324 dixit et admonitu veteris commota ministrae [ ]
325 ingemuit; quam sic nurus est adfata dolentem: [ ]
326 'te tamen, o genetrix, alienae sanguine vestro [ ]
327 rapta movet facies. quid si tibi mira sororis [ ]
328 fata meae referam? quamquam lacrimaeque dolorque [ ]
329 impediunt prohibentque loqui. fuit unica matri [ ]
330 (me pater ex alia genuit) notissima forma [ ]
331 Oechalidum Dryope, quam virginitate carentem [ ]
Publius Ovidius Naso: Forvandlinger, 9. bog (Rizzoli)
332 vimque dei passam Delphos Delonque tenentis [ ]
333 excipit Andraemon et habetur coniuge felix. [ ]
334 est lacus adclivis devexo margine formam [ ]
335 litoris efficiens; summum myrteta coronant. [ ]
336 venerat huc Dryope fatorum nescia, quoque [ ]?
337 indignere magis, nymphis latura coronas; [ ]
338 inque sinu puerum, qui nondum impleverat annum, [ ]
339 dulce ferebat onus tepidique ope lactis alebat. [ ]
340 haud procul a stagno Tyrios imitata colores [ ]
341 in spem bacarum florebat aquatica lotos. [2]
342 carpserat hinc Dryope quos oblectamina nato [ ]?
343 porrigeret flores, et idem factura videbar [1]
344 (namque aderam); vidi guttas e flore cruentas [ ]?
345 decidere et tremulo ramos horrore moveri. [1]
346 scilicet, ut referunt tardi nunc denique agrestes, [ ]
347 Lotis in hanc nymphe fugiens obscena Priapi [ ]
348 contulerat versos, servato nomine, vultus. [ ]?
349 nescierat soror hoc. quae cum perterrita retro [ ]
Publius Ovidius Naso: Forvandlinger, 9. bog (Rizzoli)
350 ire et adoratis vellet discedere nymphis, [2]
351 haeserunt radice pedes; convellere pugnat [2]
352 nec quidquam nisi summa movet. subcrescit ab imo [ ]
353 totaque paulatim lentus premit inguina cortex. [ ]
354 ut vidit, conata manu laniare capillos [2]
355 fronde manum implevit; frondes caput omne tenebant. [ ]
356 at puer Amphissos (namque hoc avus Eurytus illi [ ]
357 addiderat nomen) materna rigescere sentit [ ]
358 ubera, nec sequitur ducentem lacteus umor. [ ]
359 spectatrix aderam fati crudelis opemque [ ]?
360 non poteram tibi ferre, soror; quantumque valebam, [ ]
361 crescentem truncum ramosque amplexa morabar [ ]
362 et, fateor, volui sub eodem cortice condi. [ ]
363 ecce vir Andraemon genitorque miserrimus adsunt [ ]
364 et quaerunt Dryopen; Dryopen quaerentibus illis [ ]
365 ostendi loton. tepido dant oscula ligno [ ]
Publius Ovidius Naso: Forvandlinger, 9. bog (Rizzoli)
366 adfusique suae radicibus arboris haerent. [1]
367 nil nisi iam faciem, quod non foret arbor, habebat [ ]
368 cara soror; lacrimae misero de corpore factis [1]
369 inrorant foliis ac, dum licet oraque praestant [ ]
370 vocis iter, tales effundit in aera questus: [1]
371 'si qua fides miseris, hoc me per numina iuro [ ]
372 non meruisse nefas; patior sine crimine poenam [ ]
373 viximus innocuae; si mentior, arida perdam [ ]
374 quas habeo frondes et caesa securibus urar. [ ]
375 hunc tamen infantem maternis demite ramis [ ]
376 et date nutrici; nostraque sub arbore saepe [2]?
377 lac facitote bibat nostraque sub arbore ludat, [ ]
378 cumque loqui poterit, matrem facitote salutet [ ]
379 et tristis dicat: 'latet hoc in stipite mater.' [ ]
380 stagna tamen timeat nec carpat ab arbore flores [ ]
381 et frutices omnes corpus putet esse dearum. [ ]
382 care vale coniunx et tu, germana, paterque; [ ]
383 qui, si qua est pietas, ab acutae vulnere falcis, [ ]
Publius Ovidius Naso: Forvandlinger, 9. bog (Rizzoli)
384 a pecoris morsu frondes defendite nostras. [ ]
385 et quoniam mihi fas ad vos incumbere non est, [ ]
386 erigite huc artus et ad oscula nostra venite, [ ]
387 dum tangi possunt, parvumque attollite natum. [ ]
388 plura loqui nequeo; nam iam per candida mollis [ ]
389 colla liber serpit, summoque cacumine condor. [ ]
390 ex oculis removete manus; sine munere vestro [ ]
391 contegat inductus morientia lumina cortex.' [ ]
392 desierant simul ora loqui, simul esse; diuque [ ]
393 corpore mutato rami caluere recentes.' [2]?
394 dumque refert Iole factum mirabile, dumque [ ]
395 Eurytidos lacrimas admoto pollice siccat [ ]?
396 Alcmene (flet et ipsa tamen), compescuit omnem [ ]?
397 res nova tristitiam. nam limine constitit alto [ ]
398 paene puer dubiaque tegens lanugine malas [ ]
399 ora reformatus primos Iolaus in annos. [1]
Publius Ovidius Naso: Forvandlinger, 9. bog (Rizzoli)
400 hoc illi dederat Iunonia muneris Hebe, [ ]
401 victa viri precibus; quae cum iurare pararet [ ]
402 dona tributuram post hunc se talia nulli, [2]
403 non est passa Themis. 'nam iam discordia Thebae [ ]
404 bella movent' dixit, 'Capaneusque nisi ab Iove vinci [ ]
405 haud poterit, fientque pares in vulnere fratres, [ ]
406 subductaque suos manes tellure videbit [ ]
407 vivus adhuc vates, ultusque parente parentem [ ]?
408 natus erit facto pius et sceleratus eodem, [ ]
409 attonitusque malis, exul mentisque domusque, [ ]
410 vultibus Eumenidum matrisque agitabitur umbris, [ ]
411 donec eum coniunx fatale poposcerit aurum [2]
412 cognatumque latus Phegeius hauserit ensis. [1]
413 tum demum magno petet hos Acheloia supplex [ ]
414 ab Iove Calliroe natis infantibus annos; [ ]
415 neve necem sinat esse diu victoris inultam. [ ]
416 Iuppiter his motus privignae dona nurusque [ ]
417 praecipiet facietque viros impubibus annis.' [ ]
Publius Ovidius Naso: Forvandlinger, 9. bog (Rizzoli)
418 haec ubi faticano venturo praescia dixit [ ]?
419 ore Themis, vario superi sermone fremebant [ ]
420 et cur non aliis eadem dare dona liceret [ ]
421 murmur erat. queritur veteres Pallantias annos [ ]
422 coniugis esse sui; queritur canescere mitis [ ]
423 Iasiona Ceres; repetitum Mulciber aevum [ ]
424 poscit Ericthonio; Venerem quoque cura futuri [ ]
425 tangit et Anchisae renovare paciscitur annos. [ ]
426 cui studeat deus omnis habet, crescitque favore [ ]
427 turbida seditio, donec sua Iuppiter ora [ ]?
428 solvit et 'o nostri si qua est reverentia' dixit, [ ]?
429 'quo ruitis? tantumne aliquis sibi posse videtur [ ]
430 fata quoque ut superet? fatis Iolaus in annos, [1]
431 quos egit, rediit; fatis iuvenescere debent [ ]
432 Calliroe geniti, non ambitione nec armis. [ ]?
433 vos etiam, quoque hoc animo meliore feratis, [1]?
434 me quoque fata regunt. quae si mutare valerem, [ ]?
435 nec nostrum seri curvarent Aeacon anni, [ ]
Publius Ovidius Naso: Forvandlinger, 9. bog (Rizzoli)
436 perpetuumque aevi florem Rhadamanthos haberet [ ]?
437 cum Minoe meo, qui propter amara senectae [u]?
438 pondera despicitur nec quo prius ordine regnat.' [ ]
439 dicta Iovis movere deos; nec sustinet ullus, [ ]
440 cum videat fessos Rhadamanthos et Aeacon annis [ ]
441 et Minoa, queri; qui, dum fuit integer aevi, [u]?
442 terruerat magnas ipso quoque nomine gentes. [ ]
443 tunc erat invalidus Deionidenque iuventae [u]
444 robore Miletum Phoeboque parente superbum [2]
445 pertimuit credensque suis insurgere regnis [ ]
446 haud tamen est patriis arcere Penatibus ausus. [ ]
= file n. 216 - 17:30 minuti
447 sponte fugis, Milete, tua celerique carina [2]
448 Aegaeas metiris aquas et in Aside terra [3]
449 moenia constituis positoris habentia nomen. [ ]
450 hic tibi, dum sequitur patriae curvamina ripae, [ ]
451 filia Maeandri totiens redeuntis eodem [ ]
452 cognita Cyanee praestanti corpora forma, [ ]
Publius Ovidius Naso: Forvandlinger, 9. bog (Rizzoli)
453 Byblida cum Cauno, prolem est enixa gemellam. [1]
454 Byblis in exemplo est ut ament concessa puellae, [ ]
455 Byblis Apollinei correpta cupidine fratris. [ ]
456 non soror ut fratrem nec qua debebat amabat. [ ]?
457 illa quidem primo nullos intellegit ignes [ ]
458 nec peccare putat, quod saepius oscula iungat, [ ]
459 quod sua fraterno circumdet bracchia collo, [ ]
460 mendacique diu pietatis fallitur umbra. [ ]?
461 paulatim declinat amor, visuraque fratrem [2]
462 culta venit nimiumque cupit formosa videri, [ ]
463 et si qua est illic formosior, invidet illi. [ ]
464 sed nondum manifesta sibi est nullumque sub illo [ ]
465 igne facit votum; verumtamen aestuat intus. [ ]
466 iam dominum appellat, iam nomina sanguinis odit, [ ]
467 Byblida iam mavult quam se vocet ille sororem. [ ]
468 spes tamen obscenas animo demittere non est [1]?
469 ausa suo vigilans; placida resoluta quiete [ ]
470 saepe videt quod amat; visa est quoque iungere fratri [ ]
/felt 100 er altid tomt/ risultati [ ] della versificazione© >>>
Scarica file Word? (> Courier 10) o file PDF è possibile
Prossimo archivio n. 44 – ME5-OVID
Publius Ovidius Naso: Forvandlinger 9,471 [Metamorphoses]
Ritorna a CORPUS o (Nuova!) HOME PAGE 2O26 LatinaLectio!
LatinaLectio 